ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴱⴻⴷⴷⴻⵍ ⴷ ⴰⵎⴻⵇⵔⴰⵏ ⴷⴻⴳ ⵢⵉⵏⴻⵎⵀⴰⵍⴻⵏ ⵏ ⵜⵏⴻⵣⴷⵓⵖⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴱⴻⴷⴷⴻⵍ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴰⴱⴷⴻⵍⵎⴰⴷⵀⵉⴷ ⵜⴻⴱⴱⵧⵓⵏⴻ ⴰⵟⴰⵙ ⵏ ⵢⵉⵏⴻⵎⵀⴰⵍⴻⵏ ⵏ ⵓⵃⵔⵉⵛ ⵏ ⵜⵏⴻⵣⴷⵓⵖⵜ ⴷ ⵜⴻⵎⴷⵉⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ. ⵙ ⵡⴰⵢⴰ, ⵢⴻⵙⵙⵓⵍⵉ 30 ⵏ ⵢⵉⵎⴹⴻⴱⴱⵔⴻⵏ ⵖⴻⵔ ⵓⵎⴽⴰⵏ ⵏ ⵓⵏⴻⵎⵀⴰⵍ, ⵉⴱⴻⴷⴷⴻⵍ ⴰⵎⴽⴰⵏ ⵏ ⵓⵅⴻⴷⴷⵉⵎ ⵉ 30 ⵏ ⵢⵉⵏⴻⵎⵀⴰⵍⴻⵏ ⵏⵉⴹⴻⵏ ⴰⵎ ⵡⴰⴽⴽⴻⵏ ⴰⵢ ⵉⴼⵓⴽ ⵜⴰⵡⵓⵔⵉ (ⵡⴰⴹⵉⴼⴰ) ⵏ 15 ⵏ ⵢⵉⵏⴻⵎⵀⴰⵍⴻⵏ ⵏⵉⴹⴻⵏ. ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, 30 ⵏ ⵢⵉⵎⴹⴻⴱⴱⵔⴻⵏ ⴰⵢ ⴷ-ⵢⴻⵜⵜⵡⴰⵙⴻⵎⵎⴰⵏ ⴷ ⵉⵏⴻⵎⵀⴰⵍⴻⵏ, ⴳⴰⵔ-ⴰⵙⴻⵏ 13 ⴷ ⵉⵏⴻⵎⵀⴰⵍⴻⵏ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ, ⵏ ⵍⴻⴱⵏⵉ ⴷ ⵜⵙⴻⴳⴷⴰ (ⵀⴰⵏⴷⴰⵙⴰ ⵎⵉⵄⵎⴰⵔⵉⵢⵢⴰ), 7 ⴷ ⵉⵏⴻⵎⵀⴰⵍⴻⵏ ⵏ ⵢⵉⴷⵉⵡⴰⵏⴻⵏ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ) ⴷ 10 ⴷ ⵉⵏⴻⵎⵀⴰⵍⴻⵏ ⵏ ⵓⵙⴳⴰⵍⴻⴼ ⴰⵏⴰⴳⴷⵓⴷ.

9 ⵏ ⵜⵍⴰⵡⵉⵏ ⴰⵢ ⴷ-ⵢⴻⵜⵜⵡⴰⵙⴻⵎⵎⴰⵏ ⴷ ⵜⵉⵏⴻⵎⵀⴰⵍⵉⵏ ⵜⵉⵎⴰⵢⵏⵓⵜⵉⵏ, ⵢⴻⵔⵏⴰ ⴰⵢⴰ ⵢⴻⵙⵙⴽⴰⵏⴰⵢ-ⴷ ⴰⵣⴰⵍ ⴰⵢ ⵢⴻⵜⵜⴰⴽⴼ ⵓⵖⵍⵉⴼ ⵉ ⵓⵜⵜⴻⴽⴽⵉ ⵏ ⵜⵎⴻⵟⵟⵓⵜ ⴷⴻⴳ ⵓⵃⵔⵉⵛ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, 30 ⵏ ⵢⵉⵏⴻⵎⵀⴰⵍⴻⵏ ⵓⵎⵉ ⵢⴻⵜⵜⵡⴰⴱⴻⴷⴷⴻⵍ ⵓⵎⴽⴰⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⴷⴻⴳ ⵜⵡⵉⵍⴰⵢⵉⵏ ⵏⵉⴹⴻⵏ (ⴳⴰⵔ-ⴰⵙⴻⵏ 18 ⵏ ⵢⵉⵏⴻⵎⵀⴰⵍⴻⵏ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ ⴷ 12 ⵏ ⵢⵉⵏⴻⵎⵀⴰⵍⴻⵏ ⵏ ⵓⵙⴳⴰⵍⴻⴼ ⴰⵏⴰⴳⴷⵓⴷ).

ⴰⵏⴻⵖⵍⴰⴼ ⵉⴼⵓⴽ ⵜⴰⵡⵓⵔⵉ ⵏ 15 ⵏ ⵢⵉⵏⴻⵎⵀⴰⵍⴻⵏ, ⴳⴰⵔ-ⴰⵙⴻⵏ 5 ⵏ ⵢⵉⵏⴻⵎⵀⴰⵍⴻⵏ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ, 6 ⵏ ⵢⵉⵏⴻⵎⵀⴰⵍⴻⵏ ⵏ ⵓⴷⵉⵡⴰⵏ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ ⴷ 4 ⵏ ⵢⵉⵏⴻⵎⵀⴰⵍⴻⵏ ⵏ ⵓⵙⴳⴰⵍⴻⴼ ⴰⵏⴰⴳⴷⵓⴷ.

ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, ⴰⵏⴻⵖⵍⴰⴼ ⵉⴼⵓⴽ ⵜⴰⵡⵓⵔⵉ ⵏ 9 ⵙⴻⴳ ⵢⵉⵏⴻⵎⵀⴰⵍⴻⵏ-ⴰ ⵖⴻⴼ ⵍⴵⴰⵍ ⵏ « ⵢⵉⴳⵎⴰⴹ ⵉⵅⵓⵚⵚⴻⵏ », ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵢⵉⵡⴻⵏ ⵙⴻⴳ ⵢⵉⵏⴻⵎⵀⴰⵍⴻⵏ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ ⴰⴷ ⵉⵄⴻⴷⴷⵉ ⴷⴻⴳ ⵛⵛⵕⴻⵄ ⵖⴻⴼ ⵍⴵⴰⵍ ⵏ ⵓⵔⴽⴰⴹ ⴰⵢ ⵢⴻⵔⴽⴻⴹ ⵍⵇⴰⵏⵓⵏ.

3 ⵙⴻⴳ ⵢⵉⵏⴻⵎⵀⴰⵍⴻⵏ ⴰⵢ ⵉⵃⵓⵣⴰ ⵕⵕⴰⵢ-ⴰ ⵏ ⵓⴼⴰⴽⵉ ⵏ ⵜⵡⵓⵔⵉ ⴰⴷ ⴰⵡⵉⵏ ⵜⴰⵙⵜⴰⵖⵜ (ⵜⴰⵇⴰⵄⵓⴷ), ⵢⴻⵔⵏⴰ ⵙⵉⵏ ⵙⴻⴳ-ⵙⴻⵏ ⴷ ⵏⵉⵜⵏⵉ ⵙ ⵜⵉⵎⵎⴰⴷ-ⵏⵙⴻⵏ ⴰⵢ ⵜⵜ-ⵢⴻⵙⵙⵓⵜⵔⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵖⵜⴻⵙ (ⵇⴰⵔⵔⴰⵔⴰ) ⵓⵏⴻⵖⵍⴰⴼ ⴰⴷ ⵢⴰⵣⴻⵏ ⵜⵉⴱⵕⴰⵜⵉⵏ ⵏ ⵓⵙⵙⴻⵃⴷⴻⵔ ⵉ 3 ⵏ ⵢⵉⵏⴻⵎⵀⴰⵍⴻⵏ ⵏ ⵓⵙⴳⴰⵍⴻⴼ ⴰⵏⴰⴳⴷⵓⴷ ⴷ ⵜⵓⵣⵣⵎⴰ ⵉ 29 ⵏ ⵢⵉⵏⴻⵎⵀⴰⵍⴻⵏ, ⴳⴰⵔ-ⴰⵙⴻⵏ 5 ⵏ ⵢⵉⵏⴻⵎⵀⴰⵍⴻⵏ ⵏ ⵢⵉⴷⵉⵡⴰⵏⵉⵏ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ, 2 ⵏ ⵢⵉⵏⴻⵎⵀⴰⵍⴻⵏ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ ⴷ 22 ⵏ ⵢⵉⵏⴻⵎⵀⴰⵍⴻⵏ ⵏ ⵜⵏⴻⵣⴷⵓⵖⵜ ⵖⴻⴼ ⵍⴵⴰⵍ ⵏ ⵜⴻⵛⵔⴰⵡⵜ-ⵏⵙⴻⵏ (ⵃⴰⵚⵉⵍⴰ) ⵉⵅⵓⵚⵚⴻⵏ ⴷⴻⴳ ⵜⵡⵉⵍⴰⵢⵉⵏ-ⵏⵙⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵏⴻⵣⴷⵓⵖⵜ ⵏ ⵜⵎⵓⵔⵜ.