Asebter amenzawi

Salah Khebri deg New Delhi i lmend n usarag gar Tefriqt d Lhend ɣef teẓwert

LEZZAYER TAMANEɣT – Ad yeddu uneɣlaf n teẓwert (ṭaqa), Salah Khebri, ass n lexmis ɣer New Delhi (Lhend) anda ad yettekki deg usarag wis 4 n yineɣlafen n tmerɣa (maḥruqat) n Tefriqt d Lhend, ɣef wakken ay d-yenna uɣlif deg yiwen n ulɣu.

Asarag-a ad d-yili gar 21 d 22 Yennayer deg tmaneɣt tahendit, yerna ad d-yelhu s ussukku n tiṭ ɣef wayen ay izemren ad yesseǧhed amɛawen gar tmura tifriqiyin d Lhend deg unrar n teẓwert.

Deg yijifeṛ n usarag-a gar Lhend d Tefriqt, ad yemciweṛ Mass Khebri d yimḍebbren ihendiyen ɣef umɛawen gar Lezzayer d Lhend deg yinurar yemgerraden, ladɣa win n teẓwar d-yettuɣalen d tpitṛukrura, am wakken ad yemciweṛ daɣ d kra n yimtilen-nnes ifriqiyen.