ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴰⵍⴰⵀ ⴽⵀⴻⴱⵔⵉ ⴷⴻⴳ ⵏⴻⵡ ⴷⴻⵍⵀⵉ ⵉ ⵍⵎⴻⵏⴷ ⵏ ⵓⵙⴰⵔⴰⴳ ⴳⴰⵔ ⵜⴻⴼⵔⵉⵇⵜ ⴷ ⵍⵀⴻⵏⴷ ⵖⴻⴼ ⵜⴻⵥⵡⴻⵔⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵢⴻⴷⴷⵓ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ (ⵟⴰⵇⴰ), ⵙⴰⵍⴰⵀ ⴽⵀⴻⴱⵔⵉ, ⴰⵙⵙ ⵏ ⵍⴻⵅⵎⵉⵙ ⵖⴻⵔ ⵏⴻⵡ ⴷⴻⵍⵀⵉ (ⵍⵀⴻⵏⴷ) ⴰⵏⴷⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⴰⵔⴰⴳ ⵡⵉⵙ 4 ⵏ ⵢⵉⵏⴻⵖⵍⴰⴼⴻⵏ ⵏ ⵜⵎⴻⵔⵖⴰ (ⵎⴰⵃⵔⵓⵇⴰⵜ) ⵏ ⵜⴻⴼⵔⵉⵇⵜ ⴷ ⵍⵀⴻⵏⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

ⴰⵙⴰⵔⴰⴳ-ⴰ ⴰⴷ ⴷ-ⵢⵉⵍⵉ ⴳⴰⵔ 21 ⴷ 22 ⵢⴻⵏⵏⴰⵢⴻⵔ ⴷⴻⴳ ⵜⵎⴰⵏⴻⵖⵜ ⵜⴰⵀⴻⵏⴷⵉⵜ, ⵢⴻⵔⵏⴰ ⴰⴷ ⴷ-ⵢⴻⵍⵀⵓ ⵙ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵡⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⴵⵀⴻⴷ ⴰⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴷ ⵍⵀⴻⵏⴷ ⴷⴻⴳ ⵓⵏⵔⴰⵔ ⵏ ⵜⴻⵥⵡⴻⵔⵜ.

ⴷⴻⴳ ⵢⵉⵊⵉⴼⴻⵕ ⵏ ⵓⵙⴰⵔⴰⴳ-ⴰ ⴳⴰⵔ ⵍⵀⴻⵏⴷ ⴷ ⵜⴻⴼⵔⵉⵇⵜ, ⴰⴷ ⵢⴻⵎⵛⵉⵡⴻⵕ ⵎⴰⵙⵙ ⴽⵀⴻⴱⵔⵉ ⴷ ⵢⵉⵎⴹⴻⴱⴱⵔⴻⵏ ⵉⵀⴻⵏⴷⵉⵢⴻⵏ ⵖⴻⴼ ⵓⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⵀⴻⵏⴷ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⵍⴰⴷⵖⴰ ⵡⵉⵏ ⵏ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⴷ ⵜⵒⵉⵜⵕⵓⴽⵔⵓⵔⴰ, ⴰⵎ ⵡⴰⴽⴽⴻⵏ ⴰⴷ ⵢⴻⵎⵛⵉⵡⴻⵕ ⴷⴰⵖ ⴷ ⴽⵔⴰ ⵏ ⵢⵉⵎⵜⵉⵍⴻⵏ-ⵏⵏⴻⵙ ⵉⴼⵔⵉⵇⵉⵢⴻⵏ.