Asebter amenzawi

Tiddukla Tafṛensist n Yimddukal n Uneẓruf Utrim bedden ɣer yidis n tsefrant

PARIS – Tebded Tiddukla Tafṛensist n Yimeddukal n Tegduda Taɛṛabt Taṣeḥrawit Tamegdayt (AFA-RASD), ass n laṛebɛa, ɣer yidis n tsekbabt tagraɣlant ay d-yegren tiɣri i Yiɣlanen Yeddukklen akken ad d-ssuddsen tasefrant (istifta’) n ugguccelman (taqrir maṣir) i uɣref aṣeḥrawi uqbel tgara n 2017.

« Tiddukla Tafṛensist n Yimeddukal n Tegduda Taɛṛabt Taṣeḥrawit terna ɣer tḥemla tagraɣlant (Aneẓruf Utrim-Tasefrant Imir-a) ay d-bdan Yiseqquma iswisiyin i tsekbabt ad yettunefken i Useqqamu n Tɣellist d yixxamen n Yiɣlanen Yeddukklen n Geneve d New York deg Ctembeṛ n 2016 », ɣef wakken ay d-tenna tiddukla-a tafṛensist aydeg ttekkant aṭas n tuddsiwin tirnabaḍin (ɣar ḥukumiyya) ay ibedden ɣer yidis n uɣref aṣeḥrawi deg yimenɣi-nnes mgal tuḍḍfa tameṛṛukit.

« Yessefk ad d-sfaydin Yiṣeḥrawiyen seg uzref-nsen n tsefrant n ugguccelman », ɣef wakken ay d-tenna Tiddukla-nni.

Tasekbabt-a yessebded-itt-id Useqqamu Aswisi n Udhal (daɛm) n Uɣref Aṣeḥrawi, yerna gan-tt-id akken ad tt-stenyin medden deg Tuṛuft d umaḍal i ussuter seg Useqqamu n Tɣellist n Yiɣlanen Yeddukklen akken ad yessuddes tasefrant n ugguccelman i uɣref aṣeḥrawi « uqbel tgara n 2017 ».