Asebter amenzawi
Tagrawla Tadzayrit: 12 n tmura ay yebdan ttakfent-d taṛcibin i Lezzayer
BURMERDAS – 12 n tmura taɛṛabin d tmura niḍen yellan d timeddukal n Lezzayer ay yebdan ttakfent-d taṛcibin ay sɛant ɣef ṭṭrad n uslelli aɣelnaw, ɣef wakken ay d-yenna uneɣlaf n yimjahden, Tayeb Zitouni, ass n lḥedd deg Bumerdas.
Deg yiwet n tseɣrut (taṣriḥ) i tɣemsa, yenna-d Mass Zitouni, deg yijifeṛ n terzi-nnes n uxeddim ɣef twilayt-a, d akken « la d-yettili yiwen n ccɣel gar uɣlif n tɣawsiwin n uzɣar d kra n tmura timeddukal n Lezzayer i lmend n yiriri n teṛcibin n Tegrawla », yerna yenna-d d akken « 12 n tmura taɛṛabin d tmura niḍen yellan d timeddukal n tmurt-nneɣ ay yebdan ttarrant-d i Lezzayer tiftarin (wata’iq), tiwlafin d yidlisen yeqqnen ɣer ṭṭrad n uslelli aɣelnaw ».
« Awanak (dawla) adzayri yefka azal d ameqran i tirawt n umezruy n tegrawla tameqrant akk deg umaḍal, yerna yessers-d akk ayen yessefken, ama d ttawil neɣ d imdanen, akken ad yekles (yusaǧǧil) cchadat n yimjahden », ɣef wakken ay d-yenna uneɣlaf. Nnig waya, yenna-d d akken idisan ay terza temsalt-a bdant « timsizzelt mgal wakud akken ad d-jemɛen anect akk umi zemren n wasaḍen d yiɣfawen n tegrawla ay yeddren imenɣi n uɣref adzayri akken ad yawi azarug-nnes ».
Azal n 13.000 n tsaɛtin n cchadat timuddirin n yimjahden ay d-yettwajemɛen armi d Nwembeṛ 2015, ɣef wakken ay d-ixebber uneɣlaf, am wakken ay d-iwekked d akken ccɣel-a mazal yettkemmil yerna iswi-nnes d « akemmel n ummekti n tegrawla n Nwembeṛ ay nettwali d amedya i wakk iɣerfan n umaḍal, ladɣa wid ay la yettnaɣen ɣef tlelli-nsen ».
Ixebber-d Mass Zitouni d akken timeddurin-a n yimjahden n tegrawla ad d-ffɣent deg yiḍebsiyen yerna ad ttwaferqent deg yiɣerbazen akken ad ttwaxebbrent tsutwin n uzekka ɣef wasaḍen (abṭal) ay yefkan iman-nsen d asfel akken ad tedder Lezzayer d tilellit yerna d timziregt (mustaqilla
