ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵛⵉⵡⴻⵕ ⴳⴰⵔ ⴼⵕⴰⵏⵙⴰ ⴷ ⵍⴻⵣⵣⴰⵢⴻⵔ ⵡⴻⵔⴵⵉⵏ ⵢⴻⴵⵀⵉⴷ ⴰⴽⴽⴻⵏ ⵢⴻⵍⵍⴰ ⴰⵙⵙ-ⴰ
ⵎⴰⵔⵙⴻⵉⵍⵍⴻ – ⴰⵎⵛⵉⵡⴻⵕ ⴳⴰⵔ ⴼⵕⴰⵏⵙⴰ ⴷ ⵍⴻⵣⵣⴰⵢⴻⵔ ⵡⴻⵔⴵⵉⵏ « ⵢⴻⴵⵀⵉⴷ ⵏⴻⵖ ⵢⴻⴳⴳⵉⵜ » ⴰⵏⴻⵛⵜ ⵢⴻⵍⵍⴰ ⴰⵙⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵎⴰⵔⵙⴻⵉⵍⵍⴻ, ⵜⵏⴻⵖⵍⴰⴼⵜ ⵜⴰⴼⵕⴻⵏⵙⵉⵙⵜ ⵏ ⵢⵉⴷⵍⴻⵙ ⴷ ⵜⴻⵖⵡⴰⵍⵜ, ⴼⵍⴻⵓⵔ ⵒⴻⵍⵍⴻⵔⵉⵏ, ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵜⵣⵉⴽⴽⴻⵏⵜ ⵏ « ⵎⴰⴷⴻ ⵉⵏ ⴰⵍⴳⴻⵔⵉⴰ ».
« ⴰⵎⵛⵉⵡⴻⵕ-ⵏⵏⴻⵖ ⵡⴻⵔⴵⵉⵏ ⵢⴻⴵⵀⵉⴷ ⵏⴻⵖ ⵢⴻⴳⴳⵉⵜ ⴰⴽⴽⴻⵏ ⵢⴻⵍⵍⴰ ⴰⵙⵙ-ⴰ, ⵢⴻⵔⵏⴰ ⵓⵎⴰⵔⴻⵖ (ⴼⴻⵕⵃⴻⵖ) ⵙ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⵉⵏⴰⴱⴰⴹⴻⵏ (ⵃⵓⴽⵓⵎⴰⵜ) ⵏ ⵙⵏⴰⵜ-ⴰ ⵏ ⵜⵎⵓⵔⴰ « ⴼⴻⵔⵏⴻⵏⵜ ⴰⴷ ⵙⵙⵓⴳⴳⵜⴻⵏⵜ ⴰⵎⵛⵉⵡⴻⵕ ⵙ ⵍⴻⵛⵖⴰⵍ ⵏ ⵓⵎⵄⴰⵡⴻⵏ ⴰⴷⴻⵍⵙⴰⵏ, ⵍⴰⴷⵖⴰ ⴷⴻⴳ ⵢⵉⵏⵓⵔⴰⵔ ⵏ ⵓⴷⵍⵉⵙ, ⵙⵙⵉⵏⵉⵎⴰ, ⴰⵙⵍⵉⵥⵔⵉ ⴷ ⵜⴳⴻⵎⵎⵉ ».
ⴷⵖⴰ ⵜⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⵍⴰ ⵙⵙⴻⴼⵔⴰⵢⴻⵏ ⴰⴷ ⴷ-ⵉⵍⵉⵏ ⵢⵉⵎⴱⴰⴷⴷⵍⴻⵏ « ⵉⵍⵓⴳⴰⵏⴻⵏ » ⴳⴰⵔ ⵢⵉⵅⴻⴷⴷⴰⵎⴻⵏ ⵏ ⵢⵉⴷⵍⴻⵙ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 2016 ⴷ 2017, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵎⴻⴽⵜⵉ ⴷ ⴰⴽⴽⴻⵏ ⴷⴻⴳ ⵜⵓⴱⴻⵕ ⵢⴻⵣⵔⵉⵏ, ⴷ ⴼⵕⴰⵏⵙⴰ ⴰⵢ ⴷ-ⵢⴻⵍⵍⴰⵏ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⴷⴻⴳ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵓⴷⵍⵉⵙ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
« ⵡⴰⵍⴰⵖ ⵍⵡⴻⵍⵀⴰ ⵜⴰⵎⴻⵇⵔⴰⵏⵜ ⴰⵢ ⴷ-ⵢⴻⴼⴽⴰ ⵓⴳⴷⵓⴷ ⴰⴷⵣⴰⵢⵔⵉ ⵉ ⵢⵉⵎⴻⵙⴽⴰⵔⴻⵏ (ⵎⵓ’ⴰⵍⵍⵉⴼⵉⵏ) ⵉⴼⵕⴻⵏⵙⵉⵙⴻⵏ, ⴷ ⵜⵉⵏ ⴰⵢ ⴷ-ⴼⴽⴰⵏ ⵜⴻⵥⵔⵉⴳⵉⵏ ⵜⵉⴼⵕⴻⵏⵙⵉⵙⵉⵏ ⵉ ⵍⴻⵣⵣⴰⵢⴻⵔ. ⴷⴻⴳ ⵎⴻⵖⵔⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⵇⵙⴻⵏⵟⵉⵏⴰ, ⵢⴻⵍⵍⴰⵏ ⴷ ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵕⴰⴱ, ⴰⴷ ⵜⵉⵍⵉ ⴷⴰⵖ ⴷ ⵜⵉⵏⴻⴱⴳⵉⵜ ⵜⵓⵣⵣⵉⴳⵜ (ⵅⴰⵚⵚⴰ) ⵏ ⵜⵎⴻⵙⵔⵉⵜ ⵏ ⵓⴷⵍⵉⵙ ⵏ ⵒⴰⵔⵉⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⵉⵎⵣⵉⴽⴽⴻⵏⵜ-ⴰ ⴰⴷ ⵢⴻⵇⵇⵉⵎⴻⵏ ⴰⵔⵎⴰ ⴷ ⵎⴰⵢⵓ ⴰⴷ ⵜⵉⵍⵉ ⴷ ⵜⴰⴳⵏⵉⵜ ⴰⴽⴽⴻⵏ « ⵢⴰⵍ ⵢⵉⵡⴻⵏ ⴰⴷ ⵉⵥⴻⵔ ⴰⵛⵃⴰⵍ ⴰⵢ ⴷ ⵉⵍⵇⴰⵢⴰⵏⴻⵏ ⵡⴰⵙⵙⴰⵖⴻⵏ ⴰⵢ ⴰⵖ-ⵉⵛⴻⵔⴽⴻⵏ ⴷ ⵡⴰⵛⵃⴰⵍ ⴰⵢ ⴵⴻⵀⴷⴻⵏ ⵢⴻⵔⵏⴰ ⵎⵛⵓⴱⴱⴰⴽⴻⵏ. ⵢⴰⵍ ⵢⵉⵡⴻⵏ ⵢⴻⵣⵎⴻⵔ ⴰⴷ ⴷ-ⵢⴰⵙ ⴰⴷ ⴷ-ⵢⴰⴳⴻⵎ ⴰⵢⴻⵏ ⴰⵢⵢⴻⵙ ⴰⴷ ⵢⴻⴱⵏⵓ ⵉⵎⴰⵍ-ⵏⵏⴻⵙ (ⵎⵓⵙⵜⴰⵇⴱⴰⵍ) ⴷ ⵡⵉⵏ ⴰⴷ ⵜ-ⵉⵛⴻⵔⴽⴻⵏ ⴷ ⵡⵉⵢⴰⴹ, ⴷ ⵉⵎⴰⵍ ⴰⵢⴷⴻⴳ ⴽⵓⵍⵍⴻⵛ ⵉⴱⴰⵏ, ⴷ ⵡⵉⵏ ⵏ ⵍⴻⵀⵏⴰ ⴷ ⵓⵀⴻⴷⴷⴻⵏ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵣⵔⵓⵢ, ⵜⴻⵏⵏⴰ-ⴷ ⵜⵏⴻⵖⵍⴰⴼ ⵜⴰⴼⵕⴻⵏⵙⵉⵙⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏ ⵢⵉⵅⴻⴷⴷⵉⵎⴻⵏ ⴷ ⵜⴻⴷⵢⴰⵏⵉⵏ « ⴰⴷ ⴷ-ⵢⴻⵙⴱⴰⵏⴻⵏ ⵙ ⵜⵎⵓⵖⵍⵉ ⵜⵓⵛⵔⵉⴽⵜ ⵜⵉⵖⴰⵡⵙⵉⵡⵉⵏ ⵢⴻⵇⵇⵏⴻⵏ ⵖⴻⵔ ⵓⵎⴻⵣⵔⵓⵢ ⵓⵛⵔⵉⴽ », ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⵅⴻⴷⴷⵉⵎ ⵏ ⵢⵉⵏⵎⴻⵣⵔⵓⵢⴻⵏ ⴷ ⵢⵉⵏⴰⵥⵓⵔⴻⵏ « ⵢⴻⵙⵄⴰ ⴰⵣⴰⵍ ⵉ ⵍⴻⴱⵏⵉ ⵏ ⵢⵉⵎⴰⵍ ⴰⵔⵓⵙⴰⵏ ».
