ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⵍⴰⵎⵜ ⵜⵓⵍⵉⵎⵒⵉⵜ ⵜⴰⵣⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵍⴰ ⵜⴻⵜⵜⵀⴻⵢⵢⵉ ⵉⵎⴰⵏ-ⵏⵏⴻⵙ ⴷⴻⴳ ⵙⵉⴷⵉ ⵎⵓⵙⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⵓⵍⵉⵎⵒⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⴰⵙⵙ ⵏ ⵍⵃⴻⴷⴷ, ⴰⵏⵏⴰⵏ-ⵏⵏⴻⵙ (ⵜⴰⵔⴰⴱⴱⵓⵚ) ⵏ ⵓⵙⵙⴻⵡⵊⴻⴷ ⴷⴻⴳ ⵡⴰⵎⵎⴰⵙ ⴰⵜⵡⵉⵍⴰⵏ (ⵜⵉⵇⵏⵉ) ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵙⵉⴷⵉ ⵎⵓⵙⴰ (ⵜⴰⵡⵉⵍⴰⵢⵜ ⵏ ⵍⴷⵣⴰⵢⴻⵔ) ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016. 20 ⵏ ⵢⵉⵎⴰⵔⵉⵔⴻⵏ ⵓⵎⵉ ⴷ-ⵖⵔⴰⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵡⴰⵏⵏⴰⵏ-ⴰ.

ⴷ ⵡⴰ ⴰⵢ ⴷ ⴰⵏⵏⴰⵏ ⴰⵎⴻⵣⵡⴰⵔⵓ ⵏ ⵢⵉⵎⴰⵔⵉⵔⴻⵏ-ⴰ ⵙⴻⴳ ⵡⴰⵙⵎⵉ ⴰⵢ ⵜⵜⴻⴽⴽⴰⵏ ⴷⴻⴳ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ ⴰⵢⴷⴻⴳ ⵅⴻⵚⵔⴻⵏ ⵎⴳⴰⵍ ⵏⵉⵊⵉⵔⵢⴰ ⵙ 2 ⵖⴻⵔ 1 ⴰⵙⵙ ⵏ 12 ⴷⵓⵊⴻⵎⴱⴻⵕ 2015 ⴷⴻⴳ ⴷⴰⴽⴰⵔⴰ (ⵙⵉⵏⵉⴳⴰⵍ).

ⴷ ⴰⵛⵓ ⴽⴰⵏ, ⵉⵎⵉ ⴰⵢ ⵜⴻⵙⵙⴰⵡⴻⴹ ⵍⴷⵣⴰⵢⴻⵔ ⵖⴻⵔ ⵜⵏⴻⴳⴳⴰⵔⵓⵜ, ⵜⴻⵔⴱⴻⵃ-ⴷ ⴰⵣⵔⴻⴼ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016, ⵢⴻⵔⵏⴰ ⴷ ⵜⴰ ⴰⵢ ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ 36 ⵏ ⵢⵉⵙⴻⴳⴳⴰⵙⴻⵏ ⴰⵢⴷⴻⴳ ⴰⴷ ⵜⵄⴰⵡⴻⴷ ⵍⴷⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⵛⵉⵔⵜ ⵏ ⵓⴹⴰⵔ ⵜⵓⵍⵉⵎⵒⵉⵜ ⵙⴻⴳ ⵡⴰⵙⵎⵉ ⴰⵢ ⵜⴻⵜⵜⴻⴽⴽⴰ ⴷⴻⴳ ⵡⵓⵔⴰⵔⴻⵏ ⵏ ⵎⵓⵙⴽⵓ ⴷⴻⴳ 1980.

ⵓⵎⵓⵖ (ⵇⴰ’ⵉⵎⴰ) ⵏ ⵢⵉⵎⴰⵔⵉⵔⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵡⴰⵏⵏⴰⵏ ⵢⴻⴼⵔⵓⵔⵉ-ⴷ ⴷⴻⴳ-ⵙ ⵓⵇⴻⴱⵟⴰⵏ ⵎⵧⵀⴰⵎⴻⴷ ⴱⴻⵏⴽⴰⴱⵍⵉⴰ (ⴰⵙⵎ ⵡⴻⵀⵕⴰⵏ) ⴰⵢ ⴷ-ⵢⵓⵖⴰⵍⴻⵏ ⵖⴻⵔ ⵜⴻⵖⵍⴰⵎⵜ ⵜⵓⵍⵉⵎⵒⵉⵜ ⴷⴻⴼⴼⵉⵔ ⵎⴰ ⵉⵖⴰⴱ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ 2015 ⵖⴻⴼ ⵍⴵⴰⵍ ⵏ ⵜⵉⵖⵉⵏ ⴰⵢ ⵜⴻⵏⵜ-ⵢⵓⵖ.

ⵜⵉⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ ⵜⴰⵎⴻⵣⵡⴰⵔⵓⵜ ⴰⴷ ⵜⵓⵔⴰⵔ ⵜⴻⵖⵍⴰⵎⵜ ⵜⵓⵍⵉⵎⵒⵉⵜ ⵜⴰⴷⵣⴰⵢⵔⵉⵜ ⴰⴷ ⴷ-ⵜⵉⵍⵉ ⵎⴳⴰⵍ ⴼⴰⵍⴻⵙⵟⵉⵏ ⴰⵙⵙ ⵏ 17 ⴼⵓⵕⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⵉⵎⴰⵔⵉⵔⴻⵏ ⵓⵍⵉⵎⵒⵉⵢⴻⵏ ⵉⴷⵣⴰⵢⵔⵉⵢⴻⵏ ⴰⴷ ⵜⵜⴻⴽⴽⵉⵏ ⴷⴰⵖ ⴷⴻⴳ ⵜⴻⵍⵖⵓⵖⴰ ⵜⴰⴳⵔⴰⵖⵍⴰⵏⵜ ⵏ ⵇⴰⵟⴰⵔ ⴷⴻⴳ ⵎⴻⵖⵔⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⵍⴻⵎⵎⴻⵔ ⴰⴷ ⵜⵄⴻⴷⴷⵉ ⵇⴰⵟⴰⵔ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⴷⴻⴳ ⵜⴻⵍⵖⵓⵖⴰ ⵏ ⴰⵙⵢⴰ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵓⵙⵙⴰⵏ-ⴰ ⴷⴻⴳ ⴷⴷⵓⵃⴰ.

ⵓⵎⵓⵖ ⵏ ⵢⵉⵎⴰⵔⵉⵔⴻⵏ ⵓⵎⵉ ⴷ-ⵖⵔⴻⵏ: ⵙⴰⵍⵀⵉ ⴰⴱⴷⴻⵍⴽⴰⴷⵉⵔ, ⵛⵀⴰâⵍ ⴼⴰⵔⵉⴷ, ⵎⴻⵜⴻⵀⴰⵣⴻⵎ ⵧⵓⵙⵙⴰⵎⴰ, ⴱⴻⵏⴳⵓⵉⵜ ⵔⴰⵧⵓⴼ, ⵀⴰⵍⴰⵉⵎⵉⴰ ⵎⵧⵀⴰⵎⴻⴷ ⵔⴻⴷⴰ, ⵙⴰⵍⴰⵀ ⵏⵧⵓⵔ ⵉⵙⵍⴰⵎ, ⴰⴱⴷⴻⵍⵍⴰⵧⵓⵉ ⴰⵢⵧⵓⴱ, ⵔⴻⴱⵉⴰⵉ ⵎⵉⵍⵧⵓⴷ, ⴽⴻⵏⵏⵉⵛⵀⴻ ⵔⵢⴰⴷ, ⵛⵀⴻⵔⵉⴼⵉ ⵔⴻⴷⵧⵓⴰⵏⴻ, ⴼⴻⵔⵀⴰⵏⵉ ⵀⵧⵓⴰⵔⵉ, ⴼⴻⵔⵀⴰⵜ ⵣⵉⵏⴻⴷⴷⵉⵏⴻ, ⵙⴻⵎⴰⵀⵉ ⴽⵀⴰⵍⵉⵍ, ⴱⴻⵏⴽⵀⴻⵎⴰⵙⵙⴰ ⵎⵧⵀⴰⵎⴻⴷ, ⴷⵔⴰⵧⵓⵉ ⵣⴰⴽⴰⵔⵉⴰ, ⵛⵀⵉⵜⴰ ⵧⵓⵙⵙⴰⵎⴰ, ⵀⴰⴷⴷⵧⵓⵛⵀⴻ ⵣⴰⴽⴰⵔⵉⴰ, ⵎⴻⵣⵉⴰⵏⴻ ⴱⴻⵏⵜⴰⵀⴰⵔ, ⴰⵎⵧⴽⵔⴰⵏⴻ ⴰⴱⴷⴻⵍⵀⴰⴽⵉⵎ, ⴱⴻⵏⴽⴰⴱⵍⵉⴰ ⵎⵧⵀⴰⵎⴻⴷ.