Asebter amenzawi

Assexṣer n yiẓekwan n yinselmen deg Paris

BOBIGNY (Fṛansa) – Yettwassexṣer umkuẓ (murabbaɛ) n yiẓekwan inselmen deg yiwet n tmeqbert tamnaḍant deg Paris ass n ssebt taṣebḥit ɣef wakken ay d-yenna ass n lḥedd lmir n tɣiwant aydeg d-tella tedyant-a aydeg aṭas n yiẓekwan inselmen ay ssamsen s ssbiɣa tazewwaɣt.

« Lecɣal-a n ussexṣer ur ttwaqbalen ara yerna ssiẓreɣ-ten s lǧehd d ameqran », ɣef wakken ay d-yenna deg yiwen n ulɣu (bayan) lmir n Dammarie-les-Lyes, Gilles Battail.

« Lateṛ n ssbiɣa ay d-nufa url lin d tira, wala d izumal ay ireggmen inselmen », ɣef wakken ay d-yerna.

Mass Battail iger-d tiɣri i medden akken « ur teddun ara deg lmuja n yiriri n ttaṛ imi aya ur yesɛi ara amkan deg tegduda », yerna yessemɛen-d s waya ɣef txazzabiyin-nni ay d-yellan deg Paris deg Yennayer d Nwembeṛ n 2015.

Ma d tamsulta (curṭa), tebda-d aḥtac akken ad d-taf anwi ay yesxeṣren 6 n yiẓekwan.

« Nesḥissif imi ay tewweḍ tegnit armi d anect-a », ɣef wakken ay d-yenna Abdallah Zekri, aselway n Usanay (marṣad) n Tislamufubit, i tnegga n AFP. « Tummɣa ɣef yimettanen d ayen ay ijerrhen ula d imuddiren, yerna lecɣal-a swaɣayen tmeddurt deg umqader deg tegnit-a yerwin », ɣef wakken ay d-yenna.

« Neḥseb-d gar 380 d 400 n lecɣal n tislamufubit deg 2015 » deg Fṛansa, ɣef wakken ay d-yenna Mass Zekri, yerna leḥsab-a unṣib iga-t-id Usanay seg yiccetkiyen ay d-yettawḍen ɣer temsulta d temsetla (darak), yerna ad ifak uheyyi-nnes ass n 22 Yennayer . Deg 2014, 136 n lecɣal ay d-yettwaḥesben.

Asanay n Tislamufubit d aḥric seg Useqqamu Afṛensis n Ddin Ineslem, yerna d tin ay d tasudut (mu’assasa) ay d-yettgensisen timesgidiwin deg Fṛansa. Asanay-a ixebber-d dakken rnan lecɣal d tuggziwin tislamufubiyin, ladɣa seg wasmi ay d-llant txazzabiyin n Yennayer 2015 mgal uɣmis n Charlie Hebdo d ssuq n Hyper Cacher deg Paris.