ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⵅⵚⴻⵔ ⵏ ⵢⵉⵥⴻⴽⵡⴰⵏ ⵏ ⵢⵉⵏⵙⴻⵍⵎⴻⵏ ⴷⴻⴳ ⵒⴰⵔⵉⵙ

ⴱⵧⴱⵉⴳⵏⵢ (ⴼⵕⴰⵏⵙⴰ) – ⵢⴻⵜⵜⵡⴰⵙⵙⴻⵅⵚⴻⵔ ⵓⵎⴽⵓⵥ (ⵎⵓⵔⴰⴱⴱⴰⵄ) ⵏ ⵢⵉⵥⴻⴽⵡⴰⵏ ⵉⵏⵙⴻⵍⵎⴻⵏ ⴷⴻⴳ ⵢⵉⵡⴻⵜ ⵏ ⵜⵎⴻⵇⴱⴻⵔⵜ ⵜⴰⵎⵏⴰⴹⴰⵏⵜ ⴷⴻⴳ ⵒⴰⵔⵉⵙ ⴰⵙⵙ ⵏ ⵙⵙⴻⴱⵜ ⵜⴰⵚⴻⴱⵃⵉⵜ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵍⵎⵉⵔ ⵏ ⵜⵖⵉⵡⴰⵏⵜ ⴰⵢⴷⴻⴳ ⴷ-ⵜⴻⵍⵍⴰ ⵜⴻⴷⵢⴰⵏⵜ-ⴰ ⴰⵢⴷⴻⴳ ⴰⵟⴰⵙ ⵏ ⵢⵉⵥⴻⴽⵡⴰⵏ ⵉⵏⵙⴻⵍⵎⴻⵏ ⴰⵢ ⵙⵙⴰⵎⵙⴻⵏ ⵙ ⵙⵙⴱⵉⵖⴰ ⵜⴰⵣⴻⵡⵡⴰⵖⵜ.

« ⵍⴻⵛⵖⴰⵍ-ⴰ ⵏ ⵓⵙⵙⴻⵅⵚⴻⵔ ⵓⵔ ⵜⵜⵡⴰⵇⴱⴰⵍⴻⵏ ⴰⵔⴰ ⵢⴻⵔⵏⴰ ⵙⵙⵉⵥⵔⴻⵖ-ⵜⴻⵏ ⵙ ⵍⴵⴻⵀⴷ ⴷ ⴰⵎⴻⵇⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵍⵎⵉⵔ ⵏ ⴷⴰⵎⵎⴰⵔⵉⴻ-ⵍⴻⵙ-ⵍⵢⴻⵙ, ⴳⵉⵍⵍⴻⵙ ⴱⴰⵜⵜⴰⵉⵍ.

« ⵍⴰⵜⴻⵕ ⵏ ⵙⵙⴱⵉⵖⴰ ⴰⵢ ⴷ-ⵏⵓⴼⴰ ⵓⵔⵍ ⵍⵉⵏ ⴷ ⵜⵉⵔⴰ, ⵡⴰⵍⴰ ⴷ ⵉⵣⵓⵎⴰⵍ ⴰⵢ ⵉⵔⴻⴳⴳⵎⴻⵏ ⵉⵏⵙⴻⵍⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⵎⴰⵙⵙ ⴱⴰⵜⵜⴰⵉⵍ ⵉⴳⴻⵔ-ⴷ ⵜⵉⵖⵔⵉ ⵉ ⵎⴻⴷⴷⴻⵏ ⴰⴽⴽⴻⵏ « ⵓⵔ ⵜⴻⴷⴷⵓⵏ ⴰⵔⴰ ⴷⴻⴳ ⵍⵎⵓⵊⴰ ⵏ ⵢⵉⵔⵉⵔⵉ ⵏ ⵜⵜⴰⵕ ⵉⵎⵉ ⴰⵢⴰ ⵓⵔ ⵢⴻⵙⵄⵉ ⴰⵔⴰ ⴰⵎⴽⴰⵏ ⴷⴻⴳ ⵜⴻⴳⴷⵓⴷⴰ », ⵢⴻⵔⵏⴰ ⵢⴻⵙⵙⴻⵎⵄⴻⵏ-ⴷ ⵙ ⵡⴰⵢⴰ ⵖⴻⴼ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵒⴰⵔⵉⵙ ⴷⴻⴳ ⵢⴻⵏⵏⴰⵢⴻⵔ ⴷ ⵏⵡⴻⵎⴱⴻⵕ ⵏ 2015.

ⵎⴰ ⴷ ⵜⴰⵎⵙⵓⵍⵜⴰ (ⵛⵓⵔⵟⴰ), ⵜⴻⴱⴷⴰ-ⴷ ⴰⵃⵜⴰⵛ ⴰⴽⴽⴻⵏ ⴰⴷ ⴷ-ⵜⴰⴼ ⴰⵏⵡⵉ ⴰⵢ ⵢⴻⵙⵅⴻⵚⵔⴻⵏ 6 ⵏ ⵢⵉⵥⴻⴽⵡⴰⵏ.

« ⵏⴻⵙⵃⵉⵙⵙⵉⴼ ⵉⵎⵉ ⴰⵢ ⵜⴻⵡⵡⴻⴹ ⵜⴻⴳⵏⵉⵜ ⴰⵔⵎⵉ ⴷ ⴰⵏⴻⵛⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴱⴷⴰⵍⵍⴰⵀ ⵣⴻⴽⵔⵉ, ⴰⵙⴻⵍⵡⴰⵢ ⵏ ⵓⵙⴰⵏⴰⵢ (ⵎⴰⵔⵚⴰⴷ) ⵏ ⵜⵉⵙⵍⴰⵎⵓⴼⵓⴱⵉⵜ, ⵉ ⵜⵏⴻⴳⴳⴰ ⵏ ⴰⴼⵒ. « ⵜⵓⵎⵎⵖⴰ ⵖⴻⴼ ⵢⵉⵎⴻⵜⵜⴰⵏⴻⵏ ⴷ ⴰⵢⴻⵏ ⴰⵢ ⵉⵊⴻⵔⵔⵀⴻⵏ ⵓⵍⴰ ⴷ ⵉⵎⵓⴷⴷⵉⵔⴻⵏ, ⵢⴻⵔⵏⴰ ⵍⴻⵛⵖⴰⵍ-ⴰ ⵙⵡⴰⵖⴰⵢⴻⵏ ⵜⵎⴻⴷⴷⵓⵔⵜ ⴷⴻⴳ ⵓⵎⵇⴰⴷⴻⵔ ⴷⴻⴳ ⵜⴻⴳⵏⵉⵜ-ⴰ ⵢⴻⵔⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵏⴻⵃⵙⴻⴱ-ⴷ ⴳⴰⵔ 380 ⴷ 400 ⵏ ⵍⴻⵛⵖⴰⵍ ⵏ ⵜⵉⵙⵍⴰⵎⵓⴼⵓⴱⵉⵜ ⴷⴻⴳ 2015 » ⴷⴻⴳ ⴼⵕⴰⵏⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⴻⴽⵔⵉ, ⵢⴻⵔⵏⴰ ⵍⴻⵃⵙⴰⴱ-ⴰ ⵓⵏⵚⵉⴱ ⵉⴳⴰ-ⵜ-ⵉⴷ ⵓⵙⴰⵏⴰⵢ ⵙⴻⴳ ⵢⵉⵛⵛⴻⵜⴽⵉⵢⴻⵏ ⴰⵢ ⴷ-ⵢⴻⵜⵜⴰⵡⴹⴻⵏ ⵖⴻⵔ ⵜⴻⵎⵙⵓⵍⵜⴰ ⴷ ⵜⴻⵎⵙⴻⵜⵍⴰ (ⴷⴰⵔⴰⴽ), ⵢⴻⵔⵏⴰ ⴰⴷ ⵉⴼⴰⴽ ⵓⵀⴻⵢⵢⵉ-ⵏⵏⴻⵙ ⴰⵙⵙ ⵏ 22 ⵢⴻⵏⵏⴰⵢⴻⵔ . ⴷⴻⴳ 2014, 136 ⵏ ⵍⴻⵛⵖⴰⵍ ⴰⵢ ⴷ-ⵢⴻⵜⵜⵡⴰⵃⴻⵙⴱⴻⵏ.

ⴰⵙⴰⵏⴰⵢ ⵏ ⵜⵉⵙⵍⴰⵎⵓⴼⵓⴱⵉⵜ ⴷ ⴰⵃⵔⵉⵛ ⵙⴻⴳ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ, ⵢⴻⵔⵏⴰ ⴷ ⵜⵉⵏ ⴰⵢ ⴷ ⵜⴰⵙⵓⴷⵓⵜ (ⵎⵓ’ⴰⵙⵙⴰⵙⴰ) ⴰⵢ ⴷ-ⵢⴻⵜⵜⴳⴻⵏⵙⵉⵙⴻⵏ ⵜⵉⵎⴻⵙⴳⵉⴷⵉⵡⵉⵏ ⴷⴻⴳ ⴼⵕⴰⵏⵙⴰ. ⴰⵙⴰⵏⴰⵢ-ⴰ ⵉⵅⴻⴱⴱⴻⵔ-ⴷ ⴷⴰⴽⴽⴻⵏ ⵔⵏⴰⵏ ⵍⴻⵛⵖⴰⵍ ⴷ ⵜⵓⴳⴳⵣⵉⵡⵉⵏ ⵜⵉⵙⵍⴰⵎⵓⴼⵓⴱⵉⵢⵉⵏ, ⵍⴰⴷⵖⴰ ⵙⴻⴳ ⵡⴰⵙⵎⵉ ⴰⵢ ⴷ-ⵍⵍⴰⵏⵜ ⵜⵅⴰⵣⵣⴰⴱⵉⵢⵉⵏ ⵏ ⵢⴻⵏⵏⴰⵢⴻⵔ 2015 ⵎⴳⴰⵍ ⵓⵖⵎⵉⵙ ⵏ ⵛⵀⴰⵔⵍⵉⴻ ⵀⴻⴱⴷⵧ ⴷ ⵙⵙⵓⵇ ⵏ ⵀⵢⵒⴻⵔ ⵛⴰⵛⵀⴻⵔ ⴷⴻⴳ ⵒⴰⵔⵉⵙ.