ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⴱⴷⴻⵔ-ⴷ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⴰⵎⵄⴰⵡⴻⵏ ⴳⴰⵔ ⵓⵖⵍⵉⴼ ⴷ ⴱⵔⵉⵜⵉⵙⵀ ⵛⵧⵓⵏⵛⵉⵍ

ⵍⵧⵏⴷⵧⵏ – ⵜⴻⵙⵙⴰⵡⴻⵍ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴰⴱⵔⵉⵜ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⵧⵏⴷⵧⵏ, ⴷ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⴱⵔⵉⵜⵉⵙⵀ ⵛⵧⵓⵏⵛⵉⵍ ⵢⴻⵔⵏⴰ ⵜⴻⵙⵙⵓⴽⴽ-ⴷ ⵢⵉⴷ-ⵙⴻⵏ ⵜⵉⵟ ⵖⴻⴼ ⵜⴻⴳⵏⵉⵜ ⵏ ⵓⵎⵄⴰⵡⴻⵏ ⴳⴰⵔ ⵍⴷⵣⴰⵢⴻⵔ ⴷ ⵓⵖⴻⵔⴱⴰⵣ-ⴰ ⵏ ⵓⵙⵙⴻⵍⵎⴻⴷ.

ⵎⴰⵙⵙⴰ ⴱⴻⴳⵀⴰⴱⵔⵉⵜ, ⴰⵢ ⵢⴻⴷⴷⴰⵏ ⵖⴻⵔ ⵍⵧⵏⴷⵧⵏ ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵏⵎⴰⴳⴻⵔ ⴰⵎⴰⴹⴰⵍⴰⵏ ⵖⴻⴼ ⵓⵙⵙⴻⴳⵎⵉ (ⵡⴻⴼ-2016) ⵜⴻⵔⵣⴰ ⵖⴻⴼ ⴱⵔⵉⵜⵉⵙⵀ ⵛⵧⵓⵏⵛⵉⵍ ⵢⴻⵔⵏⴰ ⵜⴻⵙⵇⴻⵔⴷⴻⵛ ⵖⴻⴼ ⵓⵎⵄⴰⵡⴻⵏ ⵓⵛⵔⵉⴽ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ (ⵜⴰⵏⴼⵉⴷⵉ) ⵏ ⵜⵙⵓⴷⵓⵜ-ⴰ, ⵛⵉⴰⵔⴰⵏ ⴷⴻⵠⴰⵏⴻ, ⵜⴰⵏⴻⵎⵀⴰⵍⵜ ⵏ ⴱⵔⵉⵜⵉⵙⵀ ⵛⵧⵓⵏⵛⵉⵍ ⴷⴻⴳ ⵜⴻⵎⵏⴰⴹⵜ ⵏ ⵓⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ, ⴷ ⵜⵏⴻⵎⵀⴰⵍⵜ ⵏ ⵓⵙⵙⴻⴳⵎⵉ, ⵎⴰⵙⵙⴰ ⵊⵧ ⴱⴻⴰⵍⵍ.

ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷⴰⴽⴽⴻⵏ ⵜⴻⵙⵙⴰⵔⴰⵎ ⴰⴷ ⵢⵉⵎⵖⵓⵔ ⵓⵎⵄⴰⵡⴻⵏ-ⴰ ⵢⴻⵔⵏⴰ ⴰⴷ ⴷ-ⵉⵃⴰⵣ ⵜⵉⵖⴰⵡⵙⵉⵡⵉⵏ ⵏⵉⴹⴻⵏ ⵎⴻⵖⵉⵔ ⴰⵙⵙⴻⵍⵎⴻⴷ ⵏ ⵜⴰⵏⴳⵍⵉⵣⵉⵜ, ⵍⴰⴷⵖⴰ ⵉⵎⵉ ⵍⴷⵣⴰⵢⴻⵔ ⵜⴻⵍⵀⴰ-ⴷ ⴷ ⵜⵙⴻⵎⵎⴻⵙⴽⴻⵍⵜ (ⵉⵚⵍⴰⵃ) ⵏ ⵓⵏⴰⴳⵔⴰⵡ-ⵏⵏⴻⵙ (ⵏⵉⴹⴰⵎ) ⵏ ⵓⵙⵙⴻⴳⵎⵉ.

ⵜⴻⴱⴷⴻⵔ-ⴷ, ⵙ ⵡⴰⵢⴰ, 4 ⵏ ⵢⵉⵏⵓⵔⴰⵔ ⵏⵉⴹⴻⵏ ⵏ ⵓⵎⵄⴰⵡⴻⵏ ⴷ ⴱⵔⵉⵜⵉⵙⵀ ⵛⵧⵓⵏⵛⵉⵍ, ⵢⴻⵔⵏⴰ ⵡⵉ ⴷ ⵜⴰⵙⵏⴰⵔⵔⴰⵢⵜ (ⵎⴰⵏⵀⴰⴵⵉⵢⵢⴰ) ⴷⴻⴳ ⵓⵀⴻⵢⵢⵉ ⵏ ⵡⴰⵀⵉⵍⴻⵏ, ⵜⴰⵙⵏⴰⵍⵎⵓⴷⵜ, ⴰⵙⵙⵉⵍⴻⵖ ⵏ ⵢⵉⵎⵙⵉⵍⵖⴻⵏ (ⵎⵓⴽⴰⵡⵡⵉⵏⵉⵏ) ⴷ ⵓⵏⴰⴳⵔⴰⵡ ⵏ ⵓⵃⴽⴰⵎ ⵏ ⵢⵉⵖⴻⵔⴱⴰⵣⴻⵏ.

ⵎⵉ ⵜⴻⵔⵣⴰ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⵖⴻⴼ ⵓⵅⵅⴰⵎ ⵏ ⴱⵔⵉⵜⵉⵙⵀ ⵛⵧⵓⵏⵛⵉⵍ, ⵜⴻⴹⴼⴻⵔ ⵢⵉⵡⴻⵏ ⵏ ⵓⵇⴻⴷⴷⴻⵎ ⵖⴻⴼ ⵓⵏⴰⴳⵔⴰⵡ ⴰⵙⴻⴳⵎⴰⵏ ⴰⴱⵔⵉⵟⴰⵏⵉ, ⵜⵉⵙⴻⵏⴼⴰⵍ-ⵏⵏⴻⵙ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ, ⴰⵀⵉⵍ-ⵏⵏⴻⵙ ⴷ ⵓⵏⴰⴳⵔⴰⵡ-ⵏⵏⴻⵙ ⵏ ⵓⵙⵡⴰⴹ (ⵜⴰⴼⵜⵉⵛ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴰⴳⵔⴰⵡ ⵏ ⵓⵙⵡⴰⴹ ⴷ ⵓⵙⵙⵉⵍⴻⵖ ⵏ ⵢⵉⵎⴰⵙⵡⴰⴹⴻⵏ (ⵎⵓⴼⴰⵜⵜⵉⵛⵉⵏ), ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵡⴰⵢⴰ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ ⴷⴻⴳ ⵍⴷⵣⴰⵢⴻⵔ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⴱⴷⴻⵔ-ⴷ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⴰⵢⴻⵏ ⵡⵓⵖⵓⵔ ⵢⴻⴱⵖⴰ ⴰⴷ ⵢⴰⵡⴻⴹ ⵓⵖⴻⵔⴱⴰⵣ ⴰⴷⵣⴰⵢⵔⵉ ⴷ ⵛⵛⵖⴻⵍ ⴰⵢ ⵢⴻⴳⴳⵓⵏⵉⵏ ⵉ ⵡⴰⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ ⵍⴷⵣⴰⵢⴻⵔ ⵍⴰ ⵜⴻⵜⵜⴻⴳ ⵓⵙⵙⵉⵙⴻⵏ ⴰⴽⴽⴻⵏ « ⴰⴷ ⴷ-ⵜⴻⵙⵙⴻⴱⴷⴻⴷ ⴰⵏⴰⴳⵔⴰⵡ ⴰⵙⴻⴳⵎⴰⵏ (ⵜⴰⵔⴱⴰⵡⵉ) ⴰⵢⴷⴻⴳ ⴰⴷ ⵉⵍⵉⵏ ⵡⴰⵣⴰⵍⴻⵏ ⵉⵎⴻⵖⵔⴰⴷⴰⵏⴻⵏ (ⵄⴰⵍⴰⵎⵉⵢⵢⴰ) » ⵢⴻⵔⵏⴰ ⴷ ⵡⵉⵏ ⴰⴷ ⵢⴻⵇⵇⵏⴻⵏ ⴰⵙⵙⴻⴳⵎⵉ ⵖⴻⵔ ⵜⵉⵖⵖⴻⵔⵎⵉ ⴷ ⵜⵎⵓⵔⵜ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⴱⵔⵉⵜⵉⵙⵀ ⵛⵧⵓⵏⵛⵉⵍ, ⵎⴰⵙⵙ ⴷⴻⵠⴰⵏⴻ, ⴷⴰⴽⴽⴻⵏ ⵢⵓⵎⴰⵔ ⵙ ⵓⵅⴻⴷⴷⵉⵎ ⴰⵢ ⵉⴳⴰ ⴱⵔⵉⵜⵉⵙⵀ ⵛⵧⵓⵏⵛⵉⵍ ⴷⴻⴳ ⵍⴷⵣⴰⵢⴻⵔ, ⵢⴻⵔⵏⴰ ⵢⴻⵙⵙⴰⵔⴻⵎ ⴷⴰⴽⴽⴻⵏ « ⴰⵎⵄⴰⵡⴻⵏ-ⴰ ⴰⴷ ⵢⴻⴵⵀⴻⴷ ⵓⴳⴰⵔ ».

ⵉⵄⴰⵡⴻⴷ ⴷⴰⵖ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵍⴻⴱⵖⵉ » ⵏ ⵜⵙⵓⴷⵓⵜ-ⴰ (ⵀⴰⵢ’ⴰ) ⵏⴻⵜⵜⴰ ⴷ « ⴰⵙⵙⴰⵍⵇⴻⵢ ⵏ ⵡⴰⵙⵙⴰⵖⴻⵏ ⵏ ⵓⵎⵄⴰⵡⴻⵏ ⴷⴻⴳ ⵡⴰⴽⴽ ⵉⵏⵓⵔⴰⵔ ⵏ ⵓⵙⵙⴻⴳⵎⵉ ».

ⵎⴰ ⴷ ⵎⴰⵙⵙⴰ ⵊⵧ ⴱⴻⴰⵍⵍ, ⴰⵢ ⴷ-ⵢⴻⵔⵣⴰⵏ ⵢⴰⴳⵉ ⵖⴻⴼ ⵍⴷⵣⴰⵢⴻⵔ ⴷⴻⴳ ⵛⵜⴻⵎⴱⴻⵕ ⵢⴻⵣⵔⵉⵏ, ⵜⵡⴻⴽⴽⴻⴷ-ⴷ ⴷⴰⴽⴽⴻⵏ « ⵍⴷⵣⴰⵢⴻⵔ ⴷ ⵜⴰⵎⵓⵔⵜ ⵢⴻⵙⵄⴰⵏ ⴰⵣⴰⵍ ⵖⴻⵔ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ », ⵢⴻⵔⵏⴰ ⵜⵡⴻⴽⴽⴻⴷ-ⴷ « ⴰⵣⴰⵍ ⴰⵢ ⵢⴻⵜⵜⴰⴽⴼ ⵓⵏⴻⵖⵍⴰⴼ ⴰⵎⴻⵏⵣⵓ, ⴷⴰⵠⵉⴷ ⵛⴰⵎⴻⵔⵧⵏ, ⵉ ⵓⵎⵄⴰⵡⴻⵏ-ⴰ ».