Asebter amenzawi

Talɣuɣa n Tefriqt n Usembuk: Lezzayer d tis 10

CAPE TOWN (Tafriqt n Unẓul) – Taɣlamt tadzayrit n usembuk tfuk talɣuɣa n Tefriqt n tmezzugt n 470 deg umkan wis 10, deffir ma tesṛuḥ yiwen seg yinaddalen-nnes ay tent-yuɣen. Talɣuɣa-a tella-d gar 11 d 18 Yennayer deg Cape Town (Tafriqt n Unẓul).

Taɣlamt taɣelnawt, aydeg llan Samir Kssouri d Hakim Djoulah, tettekka kan deg 5 n temsizzlin gar 8-nni ay yellan deg telɣuɣa, yerna teḥbes deffir ma yuɣ-itent Kssouri deg yiwen n uḍad.

S waya, tezgel Lezzayer tagnit akken ad tesɛeddi taɣlamt tis 4 n usembuk ayyes ad tettekki deg Wuraren Ulimpiyen n Rio, deffir ma tessaweḍ ad tesɛeddi 3 niḍen deg Telɣuɣa n Tefriqt n 2015 ay d-yellan gar 4 d 11 Dujembeṛ deg Lezzayer.

3 n yinaddalen idzayriyen n usembuk ay iɛeddan ɣer Wuraren Ulimpiyen d Imene Cherif-Sahraoui (deg tmezzugt n Laser Radial), Katia Belabbes (deg tmezzugt n RSX) d Hamza Bouras (RSX).

Seg yidis niḍen, tiɣlamin tidzayriyin n tmezzugin n Standard, Radial, RSX d Optimism la ttgent, ussan-a, annan (tarabbuṣ) n ussewjed deg Uɣerbaz Aɣelnaw n Waddalen n Waman d Ddaw Waman n Buṛǧ Lbeḥri (Lezzayer) gar 16 d 22 Yennayer.