Asebter amenzawi

Taselwayt n Tegduda n Malte temmuger Mas Sellal

LEZZAYER TAMANAɣT- Taselwayt n Tegduda n Malte, Marie Louise Coleiro Preca, temmuger ass n laṛebɛa di tsensuyt n ddewla yellan di Zeralda (Lezzayer), aneɣlaf amezwaru, Abdelmalek Sellal, yerzan ar ɣures.

Timlilit iḥeḍṛ-itt, seg yidis azzayri, aneɣlaf n ddewla, aneɣlaf n tɣawsiwin n wezɣaṛ d wemɛiwen ageraɣlan, Ramtane Lamamra, taneɣlaft n wemɛiwen ageraɣlan, n twacult akk d waddad n tmeṭṭut, Mounia Meslem, aneɣlaf umesni, Boudjema Talai akk d uselway anmahal amatu n Sonatrach, Amine Mazouzi.

Ma d idis amalṭi, ladɣa, yella uneɣlaf n tɣawsiwin n wezɣaṛ, Hon George Vella, aneɣlaf n tdamsa d usefti, Hon Chris Cardona akk d umciweṛ asertan d unmettan deg weɣlif amezwaru, Toni Abela.

Taselwayt Coleiro Preca tella tebda ass n ttlata yiwet n tirza n ddewla n tlata n wussan ɣer Lezzayer, s wencad n uselway n Tegduda Abdelaziz Bouteflika.

Tirza-yagi n ddewla d tagnitt useǧhed n wayen akk xeddment snat n tmura akken ad xedmen amcarek adamsan ara yilin d lfayda i sin idisan ladɣa di laɛḍil n temlilit d-iteddun n tseqqamutt yemmezdin n wemɛawen ara yilin di seddis wagguren imezwura n 2016.