ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⵇⴰⵙ ⵙ 22% ⴷⴻⴳ ⵡⴰⴵⴰⵡ ⵏ ⵢⵉⵙⴰⴼⴰⵔⴻⵏ ⴷⴻⴳ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵚⴻⵔⵔⴻⴼ ⵍⴻⵣⵣⴰⵢⴻⵔ ⴷⴻⴳ 2015 1,96 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ ⵖⴻⴼ ⵡⴰⴵⴰⵡ ⵏ ⵢⵉⵙⴰⴼⴰⵔⴻⵏ ⴷⴻⴳ 2015, ⵢⵉⵍⵉ ⴷⴻⴳ 2014, ⵜⵚⴻⵔⵔⴻⴼ 2,52 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵖⴻⴼ ⵡⴰⵏⴻⵛⵜ-ⴰ. ⵙ ⵡⴰⵢⴰ, ⵢⴻⵏⵇⴻⵙ ⵡⴰⴵⴰⵡ ⵏ ⵢⵉⵙⴰⴼⴰⵔⴻⵏ ⵙ 21,98%, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴻⴷⵡⴰⵏⵜ.

ⵏⵏⵉⴳ ⵡⴰⵢⴰ, ⵓⵍⴰ ⴷ ⵜⴰⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵢⵉⵙⴰⴼⴰⵔⴻⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵜⴻⵏⵇⴻⵙ. ⴷⴻⴳ 2015, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 26.914,5 ⵏ ⵢⵉⵟⵓⵏⴻⵏ, ⵢⵉⵍⵉ ⴷⴻⴳ 2014, ⵜⵓⴵⴻⵡ-ⴷ 31.785,2 ⵏ ⵢⵉⵟⵓⵏⴻⵏ. ⵙ ⵡⴰⵢⴰ, ⵜⴻⵏⵇⴻⵙ-ⴷ ⵜⴻⵙⵎⴻⴽⵜⴰ ⵙ 15,32%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵙⴻⵏⵙⴻⵍⴽⵉⵎⵜ ⴷ ⵜⴰⴷⴷⴰⴷⴰⵏⵉⵏ ⵏ ⵜⴻⴷⵡⴰⵏⵜ.

ⴰⵏⵇⴰⵙ-ⴰ ⵏ ⵡⴰⵣⴰⵍ ⴷⴻⴳ ⵡⴰⴵⴰⵡ ⵏ ⵢⵉⵙⴰⴼⴰⵔⴻⵏ ⵢⴻⴱⴷⴰ-ⴷ ⵙⴻⴳ ⵜⴻⵣⵡⴰⵔⴰ ⵏ ⵓⵙⴻⴳⴳⴰⵙ ⵏ 2015 ⵢⴻⵔⵏⴰ ⵉⵃⵓⵣⴰ-ⴷ ⴰⴽⴽ ⵍⴻⵚⵏⴰⴼ ⵏ ⵢⵉⵙⴰⴼⴰⵔⴻⵏ, ⵎⴰ ⴷ ⴰⵏⵇⴰⵙ ⵏ ⵜⴻⵙⵎⴻⴽⵜⴰ ⵉⵃⵓⵣⴰ-ⴷ ⵍⴰⴷⵖⴰ ⵉⵙⴰⴼⴰⵔⴻⵏ ⵏ ⵢⵉⵎⴷⴰⵏⴻⵏ, ⵎⴰ ⴷ ⴰⴵⴰⵡ ⵏ ⵢⵉⵙⴰⴼⴰⵔⴻⵏ ⵏ ⵢⵉⵖⴻⵔⵙⵉⵡⴻⵏ ⵢⴻⵔⵏⴰ.

ⵜⴰⴼⴰⵜⵓⵕⵜ ⵏ ⵢⵉⵙⴰⴼⴰⵔⴻⵏ ⵏ ⵢⵉⵎⴷⴰⵏⴻⵏ (95% ⵙⴻⴳ ⵜⴼⴰⵜⵓⵕⵜ ⵜⴰⵎⴰⵜⵓⵜ ⵏ ⵡⴰⴵⴰⵡ ⵏ ⵢⵉⴼⴰⵔⵉⵙⴻⵏ ⵏ ⵓⴷⴰⵡⵉ) ⵜⴻⵙⵇⴰⵎ-ⴷ 1,87 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ ⴷⴻⴳ 2015, ⵢⵉⵍⵉ ⴷⴻⴳ 2014, ⵜⴻⵙⵇⴰⵎ-ⴷ 2,41 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ. ⵙ ⵡⴰⵢⴰ, ⵜⴻⵏⵇⴻⵙ ⵜⴼⴰⵜⵓⵕⵜ-ⴰ ⵙ 22,53% ⴷⴻⴳ 2015.

ⴷⴻⴳ ⵢⵉⵙⴰⴼⴰⵔⴻⵏ ⵏ ⵢⵉⵎⴷⴰⵏⴻⵏ, ⵜⴰⵙⵎⴻⴽⵜⴰ ⵜⴻⵏⵇⴻⵙ-ⴷ ⵖⴻⵔ 24.560,65 ⵏ ⵢⵉⵟⵓⵏⴻⵏ ⴷⴻⴳ 2015, ⵢⵉⵍⵉ ⴷⴻⴳ 2014, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 29.808,67 ⵏ ⵢⵉⵟⵓⵏⴻⵏ ⵙⴻⴳ ⵢⵉⵙⴰⴼⴰⵔⴻⵏ-ⴰ. ⵙ ⵡⴰⵢⴰ, ⵢⴻⵍⵍⴰ-ⴷ ⵓⵏⵇⴰⵙ ⵏ 17,61% ⴷⴻⴳ ⵡⴰⴵⴰⵡ ⵏ ⵢⵉⵙⴰⴼⴰⵔⴻⵏ ⵏ ⵢⵉⵎⴷⴰⵏⴻⵏ.

ⵎⴰ ⴷ ⵉⵙⴰⴼⴰⵔⴻⵏ ⵏ ⵢⵉⵖⴻⵔⵙⵉⵡⴻⵏ ⵡⵡⴹⴻⵏ, ⴷⴻⴳ 2015, ⵖⴻⵔ 29,47 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (680,45 ⵏ ⵢⵉⵟⵓⵏⴻⵏ), ⵢⵉⵍⵉ ⴷⴻⴳ 2014, ⵜⴰⴼⴰⵜⵓⵕⵜ ⵏ ⵢⵉⵙⴰⴼⴰⵔⴻⵏ-ⴰ ⵜⴻⵡⵡⴻⴹ ⵖⴻⵔ 36 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (569,58 ⵏ ⵢⵉⵟⵓⵏⴻⵏ), ⴷ ⴰⵛⵓ ⴽⴰⵏ, ⵎⴰ ⵢⴻⵍⵍⴰ ⵜⴰⴼⴰⵜⵓⵕⵜ ⵜⴻⵏⵇⴻⵙ-ⴷ ⵙ 18,14%, ⵜⴰⵙⵎⴻⴽⵜⴰ ⵜⴻⵔⵏⴰ ⵙ 19,47%.