ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
« ⵍⴻⵣⵣⴰⵢⴻⵔ ⵜⴻⵡⵊⴻⴷ ⴰⴷ ⵜⵄⴰⵡⴻⵏ ⴰⵙⵏⴻⴼⵍⵉ ⵏ ⵡⴰⴷⴷⴰⵍ ⴷⴻⴳ ⴼⴰⵍⴻⵙⵟⵉⵏ »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵜⴳⴰⵔⴰ ⵏ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴳⴰⵔ-ⴰⵙ ⴷ ⵓⵏⵎⴰⵀⴰⵍ (ⵙⴰⴼⵉⵔ) ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ, ⵍⵧⵓⴰⵉ ⴰⵉⵙⵙⴰ, ⴷ ⴰⴽⴽⴻⵏ ⴰⵖⵍⵉⴼ ⴰⴷⵣⴰⵢⵔⵉ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵢⴻⵡⵊⴻⴷ ⴰⴷ ⵉⵄⴰⵡⴻⵏ ⴰⵙⵏⴻⴼⵍⵉ ⵏ ⵡⴰⴷⴷⴰⵍ ⴷⴻⴳ ⴼⴰⵍⴻⵙⵟⵉⵏ.
« ⴰⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵢⴻⵡⵊⴻⴷ ⴰⴷ ⵉⵄⴰⵡⴻⵏ ⴰⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵡⴰⴷⴷⴰⵍ ⴷⴻⴳ ⴼⴰⵍⴻⵙⵟⵉⵏ, ⵍⴰⴷⵖⴰ ⵙ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷ ⵓⵜⵜⴻⴽⴽⵉ ⵏ ⵜⴻⵖⵍⴰⵎⵉⵏ (ⵜⵉⴼⴰⵍⴻⵙⵟⵉⵏⵉⵢⵉⵏ) ⴷⴻⴳ ⵡⴰⵏⵏⴰⵏⴻⵏ ⴷ ⵢⵉⵎⵙⵉⵣⴻⵡⵔⴻⵏ ⴷⴻⴳ ⵡⴰⴷⴷⴰⵍⴻⵏ ⵢⴻⵎⴳⴻⵔⵔⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⴰⵍⵉ.
ⴰⵎⵢⴰⴳⴻⵔ-ⴰ ⵢⴻⴵⴵⴰ ⴷⴰⵖ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵢⵉⴱⵔⵉⴷⴻⵏ ⴷ ⵜⵜⴰⵡⵉⵍⴰⵜ ⴰⵢⵢⴻⵙ ⴰⴷ ⵙⴵⴻⵀⴷⴻⵏ ⴰⵙⵙⴰⵖⴻⵏ-ⵏⵙⴻⵏ ⵓⵛⵔⵉⴽⴻⵏ ⴷⴻⴳ ⵢⵉⵏⵓⵔⴰⵔ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ.
ⵎⴰⵙⵙⴰⵡ ⵧⵓⵍⴷ ⴰⵍⵉ ⴷ ⴰⵉⵙⵙⴰ ⴼⵓⵕⵙⴻⵏ ⴷⴰⵖ ⵜⴰⴳⵏⵉⵜ ⴰⴽⴽⴻⵏ ⴰⴷ ⵙⵜⴻⵕⵃⴱⴻⵏ ⵙ ⵜⴻⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ (ⵡⵓⴷⴷⵉⵢⵢⴰ) ⵏ ⵜⵛⵉⵔⵜ ⵏ ⵓⴹⴰⵔ ⴰⴷ ⴷ-ⵢⵉⵍⵉⵏ ⴳⴰⵔ ⵜⴻⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ ⵜⵓⵍⵉⵎⵒⵉⵢⵉⵏ ⵏ ⵍⴻⵣⵣⴰⵢⴻⵔ ⴷ ⴼⴰⵍⴻⵙⵟⵉⵏ ⴰⵙⵙ ⵏ 17 ⴼⵓⵕⴰⵕ ⴷⴻⴳ ⵍⴻⵣⵣⴰⵢⴻⵔ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵡⴻⴽⴽⴷⴻⵏ-ⴷ ⴷ ⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⴰⵎⵎⵉⴷⵡⴰⵏⵜ ⴰⴷ ⵜⴰⴷⴻⴼ ⴷⴻⴳ ⵓⵎⴻⵣⵔⵓⵢ, ⵢⴻⵔⵏⴰ ⴰⵢⴰ ⴷ « ⴰⵙⵓⵔⵉⴼ ⵏ ⵜⵖⴰⵔⴰ ⴷⴻⴳ ⵡⴰⵙⵙⴰⵖⴻⵏ ⵉⵇⴱⵓⵔⴻⵏ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) » ⴳⴰⵔ ⵓⵖⵔⴻⴼ ⴰⴷⵣⴰⵢⵔⵉ ⴷ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ.
