ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵡⵜⴻⵏⵜ-ⴷ ⴽⵔⴰ ⵏ ⵜⵓⴷⴷⵙⵉⵡⵉⵏ ⵜⵉⵚⴻⵃⵔⴰⵡⵉⵢⵉⵏ ⴷⴻⴳ ⵜⵓⵥⵥⵄⴰ ⵏ 67 ⵏ ⵢⵉⵎⴰⵏⴰⵢⴻⵏ ⵉⴱⴻⵕⵕⴰⵏⵉⵢⴻⵏ
ⵍⴻⵄⵢⵓⵏ (ⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⵟⵟⴼⴻⵏ) – ⵡⵜⴻⵏ-ⴷ ⵓⵎⴰⵣⴷⴰⵢ ⵏ ⵢⵉⵎⵃⴰⴷⴷⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵉⵚⴻⵃⵔⴰⵡⵉⵢⴻⵏ (ⵛⵧⴷⴻⵙⴰ) ⴷ ⵜⴷⵓⴽⵍⵉ ⵏ ⵢⵉⵍⴻⵎⵥⵉⵢⴻⵏ ⵏ ⵜⴻⵔⴳⴰ ⵣⴻⵡⵡⴰⵖⴻⵏ ⴷ ⵢⵉⵖⵣⴻⵔ ⵏ ⵡⵓⵔⴻⵖ (ⵓⵊⵙⴰⵔⵉⵧ) ⴷⴻⴳ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴰⵢ ⵢⴻⵥⵥⵄⴻⵏ 67 ⵏ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ) ⵉⵎⴻⵕⵕⵓⴽⵉⵢⴻⵏ ⵙⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⵙⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ).
ⵢⴻⵏⵏⴰ-ⴷ ⵓⵎⴰⵣⴷⴰⵢ ⵏ ⵛⵧⴷⴻⵙⴰ ⴷ ⴰⴽⴽⴻⵏ « ⵢⴻⵔⴼⴰ » ⵖⴻⴼ ⵜⵓⵥⵥⵄⴰ-ⴰ ⴷ ⵓⵔⴳⴰⵍ ⵏ ⵓⴱⵔⵉⴷ ⵉ ⵢⵉⵎⴰⵏⴰⵢⴻⵏ ⵉⴱⴻⵕⵕⴰⵏⵉⵢⴻⵏ ⴰⴽⴽⴻⵏ ⴰⴷ ⵔⵣⵓⵏ ⵢⴻⵔⵏⴰ ⴰⴷ ⴰⴷⴼⴻⵏ ⵖⴻⵔ ⵜⴻⵎⴷⵉⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⵟⵟⴼⴻⵏ, ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴰ ⴷ ⴰⵙⴻⵔⵜⵉⵜ « ⵏ ⵓⵎⵃⴰⵇ » ⵢⴻⵔⵏⴰ ⴷ ⵜⴰⵙⴻⵔⵜⵉⵜ ⴰⵢ ⵜⴻⵙⵙⴻⵇⴷⴰⵛ ⵎⴻⵕⵕⵓⴽ « ⵉ ⵓⵙⵙⵉⴳⴻⴷ ⵏ ⵜⵎⴰⴳⵍⵉⵡⵉⵏ (ⵡⵓⴼⵓⴷ) ⵜⵉⴱⴻⵕⵕⴰⵏⵉⵢⵉⵏ ⵖⴻⴼ ⵍⴵⴰⵍ ⵏ ⵓⴱⴷⴰⴷ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⴷ ⵓⵣⴰⵔⵓⴳ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵎⴰⵣⴷⴰⵢ-ⴰ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵜⵓⵄⵊⵉⵍⵜ ⵉ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⴳ ⴽⵔⴰ ⵙ ⵜⵖⴰⵡⵍⴰ ⵉ ⵓⵃⴻⵜⵜⴻⵎ ⵏ ⵓⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵜⴻⵎⴷⵉⵏⵉⵏ ⵢⴻⵜⵜⵡⴰⵟⵟⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴷ ⵓⵙⵙⴻⴼⵄⴻⵍ ⵏ ⵜⵜⴰⵡⵉⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵄⴻⵙⵙⴰⵙⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵡⴰⴽⴰⵍ-ⴰ ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ).
ⴰⵎⴰⵣⴷⴰⵢ ⵏ ⵛⵧⴷⴻⵙⴰ ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵓⵔⵥⴰⵎ ⵏ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ ⵉ ⵢⵉⵎⴰⵏⴰⵢⴻⵏ ⵉⴳⵔⴰⵖⵍⴰⵏⴻⵏ ⴷ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⴷ ⵡⵓⴷⵓⵙⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⴳⵔⴰⵖⵍⴰⵏⴻⵏ, ⵜⵓⴽⴽⵙⴰ ⵏ ⵜⴻⴳⵏⵉⵜ ⵏ ⵍⵃⴻⵕⵙ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⵖⴻⴼ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⵟⵟⴼⴻⵏ ⴷ ⵓⵙⵙⴻⴷⵔⴻⵎ ⵏ ⵓⵖⵔⴰⴱ ⵏ ⵍⵄⴰⵕ ⴰⵢ ⵢⴻⴱⴹⴰⵏ ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵏⴰ ⵢⴻⵙⵡⴰⵖ ⵜⵓⴷⴻⵔⵜ ⵏ ⵢⵉⵚⴻⵃⵔⴰⵡⵉⵢⴻⵏ ⴷ ⵍⵎⴰⵍ-ⵏⵙⴻⵏ ⵖⴻⴼ ⵍⴵⴰⵍ ⵏ ⵍⵎⵉⵏⴰⵜ ⴰⵢ ⵢⴻⵜⵜⵡⴰⵣⴻⵔⵄⴻⵏ ⵙ ⵜⴻⵖⵣⴻⴼ ⵏ ⵓⵖⵔⴰⴱ-ⴰ ⵏ ⵢⵉⵊⴷⵉ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵜⵡⴻⵜ-ⴷ ⵜⴷⵓⴽⵍⵉ ⵏ ⵓⵊⵙⴰⵔⵉⵧ, ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵖⴻⴼ ⵜⵓⵥⵥⵄⴰ ⵏ ⵢⵉⵎⴰⵏⴰⵢⴻⵏ-ⵏⵏⵉ, ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⵢⴰ « ⴷ ⵛⵛⵖⴻⵍ ⵓⵔ ⵢⴻⵙⵄⵉⵏ ⵕⵕⴻⵃⵎⴰ ⴰⵎ ⵢⵉⵔⴽⴰⴹⴻⵏ-ⵏⵏⵉ ⴰⵢ ⵢⴻⵣⴳⴰⵏ ⵜⵜⵉⵍⵉⵏ-ⴷ ⴷⴻⴳ ⵓⵏⵔⴰⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ ».
