Asebter amenzawi

Astenyi n wahil n umɛawen ɣef ussileɣ gar Lezzayer d Mali

LEZZAYER TAMANEɣT - Stenyant Lezzayer d Mali, ass n ttlata, yiwen n wahil n tigawt (2016-2017) ɣef umɛawen gar snat-a n tmura deg unrar n ussileɣ (takwin).

Yettwastenya wahil-a deg yiwet n tfugla (iḥtifal) ddaw tselwit n uneɣlaf n ussileɣ, Mohamed Mebarki, d uneɣlaf amali n ussemres (tacɣil), Mahamane Baby.

Ahil-a yerza ambaddel n wahilen n ussileɣ, assileɣ n yimsilɣen (mukawwinin) deg tijjenyeṛt tasensegmant d ussileɣ d tukci n taggazin n ussileɣ i yimanunen (mutarabbiṣin) n ussileɣ.

Ad d-yili daɣ uɛawen atwilan (tiqni) deg tesnatwilin (tiknuluǧiyyat) n uxebber d teɣwalt d umbaddel n leqwanin yerzan assileɣ.

« Akk lecɣal-a yessefk ad ttwasǧehden s wahil n umɛawen gar yiɣerbazen n ussileɣ n snat-a n tmura akken ad yili wahil-a n umbaddel d aleɣway », ɣef wakken ay d-yenna Mass Mebarki deg tfugla n ustenyi.

Ixebber-d uneɣlaf, i lmend n waya, d akken Lezzayer « tewjed » ad tɛawen Mali deg tsuddest-nnes (istratiǧiyya) n tsemmeskelt (islaḥ) n ussileɣ.

Seg yidis niḍen, iɛawed iwekked-d d akken aɣlif-nnes « yewjed » ad yexdem akken « ad yessefɛel » ahil n umbaddel d ticcurka i lfayda n usnefli (tanmiya) n snat-a n tmura.

Seg yidis-nnes, yenna-d uneɣlaf amali d akken « yumar (yefṛeḥ) » s ustenyi n wahil-a ay d-yesskanayen s tidet lǧehd n « umɛawen-a ad d-yeglun s lfayda gar Mali d Lezzayer ».

Ahil-a n tigawt n 2016-2017 « ad yettekki deg usseǧhed n teɣbula talsanin (mawarid bacariyya) deg Mali s umbaddel n ttejṛibat d ussileɣ deg yinurar n tijjenyeṛt tasensegmant (bidaɣuǧiyya) d tijjenyeṛt n ussileɣ, yerna ad terẓem abrid i tmussni n yinurar n ussileɣ ad d-yawin lfayda », ɣef wakken ay d-yenna.