Asebter amenzawi

Acqirrew agraɣlan n temsizzelt n ugama: 2.500 n yinaddalen ad yettekkin ass n ssebt deg Tbatent

TABATENT – Ugar n 2.500 n yinaddalen ad yettekkin, ass n ssebt deg Tbatent, deg umsizwer n ugama n « Yixerban n Ṛṛuman », yerna amsizwer-a d amecwaṛ wis 8 n ucqirrew aɣelnaw n 2015-2016 n temsizzelt n ugama n Tfidiṛalit Tadzayrit n Tatlitit, ɣef wakken ay aɣ-d-tenna ass n ttlata Tmehla (mudiriyya) n Yilemẓiyen d Waddal. 12 n temsizzlin ad d-yilin deg-s.

Amsizwer-a ad d-yili s umɛawen gar temɣunt (rabiṭa) n tatlilit n Tbatent d Tmehla n Yilemẓiyen d Waddal, yerna ad d-yili deg ubrid iweɛṛen, ladɣa imi ay d-iwet udfel deg temnaḍt-a, ɣef wakken ay d-tenna Tmehla ay d-yernan d akken azal n 2.000 n yinaddalen (seg taggayin [fi’at] yemgerraden) ay d-iwekkden d akken ad ttekkin.

Imḍebbren n ussuddes (tanḍim) « heyyan-d akk ttawilat yessefken akken ad srebḥen amsizwer-a, yerna ad d-yili s uɛawen n waṭas n teṛmisin (carikat) tiɣelnawin d tusligin. »

Tadyant-a n uswir agraɣlan ad ttekkint deg-s 4 n tmura tibeṛṛaniyibn, yerna ti d Tunes, Meṛṛuk, Beḥṛin d Qaṭar.

Lwelha ad d-tili ɣer umsizwer n yimeqranen ladɣa imi ad ttekkin deg-s wuẓwiren n ASAPC Lezzayer Tamaneɣt, AC Lbuṛj Buɛṛiṛiǧ, d yinaddalen n tɣellist (amn) taɣelnawt n Lezzayer Tamaneɣt d wid n teɣlamt n RB Ssuq n Letniyen (n Bgayet). ɣer tlawin, ad ttekkint daɣ tuẓwirin n teɣlamt n Lbuṛj Buɛṛiṛiǧ (Hadda Souaadia, Hadjer Soukehal d Rima Chenah Rima) ay irebḥen yagi deg yimsizewren yezrin.

Amsizwer-a ad d-tilint deg-s 12 n temsizzlin n gar 1.400 d 9.500 n yimitren (ɣef leḥsab n taggayin n leɛmeṛ).