Asebter amenzawi

Yezmer ad yili yella umtiweg wis 9 deg unagraw afukan

WASHINGTON – Inagmayen imarikaniyen ufan ttbut n tilin n umtiweg wis tẓa, d ameqqran, deg unagraw-nneɣ afukan, i d-nnan ass n larebɛa.

Semman-t ’’Amtiweg wis tẓa’’, yesɛa deg temɣer-is azal n mraw n tikkal amtiweg n Wakal, yers ɣef uḥbu ibeɛden 20 tikkal ɣef win n umtiweg n Nebtun, i itezzin ɣef tafukt deg yiwen n umeccaq n wazal n 4,5 imelyaren n yikilumitren.

Tidet-is, amtiweg-a yesɛa yiwen n uḥbu yemmden, mi ara d-yezzi yiwet n tikkelt i tafukt (iṭij), yettɣim gar 10.000 akked 20.000 iseggasen i d-sseddin inagmayen, Konstantin Batygin akked Mike Brown, n usudu n tesnatwilt n Californie(Caltec), i d-yufan amtiweg-a s tmudmin n tusnakt akked uneɛruḍ s uselkim.