ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴳⵔⴰⵡⵍⴰ ⵜⴰⴷⵣⴰⵢⵔⵉⵜ: 12 ⵏ ⵜⵎⵓⵔⴰ ⴰⵢ ⵢⴻⴱⴷⴰⵏ ⵜⵜⴰⴽⴼⴻⵏⵜ-ⴷ ⵜⴰⵕⵛⵉⴱⵉⵏ ⵉ ⵍⴻⵣⵣⴰⵢⴻⵔ
ⴱⵓⵔⵎⴻⵔⴷⴰⵙ – 12 ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⵎⵓⵔⴰ ⵏⵉⴹⴻⵏ ⵢⴻⵍⵍⴰⵏ ⴷ ⵜⵉⵎⴻⴷⴷⵓⴽⴰⵍ ⵏ ⵍⴻⵣⵣⴰⵢⴻⵔ ⴰⵢ ⵢⴻⴱⴷⴰⵏ ⵜⵜⴰⴽⴼⴻⵏⵜ-ⴷ ⵜⴰⵕⵛⵉⴱⵉⵏ ⴰⵢ ⵙⵄⴰⵏⵜ ⵖⴻⴼ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⴱⵓⵎⴻⵔⴷⴰⵙ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ, ⵢⴻⵏⵏⴰ-ⴷ ⵎⴰⵙⵙ ⵣⵉⵜⵧⵓⵏⵉ, ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⵏⵏⴻⵙ ⵏ ⵓⵅⴻⴷⴷⵉⵎ ⵖⴻⴼ ⵜⵡⵉⵍⴰⵢⵜ-ⴰ, ⴷ ⴰⴽⴽⴻⵏ « ⵍⴰ ⴷ-ⵢⴻⵜⵜⵉⵍⵉ ⵢⵉⵡⴻⵏ ⵏ ⵛⵛⵖⴻⵍ ⴳⴰⵔ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⴽⵔⴰ ⵏ ⵜⵎⵓⵔⴰ ⵜⵉⵎⴻⴷⴷⵓⴽⴰⵍ ⵏ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⴻⵕⵛⵉⴱⵉⵏ ⵏ ⵜⴻⴳⵔⴰⵡⵍⴰ », ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « 12 ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⵎⵓⵔⴰ ⵏⵉⴹⴻⵏ ⵢⴻⵍⵍⴰⵏ ⴷ ⵜⵉⵎⴻⴷⴷⵓⴽⴰⵍ ⵏ ⵜⵎⵓⵔⵜ-ⵏⵏⴻⵖ ⴰⵢ ⵢⴻⴱⴷⴰⵏ ⵜⵜⴰⵔⵔⴰⵏⵜ-ⴷ ⵉ ⵍⴻⵣⵣⴰⵢⴻⵔ ⵜⵉⴼⵜⴰⵔⵉⵏ (ⵡⴰⵜⴰ’ⵉⵇ), ⵜⵉⵡⵍⴰⴼⵉⵏ ⴷ ⵢⵉⴷⵍⵉⵙⴻⵏ ⵢⴻⵇⵇⵏⴻⵏ ⵖⴻⵔ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ».
« ⴰⵡⴰⵏⴰⴽ (ⴷⴰⵡⵍⴰ) ⴰⴷⵣⴰⵢⵔⵉ ⵢⴻⴼⴽⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵜⵉⵔⴰⵡⵜ ⵏ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ ⵜⴰⵎⴻⵇⵔⴰⵏⵜ ⴰⴽⴽ ⴷⴻⴳ ⵓⵎⴰⴹⴰⵍ, ⵢⴻⵔⵏⴰ ⵢⴻⵙⵙⴻⵔⵙ-ⴷ ⴰⴽⴽ ⴰⵢⴻⵏ ⵢⴻⵙⵙⴻⴼⴽⴻⵏ, ⴰⵎⴰ ⴷ ⵜⵜⴰⵡⵉⵍ ⵏⴻⵖ ⴷ ⵉⵎⴷⴰⵏⴻⵏ, ⴰⴽⴽⴻⵏ ⴰⴷ ⵢⴻⴽⵍⴻⵙ (ⵢⵓⵙⴰⴵⴵⵉⵍ) ⵛⵛⵀⴰⴷⴰⵜ ⵏ ⵢⵉⵎⵊⴰⵀⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ. ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ-ⴰ ⴱⴷⴰⵏⵜ « ⵜⵉⵎⵙⵉⵣⵣⴻⵍⵜ ⵎⴳⴰⵍ ⵡⴰⴽⵓⴷ ⴰⴽⴽⴻⵏ ⴰⴷ ⴷ-ⵊⴻⵎⵄⴻⵏ ⴰⵏⴻⵛⵜ ⴰⴽⴽ ⵓⵎⵉ ⵣⴻⵎⵔⴻⵏ ⵏ ⵡⴰⵙⴰⴹⴻⵏ ⴷ ⵢⵉⵖⴼⴰⵡⴻⵏ ⵏ ⵜⴻⴳⵔⴰⵡⵍⴰ ⴰⵢ ⵢⴻⴷⴷⵔⴻⵏ ⵉⵎⴻⵏⵖⵉ ⵏ ⵓⵖⵔⴻⴼ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⵢⴰⵡⵉ ⴰⵣⴰⵔⵓⴳ-ⵏⵏⴻⵙ ».
ⴰⵣⴰⵍ ⵏ 13.000 ⵏ ⵜⵙⴰⵄⵜⵉⵏ ⵏ ⵛⵛⵀⴰⴷⴰⵜ ⵜⵉⵎⵓⴷⴷⵉⵔⵉⵏ ⵏ ⵢⵉⵎⵊⴰⵀⴷⴻⵏ ⴰⵢ ⴷ-ⵢⴻⵜⵜⵡⴰⵊⴻⵎⵄⴻⵏ ⴰⵔⵎⵉ ⴷ ⵏⵡⴻⵎⴱⴻⵕ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵛⵛⵖⴻⵍ-ⴰ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ ⵢⴻⵔⵏⴰ ⵉⵙⵡⵉ-ⵏⵏⴻⵙ ⴷ « ⴰⴽⴻⵎⵎⴻⵍ ⵏ ⵓⵎⵎⴻⴽⵜⵉ ⵏ ⵜⴻⴳⵔⴰⵡⵍⴰ ⵏ ⵏⵡⴻⵎⴱⴻⵕ ⴰⵢ ⵏⴻⵜⵜⵡⴰⵍⵉ ⴷ ⴰⵎⴻⴷⵢⴰ ⵉ ⵡⴰⴽⴽ ⵉⵖⴻⵔⴼⴰⵏ ⵏ ⵓⵎⴰⴹⴰⵍ, ⵍⴰⴷⵖⴰ ⵡⵉⴷ ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⴼ ⵜⵍⴻⵍⵍⵉ-ⵏⵙⴻⵏ ».
ⵉⵅⴻⴱⴱⴻⵔ-ⴷ ⵎⴰⵙⵙ ⵣⵉⵜⵧⵓⵏⵉ ⴷ ⴰⴽⴽⴻⵏ ⵜⵉⵎⴻⴷⴷⵓⵔⵉⵏ-ⴰ ⵏ ⵢⵉⵎⵊⴰⵀⴷⴻⵏ ⵏ ⵜⴻⴳⵔⴰⵡⵍⴰ ⴰⴷ ⴷ-ⴼⴼⵖⴻⵏⵜ ⴷⴻⴳ ⵢⵉⴹⴻⴱⵙⵉⵢⴻⵏ ⵢⴻⵔⵏⴰ ⴰⴷ ⵜⵜⵡⴰⴼⴻⵔⵇⴻⵏⵜ ⴷⴻⴳ ⵢⵉⵖⴻⵔⴱⴰⵣⴻⵏ ⴰⴽⴽⴻⵏ ⴰⴷ ⵜⵜⵡⴰⵅⴻⴱⴱⵔⴻⵏⵜ ⵜⵙⵓⵜⵡⵉⵏ ⵏ ⵓⵣⴻⴽⴽⴰ ⵖⴻⴼ ⵡⴰⵙⴰⴹⴻⵏ (ⴰⴱⵟⴰⵍ) ⴰⵢ ⵢⴻⴼⴽⴰⵏ ⵉⵎⴰⵏ-ⵏⵙⴻⵏ ⴷ ⴰⵙⴼⴻⵍ ⴰⴽⴽⴻⵏ ⴰⴷ ⵜⴻⴷⴷⴻⵔ ⵍⴻⵣⵣⴰⵢⴻⵔ ⴷ ⵜⵉⵍⴻⵍⵍⵉⵜ ⵢⴻⵔⵏⴰ ⴷ ⵜⵉⵎⵣⵉⵔⴻⴳⵜ (ⵎⵓⵙⵜⴰⵇⵉⵍⵍⴰ
