Asebter amenzawi

Timlilit tageraɣlant di maɣṛes di Bgayet i wesnulfu n umawal n tmaziɣt

LEZZAYER TAMANAɣT – Yiwet n temlilit tageraɣlant ɣef "wesnulfu n umawal n tmaziɣt" ad d-yeḍṛu seg 12 ar 14 maɣṛes d-iteddun di Bgayet ara yessudes useqqamu unnig n timmuzɣa, i teɛlem tnegga isallen n Lezzayer seg umaray amatu, Si El Hachemi Assad.

Timlilit-agi tussnant ara d-yawin snat n tmerwin imsurgen seg waṭaṣ n tesdawiyin n tmurt akk d lbeṛṛani, ad d-rnu tamuɣli tasentalant iwulmen i wesnulfu n umawal, id-yenna Mas Assad.

Ad d-yili wayagi almend usurrif usenṣeb n tmaziɣt d tutlayt taɣelnawt tunṣibt am wakken d-yedda deg usenfar uɛiwed n tmendawt, aseqqamu yenna ad yexdem almend n temlilit-agi, akken ad ileqqem ahil-ines amaynut akken ad d-lhun s tuttriwin iwulmen i waddad-agi amaynut n tutlayt ladɣa akk d wesbeddi n tkadimit-agi tamaynutt n tutlayt n tmaziɣt. ɣef laḥsab n Mas Assad, lexṣas d amuqṛan daymi ilaq si tura ad tebdu leqdic iwatan almend n wesnulfu n umawal-agi atrar.

"iswi d akken ad d-tili lwelha ɣef wesnulfu-yagi ussnan iwatan i win yettlammaden neɣ win tt-yessexdamen", id-yenna umaray amatu useqqamu unnig n timmuzɣa d-ikemmlen ɣef temlilit n Bgayet d akken d tin ara ilaqqmen s tmuɣli leqayen taɣbalut n tesnilsit tamaziɣt di Lezzayer.