Asebter amenzawi

Qṣenṭina 2015 : Ugar n 30 inaẓuren deg tmesrirt tameqqrant n tesreqta n ccerq

QṢENṬINA - Tamesrirt tameqqrant n tesreqta n ccerq, i d-yessuddes uḥric n Tziknin n ’’Qṣenṭina, tamaneɣt n yidles aɛrab’’, tessegrew seg wass n labeɛa tameddit deg leqṣer n yidlesMohamed-Laïd Al Khalifa 31 inaẓuren i d-yekkan seg ddeqs n twilayin n ccerq n tmurt.

Azal n 200 n tṣekkiwin yettwasreqten s tetwilin yemgaraden n tesreqta, s usɣar, s uẓru, s lǧir, s taleɣt, s waldun… neɣ s ufares i d-leqḍen sya usya, i zemren tura ad walin yeqṣenṭiniyen, usan-d deg waṭas yid-sen mi teldi tzikent.

Yenna-d Mass Amar Noui, d anaẓur yerna d aɛeggal n uḥric n Tziknin, tamesrirt tameqqrant n tesreqta n ccerq mačči kan d asegrew n yinaẓuren iḥemlen taẓuri-a maca ad tefk i yimezdaɣ n twilayt ‘’yiwet n tmuɣli ɣef tẓuri n tesreqta’’ acku ɣef wakken i d-yenna unaẓur-a ‘’d ayen ur nettwassen ara aṭas deg tmut-nneɣ’’.