ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵣⵡⵉⵔⵜ ⵉ ⵓⵙⵙⴻⴼⵜⵉ ⴰⵢ ⴷ-ⵢⴻⵜⵜⴰⵡⵉⵏ ⵔⵔⴱⴻⵃ (ⴱⴻⴷⵧⵓⵉ)
ⵡⴰⵔⴻⴳⵍⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⴰⵔⴻⴳⵍⴰ, ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵜⴻⵜⵜⵓⵏⴻⴼⴽ ⵜⵓⵣⵡⵉⵔⵜ ⴷ ⵜⴰⵎⴻⵇⵔⴰⵏⵜ ⵉ ⵓⵙⵙⴻⴼⵜⵉ ⴰⵢ ⴷ-ⵢⴻⵜⵜⴰⵡⵉⵏ ⵔⵔⴱⴻⵃ ⴷ ⵓⵙⵙⵓⴳⴳⴻⵜ ⵏ ⵜⴽⴻⵔⵔⴰⵣⵜ ⴷⴻⴳ ⵜⴻⵎⵏⴰⴹⵉⵏ ⵏ ⵓⵏⴻⵥⵔⵓⴼ (ⵚⴰⵃⵔⴰ’) ».
ⴰⵎⴻⵛⵡⴰⵕ ⴰⵢⴷⴻⴳ ⵜⴻⵍⵍⴰ ⵜⵎⵓⵔⵜ ⴰⵙⵙ-ⴰ ⴷ ⵡⵉⵏ ⴰⵢⴷⴻⴳ ⵢⴻⵙⵙⴻⴼⴽ ⴰⴷ ⵜⵇⴰⴱⴻⵍ ⴰⵛⵇⵉⵔⵔⴻⵡ ⵏ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⴷ-ⵜⴻⴼⴼⴻⵖ « ⵖⴻⴼ ⵣⵉⴽ ⵍⵃⴰⵍ » ⵙⴻⴳ ⵓⵜⵜⴽⴰⵍ ⴰⵢ ⵜⴻⵜⵜⴽⴻⵍ ⵖⴻⴼ ⵜⵎⴻⵔⵖⴰ (ⵎⴰⵃⵔⵓⵇⴰⵜ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵡⵓⴼⵔⵉⵏⴻⵏ ⴷ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵜⵡⵉⵍⴰⵜ ⴷ ⵢⵉⴳⴻⵏⵙⴰⵏⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵅⵅⴰⵎ ⵏ ⵜⵡⵉⵍⴰⵢⵜ.
ⴷⴻⴳ ⵜⴻⵎⵙⴰⵍⵜ-ⴰ, ⵉⴳⴻⵔ-ⴷ ⵎⴰⵙⵙ ⴱⴻⴷⵧⵓⵉ ⵜⵉⵖⵔⵉ ⵉ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⵉⴷⴷⵉⵜ-ⴰ, ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ (ⴵⴰⵏⵓⴱ) ⵙ ⵓⵎⴰⵜⴰ, ⴷ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ, ⵉⵎⵉ ⵜⵉⵡⵉⵍⴰⵢⵉⵏ-ⴰ ⵙⵄⴰⵏⵜ ⵜⵉⵣⴻⵎⵎⴰⵔ ⴷ ⵜⵉⵎⴻⵇⵔⴰⵏⵉⵏ ⴷⴻⴳ ⵜⴻⵎⴳⵓⵔⵉ (ⵚⵉⵏⴰⵄⴰ), ⵜⴰⴽⴻⵔⵔⴰⵣⵜ ⴷ ⵜⵎⴻⵔⵔⵉⵜ, ⵢⴻⵔⵏⴰ ⵜⵉⵣⴻⵎⵎⴰⵔ-ⴰ ⴰⴷ ⴰⵙⴻⵏⵜ-ⴹⴻⵎⵏⴻⵏⵜ ⵜⴰⴷⵉⵏⴰⵎⵉⵜ ⵜⴰⴷⴰⵎⵙⴰⵏⵜ ⴰⴷ ⴷ-ⵢⴰⵡⵉⵏ ⵍⴼⴰⵢⴷⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴷⴷⵓⵕ ⴰⵢ ⵣⴻⵔⵎⴻⵏⵜ ⴰⴷ ⵜ-ⵓⵔⴰⵔⴻⵏⵜ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ (ⴵⴰⵎⴰⵄⴰⵜ ⵎⴰⵃⴰⵍⵍⵉⵢⵢⴰ) ⴷⴻⴳ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵢⴻⵏⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷ ⴰⴽⴽⴻⵏ ⵢⴻⵜⵜⵡⴰⵍⵉ-ⵜ ⵢⴻⵙⵄⴰ ⴰⵣⴻⴽⴽⴰ ⵉⴳⴻⵔⵔⵣⴻⵏ ⴷⴻⴳ ⵜⵡⵉⵍⴰⵢⵜ-ⴰ ⵙ ⵓⵜⵜⴻⴽⴽⵉ-ⵏⵙⴻⵏ ⴷⴻⴳ ⵓⵙⵙⴻⴼⵔⴻⴽ ⵏ ⵜⵖⴰⵡⵙⵉⵡⵉⵏ ⵏ ⵜⵖⵉⵡⴰⵏⵉⵏ-ⵏⵙⴻⵏ.
ⴷⵖⴰ ⵉⵅⴻⴱⴱⴻⵔ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⴷⴷⴻⵎ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵉⵃⴻⵣⵣⵉⴱⴻⵏ ⴰⴽⴽⴻⵏ ⴰⴷ ⵢⴻⴼⴽ ⵉ ⵜⵡⵉⵍⴰⵢⵜ-ⴰ ⵜⵜⴰⵡⵉⵍⴰⵜ ⴰⵢ ⵜⴻⵃⵡⴰⴵ ⴰⴽⴽⴻⵏ ⴰⴷ ⵜⴰⵡⴻⴹ ⵖⴻⵔ ⵢⵉⵙⵡⴰⵏ-ⵏⵏⴻⵙ ⵙ ⵓⵙⵙⵉⴷⴻⴼ ⵏ ⵔⵔⴱⴻⵃ ⴷ ⵓⵙⵏⵓⵍⴼⵓ ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ.
