Asebter amenzawi

Imeṛṛukiyen ay la yettɛeddin ɣef Lezzayer ɣer Libya: Messahel yemmuger anmahal ameṛṛuki

LEZZAYER TAMANEɣT – Yemmuger uneɣlaf n tɣawsiwin n Lmeɣreb, Abdelkader Messahel, ass n ssebt deg Lezzayer, anmahal (safir) n Meṛṛuk deg Lezzayer akken d akken llan aṭas n Yimeṛṛukiyen ay la izeggren akal adzayri akken ad ddun ɣer Libya, ɣef wakken ay d-yenna yiwen n ulɣu (bayan) n uɣlif n tɣawsiwin n uzɣar.

« Tamsalt-a n unɣal ameqran yeffɣen i leɛwayed n Yimeṛṛukiyen ay la d-yettasen seg Tgemmi Tamellalt akken ad ddun ɣer Libya s uzgar n wakal adzayri, nger-as tamawt deg ledwaṛ-a tineggura yerna nxebber fell-as anmahal n Meṛṛuk », ɣef wakken ay d-yenna ulɣu-nni.

I lmend n waya, iwekked-d uneɣlaf ɣef « tegnit n tɣellist (amn) ur yerkiden yerna aya yessuter-d ugar n leḥder », am wakken ay d-yenna d akken tagnit-a « tessutur-d asseǧhed n umɛawen gar tmura n temnaḍt akken ay la tettemɛawan Lezzayer d Tunes, ladɣa deg wayen yerzan iriri n yiɣermanen (muwaṭinin) ɣer tmura-nsen ».

S waya, ixebber Mass Messahel anmahal ameṛṛuki d akken « iduba idzayriyen fran-tt-id ad ǧǧen, tikkelt-a, yerna s tin n tsureft (istitna’), iɣermanen-a imeṛṛukiyen yella imir-a deg Lezzayer, yerna sɛan lekwaɣeḍ n tɣimit neɣ n uxeddim deg Libya, ad kken ɣef Lezzayer akken ad ddun ɣer tmurt-a. Maca imsiklen (musafirin) ur yesɛin ara lekwaɣeḍ ad d-iwekkden ssebba n ussikel-nsen ɣer Libya, ad ttwaẓẓɛen ɣer tmurt-nsen taneṣlit ».

Lezzayer « ad tefk ttawil n umesni (naql) i yimdanen-a akken ad uɣalen ɣer Meṛṛuk, yerna ad asen-teddu s leḥdaqa-nni ayyes yettmagar uɣref adzayri inebgiwen-nnes », ɣef wakken ay tt-id-yextem ulɣu-nni.