ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⴷⴷⵓⴽⵍⴰ ⵜⴰⴼⵕⴻⵏⵙⵉⵙⵜ ⵏ ⵢⵉⵎⴷⴷⵓⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵜⵙⴻⴼⵔⴰⵏⵜ
ⵒⴰⵔⵉⵙ – ⵜⴻⴱⴷⴻⴷ ⵜⵉⴷⴷⵓⴽⵍⴰ ⵜⴰⴼⵕⴻⵏⵙⵉⵙⵜ ⵏ ⵢⵉⵎⴻⴷⴷⵓⴽⴰⵍ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ (ⴰⴼⴰ-ⵔⴰⵙⴷ), ⴰⵙⵙ ⵏ ⵍⴰⵕⴻⴱⵄⴰ, ⵖⴻⵔ ⵢⵉⴷⵉⵙ ⵏ ⵜⵙⴻⴽⴱⴰⴱⵜ ⵜⴰⴳⵔⴰⵖⵍⴰⵏⵜ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵙⵙⵓⴷⴷⵙⴻⵏ ⵜⴰⵙⴻⴼⵔⴰⵏⵜ (ⵉⵙⵜⵉⴼⵜⴰ’) ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⵉ ⵓⵖⵔⴻⴼ ⴰⵚⴻⵃⵔⴰⵡⵉ ⵓⵇⴱⴻⵍ ⵜⴳⴰⵔⴰ ⵏ 2017.
« ⵜⵉⴷⴷⵓⴽⵍⴰ ⵜⴰⴼⵕⴻⵏⵙⵉⵙⵜ ⵏ ⵢⵉⵎⴻⴷⴷⵓⴽⴰⵍ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴻⵔⵏⴰ ⵖⴻⵔ ⵜⵃⴻⵎⵍⴰ ⵜⴰⴳⵔⴰⵖⵍⴰⵏⵜ (ⴰⵏⴻⵥⵔⵓⴼ ⵓⵜⵔⵉⵎ-ⵜⴰⵙⴻⴼⵔⴰⵏⵜ ⵉⵎⵉⵔ-ⴰ) ⴰⵢ ⴷ-ⴱⴷⴰⵏ ⵢⵉⵙⴻⵇⵇⵓⵎⴰ ⵉⵙⵡⵉⵙⵉⵢⵉⵏ ⵉ ⵜⵙⴻⴽⴱⴰⴱⵜ ⴰⴷ ⵢⴻⵜⵜⵓⵏⴻⴼⴽⴻⵏ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷ ⵢⵉⵅⵅⴰⵎⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏ ⴳⴻⵏⴻⵠⴻ ⴷ ⵏⴻⵡ ⵢⵧⵔⴽ ⴷⴻⴳ ⵛⵜⴻⵎⴱⴻⵕ ⵏ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ-ⴰ ⵜⴰⴼⵕⴻⵏⵙⵉⵙⵜ ⴰⵢⴷⴻⴳ ⵜⵜⴻⴽⴽⴰⵏⵜ ⴰⵟⴰⵙ ⵏ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ (ⵖⴰⵔ ⵃⵓⴽⵓⵎⵉⵢⵢⴰ) ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ.
« ⵢⴻⵙⵙⴻⴼⴽ ⴰⴷ ⴷ-ⵙⴼⴰⵢⴷⵉⵏ ⵢⵉⵚⴻⵃⵔⴰⵡⵉⵢⴻⵏ ⵙⴻⴳ ⵓⵣⵔⴻⴼ-ⵏⵙⴻⵏ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ-ⵏⵏⵉ.
ⵜⴰⵙⴻⴽⴱⴰⴱⵜ-ⴰ ⵢⴻⵙⵙⴻⴱⴷⴻⴷ-ⵉⵜⵜ-ⵉⴷ ⵓⵙⴻⵇⵇⴰⵎⵓ ⴰⵙⵡⵉⵙⵉ ⵏ ⵓⴷⵀⴰⵍ (ⴷⴰⵄⵎ) ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⵢⴻⵔⵏⴰ ⴳⴰⵏ-ⵜⵜ-ⵉⴷ ⴰⴽⴽⴻⵏ ⴰⴷ ⵜⵜ-ⵙⵜⴻⵏⵢⵉⵏ ⵎⴻⴷⴷⴻⵏ ⴷⴻⴳ ⵜⵓⵕⵓⴼⵜ ⴷ ⵓⵎⴰⴹⴰⵍ ⵉ ⵓⵙⵙⵓⵜⴻⵔ ⵙⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵢⴻⵙⵙⵓⴷⴷⴻⵙ ⵜⴰⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵉ ⵓⵖⵔⴻⴼ ⴰⵚⴻⵃⵔⴰⵡⵉ « ⵓⵇⴱⴻⵍ ⵜⴳⴰⵔⴰ ⵏ 2017 ».
