ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵙⴻⴽⴱⴰⴱⵜ ⵜⴰⴳⵔⴰⵖⵍⴰⵏⵜ ⵉ ⵓⵙⵙⵓⵜⴻⵔ ⵙⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴳⴻⵏ ⵜⴰⵙⴻⴼⵔⴰⵏⵜ ⵉ ⵓⵏⴻⵥⵔⵓⴼ ⵓⵜⵔⵉⵎ

ⴳⴻⵏⴻⵠⴻ – ⵢⴻⴱⴷⴰ-ⴷ ⵓⵙⴻⵇⵇⴰⵎⵓ ⴰⵙⵡⵉⵙⵉ ⵏ ⵓⴷⵀⴰⵍ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵢⵉⵡⴻⵜ ⵏ ⵜⵙⴻⴽⴱⴰⴱⵜ ⴷⴻⴳ ⵜⵓⵕⵓⴼⵜ ⴷ ⵓⵎⴰⴹⴰⵍ ⵉ ⵓⵙⵙⵓⵜⴻⵔ ⵙⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴳⴻⵏ ⵜⴰⵙⴻⴼⵔⴰⵏⵜ (ⵉⵙⵜⵉⴼⵜⴰ’) ⵏ ⵓⴳⴳⵓⵛⵛⴻⵍⵎⴰⵏ ⵉ ⵓⵖⵔⴻⴼ ⴰⵚⴻⵃⵔⴰⵡⵉ « ⵓⵇⴱⴻⵍ ⵜⴳⴰⵔⴰ ⵏ 2017 ».

ⴷⴻⴳ ⵢⵉⵡⴻⵜ ⵏ ⵜⴻⵖⵔⵉ ⵓⵎⵉ ⵙⴻⵎⵎⴰⵏ « ⴰⵏⴻⵥⵔⵓⴼ ⵓⵜⵔⵉⵎ-ⵜⴰⵙⴻⴼⵔⴰⵏⵜ ⵉⵎⵉⵔ-ⴰ », ⵙⵙⵓⵜⵔⴻⵏ ⵢⵉⵎⴷⴰⵏⴻⵏ ⴰⵢ ⵜⵜ-ⵢⴻⵙⵜⴻⵏⵢⴰⵏ ⵙⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ « ⴰⴷ ⵢⴻⴳ, ⵓⵇⴱⴻⵍ ⵜⴳⴰⵔⴰ ⵏ 2017, ⵜⴰⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⵉ ⵢⵉⵎⴻⵣⴷⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⵙ ⵓⵇⴰⴷⴻⵔ ⵏ ⵓⵖⴰⵡⴰⵙ ⵏ ⵜⴰⵍⵡⵉⵜ ⵏ 1991 », ⵢⴻⵔⵏⴰ ⵡⴻⴽⴽⴷⴻⵏ-ⴷ ⴷ ⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ « ⵢⴻⵙⵙⴻⴼⴽ ⴰⴷ ⴷ-ⵢⴻⵙⴼⴰⵢⴷⵉ ⵙ ⵜⵉⴷⴻⵜ ⵙⴻⴳ ⵓⵣⵔⴻⴼ ⵏ ⴼⴻⵔⵔⵓ ⵏ ⵓⵣⴻⴽⴽⴰ-ⵏⵏⴻⵙ, ⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵔⴽⴰⵡⴰⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».

ⵜⴰⵙⴻⴽⴱⴰⴱⵜ-ⴰ ⴰⴷ ⵜⴻⵜⵜⵓⵏⴻⴼⴽ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵛⵜⴻⵎⴱⴻⵕ ⵏ 2016, ⴷⴻⴼⴼⵉⵔ ⵎⴰ ⵜⴻⵊⵎⴻⵄ-ⴷ ⵉⵙⵜⴻⵏⵢⵉⵢⴻⵏ ⵏ ⵎⴻⴷⴷⴻⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵓⵇⴱⴻⵍ ⵎⴰ ⵜⴻⵍⵍⴰ-ⴷ ⵜⴻⵎⵍⵉⵍⵉⵜ ⵏ ⵜⵙⴻⵇⵇⴰⵎⵓⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⴷⴻⴳ ⵢⵉⵅⵅⴰⵎⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴳⴻⵏⴻⵠⴻ ⴷ ⵏⴻⵡ ⵢⵧⵔⴽ.

ⴷⴻⴳ ⵜⴻⴱⵕⴰⵜ-ⵏⵙⴻⵏ, ⵏⵏⴰⵏ-ⴷ ⵡⵉⴷ ⴰⵢ ⵜⵜ-ⵢⴻⵙⵜⴻⵏⵢⴰⵏ ⴷ ⴰⴽⴽⴻⵏ « ⴰⵏⴻⵥⵔⵓⴼ ⵓⵜⵔⵉⵎ ⵢⴻⵔⵙ-ⴷ, ⵙⴻⴳ 1963, ⴷⴻⴳ ⵡⵓⵎⵓⵖ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏ ⵢⵉⴽⴰⵍⴻⵏ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⵢⴻⵔⵏⴰ ⵉⵖⴻⵔⴼⴰⵏ-ⵏⵙⴻⵏ ⵙⵄⴰⵏ ⴰⵣⵔⴻⴼ ⵏ ⵓⴳⴳⵓⵛⵛⴻⵍⵎⴰⵏ ». ⴷⴻⴳ ⵜⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⵏ 1965 (2072) ⴷ 1966 (2229), ⵙⵙⵓⵜⵔⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ ⵙⵒⴻⵏⵢⵓⵍ ⴰⴷ ⴷ-ⵙⵡⴻⵊⴷⴻⵏ ⵜⵉⴳⵏⴰⵜⵉⵏ ⵢⴻⵙⵙⴻⴼⴽⴻⵏ ⵉ ⵓⵙⵙⵓⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ.

ⴷⴰⵖ, ⵢⴻⵙⵙⵓⴼⴼⴻⵖ-ⴷ ⵛⵛⵕⴻⵄ ⴰⴳⵔⴰⵖⵍⴰⵏ ⵏ ⵍⴰ ⵀⴰⵢⴻ, ⴰⵙⵙ ⵏ 16 ⵜⵓⴱⴻⵕ 1975, ⵕⵕⴰⵢ ⵏ ⵛⵛⵕⴻⵄ ⴰⵢⴷⴻⴳ ⵢⴻⵙⵜⴻⵄⵕⴻⴼ ⵙ ⵜⵉⵍⵍⵉⵏ ⵏ ⵢⵉⵎⴻⵣⴷⴰⵖⴻⵏ ⵉⵏⴻⵚⵍⵉⵢⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⵓⵍⴰⵛ ⴰⴽⴽ ⴰⵙⵙⴰⵖ ⵓⵙⴹⵉⴼ (ⵇⴰⵏⵓⵏⵉ) ⵏ ⵜⵏⴰⵢⴰ (ⵙⵉⵢⴰⴷⴰ) ⵜⴰⵖⴻⵍⵏⴰⵡⵜ ⴳⴰⵔ ⵎⴻⵕⵕⵓⴽ ⴷ ⵓⵏⴻⵥⵔⵓⴼ ⵓⵜⵔⵉⵎ.

« ⵉⴳⴻⵏ (ⴵⴰⵢⵛ) ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵢⴻⵥⴷⴻⵎ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵜⴻⴳⵔⴻⵙⵜ ⵏ 1975/76 ⵢⴻⵔⵏⴰ ⵎⴰⵣⴰⵍ-ⵉⵜ ⵢⴻⴹⴹⴻⴼ ⵜⴰⵎⵓⵔⵜ-ⴰ ⵙⴻⴳ ⵢⵉⵎⵉⵔ-ⵏⵏⵉ ⵢⴻⵔⵏⴰ ⵙ ⵓⴱⵔⵉⴷ ⵢⴻⴼⴼⵖⴻⵏ ⵉ ⵍⵇⴰⵏⵓⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵙⵒⴻⵏⵢⵓⵍ ⵜⴻⵏⵏⴰ-ⴷ ⴷ ⴰⴽⴽⴻⵏ ⵓⵔ ⵜⴻⴱⵖⵉ ⴰⵔⴰ ⴰⴷ ⵜⴽⴻⵎⵎⴻⵍ ⵜⴰⵎⴰⵙⵉⵜ-ⵏⵏⴻⵙ (ⵎⴰⵙ’ⵓⵍⵉⵢⵢⴰ) ⵏ ⵜⵏⴻⵣⵎⴰⵔⵜ ⵜⴰⵏⴻⴷⴱⴰⵍⵜ ⴰⵢⵢⴻⵙ ⵙⵜⴻⵄⵕⴼⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷⵖⴰ ⵙ ⵡⴰⵢⴰ ⴰⵢ ⵜⴻⴵⴵⴰ ⵙⵒⴻⵏⵢⵓⵍ ⵍⵡⴰⵊⴻⴱ-ⵏⵏⴻⵙ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵡⴰⴽⴰⵍ-ⴰ. ⴷⴻⴼⴼⵉⵔ ⵎⴰ ⵜⴻⵊⴱⴻⴷ ⵎⵓⵔⵉⵟⴰⵏⵢⴰ ⵉⵎⴰⵏ-ⵏⵏⴻⵙ ⴷⴻⴳ 1979, ⵜⴻⵥⴷⴻⵎ ⵎⴻⵕⵕⵓⴽ ⵖⴻⴼ ⵡⴰⴽⴽ ⴰⴽⴰⵍ ⴰⵢ ⴷ-ⵢⴻⵇⵇⵉⵎⴻⵏ ⵢⴻⵔⵏⴰ ⵜⴻⵇⵇⵉⵎ-ⴷ ⴷ ⵜⴰⵏⴻⵣⵎⴰⵔⵜ ⵜⴰⵡⵃⵉⴷⵜ ⴰⵢ ⵢⴻⴹⴹⴼⴻⵏ ⵜⴰⵎⵓⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⵢⴻⵙⵜⴻⵏⵢⴰⵏ ⵜⴰⵙⴻⴽⴱⴰⴱⵜ-ⴰ.

ⴷⴻⴳ 1979, ⵢⴻⵙⵜⴻⵄⵕⴻⴼ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵜⴰⵏⴻⵖⵜⵓⵙⵜ 34/37) ⵙ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵙ ⵢⵉⵙⴻⵎ-ⵏⵏⴻⵙ ⴷ ⵜⴰⴳⴻⵏⵙⴰⵙⵜ (ⵎⵓⵎⴰⵜⵜⵉⵍⴰ) ⵜⴰⵡⵃⵉⴷⵜ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⵢⴻⵔⵏⴰ ⵜⴻⵙⵙⵓⵜⴻⵔ ⵙⴻⴳ ⵎⴻⵕⵕⵓⴽ ⴰⴷ ⵜⴼⴰⴽ ⵜⵓⴹⴹⴼⴰ-ⵏⵏⴻⵙ ⵏ ⵡⴰⴽⴰⵍ ⴰⵚⴻⵃⵔⴰⵡⵉ ⵡⴰⵔ ⵍⴻⵄⴹⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⴱⴻⴷⵔⴻⵏ ⵡⵉⴷ ⵢⴻⵙⵜⴻⵏⵢⴰⵏ ⵜⴰⵙⴻⴽⴱⴰⴱⵜ-ⴰ.

ⵎⴰⵛⴰ ⵎⴻⵕⵕⵓⴽ ⵜⴽⴻⵎⵎⴻⵍ ⵜⵉⴷⴷⵉⵜ-ⵏⵏⴻⵙ, ⵢⴻⵔⵏⴰ ⵓⵍⴰ ⵎⴰ ⵜⴻⵇⴱⴻⵍ ⴰⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵜⴰⵍⵡⵉⵜ ⴷⴻⴳ 1991, ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵓⴷⴷⵙⴰ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵎⴰⵣⴰⵍ-ⵉⵜⵜ ⵜⵓⴳⵉ ⴰⴷ ⵜⵓⵖⴰⵍ ⵖⴻⵔ ⴷⴻⴼⴼⵉⵔ. ⵎⴰ ⴷ ⵉⵎⴻⵣⴷⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⵏ ⵓⵃⵔⵉⵛ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵍⵍⴰⵏ ⴷⴷⴰⵡ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵎⴰⵣⴰⵍ-ⵉⵜⴻⵏ ⴷⴷⵔⴻⵏ ⴷⴷⴰⵡ ⵍⵃⴻⵕⵙ ⴰⵢⴷⴻⴳ 40 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵉⵣⴻⵔⴼⴰⵏ ⴷ ⵜⵍⴻⵍⵍⵉⵢⵉⵏ-ⵏⵙⴻⵏ ⵜⵜⵡⴰⵔⴽⴰⴹⴻⵏ ⴰⵔⴽⴰⴹ ⴷ ⵓⴼⴹⵉⵃ: ⴰⵅⴹⴰⴼ ⴷ ⵓⵙⵙⴻⵄⵔⴻⵇ, ⵜⵉⵎⴻⵏⵖⵉⵡⵜ ⵡⴰⵔ ⴰⵛⴰⵕⴻⵄ, ⵜⵓⴹⴹⴼⴰ ⵡⴰⵔ ⵙⵙⴻⴱⴱⴰ, ⴰⵄⴻⵜⵜⴻⴱ, ⴰⵛⴰⵕⴻⵄ ⴷⴻⴳ ⵛⵛⵕⴻⵄ ⴰⵙⴻⵔⴷⴰⵙⴰⵏ ⴷ ⵓⵜⵄⴻⴷⴷⵉ ⵖⴻⴼ ⵜⵍⵉⵍⵍⵉⵢⵉⵏ ⵏ ⵜⵉⴷⴷⵓⴽⵍⴰ.