ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵡⴰⵀⵉⵍ ⵏ ⵓⵎⵄⴰⵡⴻⵏ ⵖⴻⴼ ⵓⵙⵙⵉⵍⴻⵖ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵍⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵙⵜⴻⵏⵢⴰⵏⵜ ⵍⴻⵣⵣⴰⵢⴻⵔ ⴷ ⵎⴰⵍⵉ, ⴰⵙⵙ ⵏ ⵜⵜⵍⴰⵜⴰ, ⵢⵉⵡⴻⵏ ⵏ ⵡⴰⵀⵉⵍ ⵏ ⵜⵉⴳⴰⵡⵜ (2016-2017) ⵖⴻⴼ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵓⵏⵔⴰⵔ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ).

ⵢⴻⵜⵜⵡⴰⵙⵜⴻⵏⵢⴰ ⵡⴰⵀⵉⵍ-ⴰ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ (ⵉⵃⵜⵉⴼⴰⵍ) ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⵏ ⵓⵙⵙⵉⵍⴻⵖ, ⵎⵧⵀⴰⵎⴻⴷ ⵎⴻⴱⴰⵔⴽⵉ, ⴷ ⵓⵏⴻⵖⵍⴰⴼ ⴰⵎⴰⵍⵉ ⵏ ⵓⵙⵙⴻⵎⵔⴻⵙ (ⵜⴰⵛⵖⵉⵍ), ⵎⴰⵀⴰⵎⴰⵏⴻ ⴱⴰⴱⵢ.

ⴰⵀⵉⵍ-ⴰ ⵢⴻⵔⵣⴰ ⴰⵎⴱⴰⴷⴷⴻⵍ ⵏ ⵡⴰⵀⵉⵍⴻⵏ ⵏ ⵓⵙⵙⵉⵍⴻⵖ, ⴰⵙⵙⵉⵍⴻⵖ ⵏ ⵢⵉⵎⵙⵉⵍⵖⴻⵏ (ⵎⵓⴽⴰⵡⵡⵉⵏⵉⵏ) ⴷⴻⴳ ⵜⵉⵊⵊⴻⵏⵢⴻⵕⵜ ⵜⴰⵙⴻⵏⵙⴻⴳⵎⴰⵏⵜ ⴷ ⵓⵙⵙⵉⵍⴻⵖ ⴷ ⵜⵓⴽⵛⵉ ⵏ ⵜⴰⴳⴳⴰⵣⵉⵏ ⵏ ⵓⵙⵙⵉⵍⴻⵖ ⵉ ⵢⵉⵎⴰⵏⵓⵏⴻⵏ (ⵎⵓⵜⴰⵔⴰⴱⴱⵉⵚⵉⵏ) ⵏ ⵓⵙⵙⵉⵍⴻⵖ.

ⴰⴷ ⴷ-ⵢⵉⵍⵉ ⴷⴰⵖ ⵓⵄⴰⵡⴻⵏ ⴰⵜⵡⵉⵍⴰⵏ (ⵜⵉⵇⵏⵉ) ⴷⴻⴳ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵏ ⵓⵅⴻⴱⴱⴻⵔ ⴷ ⵜⴻⵖⵡⴰⵍⵜ ⴷ ⵓⵎⴱⴰⴷⴷⴻⵍ ⵏ ⵍⴻⵇⵡⴰⵏⵉⵏ ⵢⴻⵔⵣⴰⵏ ⴰⵙⵙⵉⵍⴻⵖ.

« ⴰⴽⴽ ⵍⴻⵛⵖⴰⵍ-ⴰ ⵢⴻⵙⵙⴻⴼⴽ ⴰⴷ ⵜⵜⵡⴰⵙⴵⴻⵀⴷⴻⵏ ⵙ ⵡⴰⵀⵉⵍ ⵏ ⵓⵎⵄⴰⵡⴻⵏ ⴳⴰⵔ ⵢⵉⵖⴻⵔⴱⴰⵣⴻⵏ ⵏ ⵓⵙⵙⵉⵍⴻⵖ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⵢⵉⵍⵉ ⵡⴰⵀⵉⵍ-ⴰ ⵏ ⵓⵎⴱⴰⴷⴷⴻⵍ ⴷ ⴰⵍⴻⵖⵡⴰⵢ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⴱⴰⵔⴽⵉ ⴷⴻⴳ ⵜⴼⵓⴳⵍⴰ ⵏ ⵓⵙⵜⴻⵏⵢⵉ.

ⵉⵅⴻⴱⴱⴻⵔ-ⴷ ⵓⵏⴻⵖⵍⴰⴼ, ⵉ ⵍⵎⴻⵏⴷ ⵏ ⵡⴰⵢⴰ, ⴷ ⴰⴽⴽⴻⵏ ⵍⴻⵣⵣⴰⵢⴻⵔ « ⵜⴻⵡⵊⴻⴷ » ⴰⴷ ⵜⵄⴰⵡⴻⵏ ⵎⴰⵍⵉ ⴷⴻⴳ ⵜⵙⵓⴷⴷⴻⵙⵜ-ⵏⵏⴻⵙ (ⵉⵙⵜⵔⴰⵜⵉⴵⵉⵢⵢⴰ) ⵏ ⵜⵙⴻⵎⵎⴻⵙⴽⴻⵍⵜ (ⵉⵙⵍⴰⵃ) ⵏ ⵓⵙⵙⵉⵍⴻⵖ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ « ⵢⴻⵡⵊⴻⴷ » ⴰⴷ ⵢⴻⵅⴷⴻⵎ ⴰⴽⴽⴻⵏ « ⴰⴷ ⵢⴻⵙⵙⴻⴼⵄⴻⵍ » ⴰⵀⵉⵍ ⵏ ⵓⵎⴱⴰⴷⴷⴻⵍ ⴷ ⵜⵉⵛⵛⵓⵔⴽⴰ ⵉ ⵍⴼⴰⵢⴷⴰ ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵙⵏⴰⵜ-ⴰ ⵏ ⵜⵎⵓⵔⴰ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴰⵍⵉ ⴷ ⴰⴽⴽⴻⵏ « ⵢⵓⵎⴰⵔ (ⵢⴻⴼⵕⴻⵃ) » ⵙ ⵓⵙⵜⴻⵏⵢⵉ ⵏ ⵡⴰⵀⵉⵍ-ⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵙ ⵜⵉⴷⴻⵜ ⵍⴵⴻⵀⴷ ⵏ « ⵓⵎⵄⴰⵡⴻⵏ-ⴰ ⴰⴷ ⴷ-ⵢⴻⴳⵍⵓⵏ ⵙ ⵍⴼⴰⵢⴷⴰ ⴳⴰⵔ ⵎⴰⵍⵉ ⴷ ⵍⴻⵣⵣⴰⵢⴻⵔ ».

ⴰⵀⵉⵍ-ⴰ ⵏ ⵜⵉⴳⴰⵡⵜ ⵏ 2016-2017 « ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⴻⴵⵀⴻⴷ ⵏ ⵜⴻⵖⴱⵓⵍⴰ ⵜⴰⵍⵙⴰⵏⵉⵏ (ⵎⴰⵡⴰⵔⵉⴷ ⴱⴰⵛⴰⵔⵉⵢⵢⴰ) ⴷⴻⴳ ⵎⴰⵍⵉ ⵙ ⵓⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴷ ⵓⵙⵙⵉⵍⴻⵖ ⴷⴻⴳ ⵢⵉⵏⵓⵔⴰⵔ ⵏ ⵜⵉⵊⵊⴻⵏⵢⴻⵕⵜ ⵜⴰⵙⴻⵏⵙⴻⴳⵎⴰⵏⵜ (ⴱⵉⴷⴰⵖⵓⴵⵉⵢⵢⴰ) ⴷ ⵜⵉⵊⵊⴻⵏⵢⴻⵕⵜ ⵏ ⵓⵙⵙⵉⵍⴻⵖ, ⵢⴻⵔⵏⴰ ⴰⴷ ⵜⴻⵔⵥⴻⵎ ⴰⴱⵔⵉⴷ ⵉ ⵜⵎⵓⵙⵙⵏⵉ ⵏ ⵢⵉⵏⵓⵔⴰⵔ ⵏ ⵓⵙⵙⵉⵍⴻⵖ ⴰⴷ ⴷ-ⵢⴰⵡⵉⵏ ⵍⴼⴰⵢⴷⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.