Asebter amenzawi

Imenɣi mgal rrebrab: Ldzayer tweṣṣa-d ɣef umɛawen agraɣlan

LDZAYER TAMANEɣT – Nnan-d wid yettekkan deg yiwet n tnemselt (warca) ɣef rrebrab d tegrawin timsellḥin tibeṛṛaniyin, ass n lexmis deg Ldzayer Tamaneɣt, dakken imenɣi mgal rrebrab yeḥwaǧ tiririt n uswir agraɣlan.

« Tuggziwin (tahdidat) tirebrabin simal la ttimɣurent yerna yessefk ad d-tili tririt n yiwanaken (duwal) d tagraɣlant », ɣef wakken ay d-nnan deg tegrayt ay d-uran mi tfuk tnemselt-a ay d-yellan s uzwel n « Tsestant d uḍfar n temsal n rrebrab yeqqnen ɣer yimenɣan irebraben ibeṛṛaniyen ».

Imazzayen (xubara’) d yimazzagen (muxtaṣṣin) ay yemlalen 3 n wussan akken ad sqerdcen lqanun yeqqnen ɣer tɣellist, weṣṣan-d daɣ asseqdec n ttawilat « imellilen ugar i uḥbas n rrebrab abeṛṛani ay yezgan yettimɣur ».

S waya, sqerdcen-d aṭas ɣef wazal ay yesɛa umɛawen agraɣlan i lmend n ussebded n ttawilat yessefken i uḥṛas n tegnit ɣef tegrawin tirebrabin ay yesseqdacen tisnatwilin (tiknuluǧiyyat) n teɣwalt d Internet i ujbad n yilemẓiyen.

Ɣef leḥsab n yimazzagen-a, tasnatwilt d nettat ay « yessifsusen assidef n yimdanen imaynuten ɣer tegrawin tirebrabin », dɣa ɣef waya ay yessefk ad yili « unagraw n uḥezzeb ucrik s umɛawen agraɣlan ».