ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵜⴰⵡⵉⵍⴰⵜ ⵏ ⵍⴳⴰⵣ: ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵉ ⵓⵙⵙⴻⴵⵀⴻⴷ ⵏ ⵓⵙⵙⴻⴼⵇⴻⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⴼⴼⵖⴻⵏ ⵢⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵏ ⵍⵇⴰⵏⵓⵏ ⵉ ⵓⵙⵙⴻⴼⵇⴻⴷ ⵏ ⵢⵉⵙⵓⴳⴰ (ⴰⴵⵀⵉⵣⴰ) ⵏ ⵍⴳⴰⵣ ⵖⴻⴼ ⵓⵇⴰⴷⴻⵔ ⵏ ⵜⵖⴻⵍⵍⵉⵙⵜ (ⵙⴰⵍⴰⵎⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵡⴻⵏ ⵏ ⵓⵎⴰⵙⴰⵢ ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ.
ⵉⵃⴻⵣⵣⵉⴱⴻⵏ-ⴰ ⵜⵜⵇⴰⴷⴰⵔⴻⵏ ⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵢⴻⵔⵏⴰ ⴰⴷ ⴷ-ⴷⴷⵓⵏ ⴷⴻⴳ ⵢⵉⵡⴻⵏ ⵏ ⵓⵖⵜⴰⵙ ⴰⴳⵔⴰⵖⵍⵉⴼ ⴰⴷ ⵙⵜⴻⵏⵢⵉⵏ ⵢⵉⵖⵍⵉⴼⴻⵏ ⵢⴻⵎⴳⴻⵔⵔⴰⴷⴻⵏ ⴰⵎ ⵡⵉⵏ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ), ⵡⵉⵏ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵡⵉⵏ ⵏ ⵜⴻⵥⵡⴻⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⵖⴰⵔⴰ ⵖⴻⵔ ⵓⵖⵍⵉⴼ ⵏ ⵜⵏⴻⵣⵣⵓⵜ, ⵙⴰⵎⵉ ⴽⵧⵍⵉ, ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⴰⵢ ⵉⴳⴰ ⵓⵏⴻⵖⵍⴰⴼ ⵖⴻⴼ ⵢⵉⵏⴻⴳⵎⵉ ⴰⵖⴻⵍⵏⴰⵡ ⵏ ⵓⵄⵕⴰⴹ.
ⵙ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴽⵧⵍⵉ ⴷ ⴰⴽⴽⴻⵏ ⵉⵃⴻⵣⵣⵉⴱⴻⵏ-ⴰ ⴰⴷ ⵞⵞⴰⵕⴻⵏ ⵉⵍⴻⵎ-ⵏⵏⵉ ⵢⴻⵍⵍⴰⵏ ⴷⴻⴳ ⵍⵇⴰⵏⵓⵏ ⴷⴻⴳ ⵓⵏⵔⴰⵔ-ⴰ, ⵢⴻⵔⵏⴰ ⴰⴷ ⵓⵖⴰⵍⴻⵏ ⵢⵉⵙⵓⴳⴰ ⵏ ⵍⴳⴰⵣ (ⵜⵉⵙⴻⵡⵡⴰⵢⵉⵏ, ⵉⵃⴻⵎⵎⴰⵢⴻⵏ ⵏ ⵢⵉⵅⵅⴰⵎⴻⵏ ⴷ ⵢⵉⵃⴻⵎⵎⴰⵢⴻⵏ ⵏ ⵡⴰⵎⴰⵏ) ⴰⴷ ⵜⵜⵡⴰⵙⵙⴻⴼⵇⴰⴷⴻⵏ ⵖⴻⴼ ⵜⵖⴻⵍⵍⵉⵙⵜ-ⵏⵙⴻⵏ, ⵢⴻⵔⵏⴰ ⴰⵢⴰ ⴰⴷ ⴷ-ⵉⵃⴰⵣ ⴰⵎⴰ ⴷ ⵙⵙⴻⵍⵄⴰ ⴰⵢ ⴷ-ⵢⴻⵜⵜⵡⴰⴵⴰⵡⴻⵏ, ⴰⵎⴰ ⴷ ⵜⵉⵏ ⴰⵢ ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵜⵎⵓⵔⵜ.
« ⵙ ⵍⵇⴰⵏⵓⵏ-ⴰ, ⴰⵍⴰ ⵙⵙⴻⵍⵄⴰ ⴰⵢ ⵉⴹⴻⵎⵏⴻⵏ ⴰⵙⵡⵉⵔ ⵓⵏⵏⵉⴳ ⵏ ⵜⵖⴻⵍⵍⵉⵙⵜ ⵢⴻⵔⵏⴰ ⵜⴻⵜⵜⵇⴰⴷⴰⵔ ⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⴰⴷ ⵉⵍⵉⵏ ⴷⴻⴳ ⵙⵙⵓⵇ ⴰⵖⴻⵍⵏⴰⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵖⴻⴼ ⵍⴻⵃⵙⴰⴱ ⵏ ⵓⵎⴰⵙⴰⵢ-ⴰ, ⵉⵙⵓⴳⴰ-ⴰ ⴰⴷ ⵜⴻⵏ-ⵜⴻⵙⵙⴻⴼⵇⴰⴷ ⵜⴳⴻⵣⵎⵉ ⵏ ⵓⵙⵙⴻⴼⵇⴻⴷ ⵏ ⵜⵖⴰⵔⴰ ⵏ ⵢⵉⴼⴰⵔⵉⵙⴻⵏ ⵉⵎⴳⵓⵔⴰⵏⴻⵏ (ⵚⵉⵏⴰⵄⵉⵢⵢⴰ) ⵏ ⵇⵙⴻⵏⵟⵉⵏⴰ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ-ⵢⴻⴼⵔⵓⵏ ⵎⴰ ⵢⴻⵍⵍⴰ ⵙⵙⴻⵍⵄⴰ ⵜⴻⵜⵜⵇⴰⴷⴰⵔ ⵉⵍⵓⴳⴰⵏ ⵏ ⵜⵖⴻⵍⵍⵉⵙⵜ ⵏⴻⵖ ⵓⵀⵓ.
ⵢⴻⵔⵏⴰ ⵎⵍⵉⵃ ⵓⵎⴹⴰⵏ (ⵄⴰⴷⴰⴷ) ⵏ ⵎⴻⴷⴷⴻⵏ ⴰⵢ ⵍⴰ ⵢⴻⵜⵜⵎⴻⵜⵜⴰⵜⴻⵏ ⵙⴻⴳ ⵍⴳⴰⵣ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵍⴻⵣⵣⴰⵢⴻⵔ. ⴰⵎⵓⵏⵓⴽⵙⵉⴷ ⵏ ⵓⴽⴻⵕⴱⵓⵏ ⴷ ⵏⴻⵜⵜⴰ ⴰⵢ ⴷ ⵙⵙⴻⴱⴱⴰ ⵜⴰⵎⴻⵣⵡⴰⵔⵓⵜ ⵏ ⵜⵎⴻⵜⵜⴰⵏⵜ ⵙ ⵙⵙⴻⵎ ⴷⴻⴳ ⵢⵉⵅⵅⴰⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵏⴻⵣⵣⵓⵜ.
