ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵖⴻⴼ ⵜⵎⴻⵔⵔⵉⵜ ⴷ ⵜⵖⴻⵍⵍⵉⵙⵜ: ⵢⴻⵜⵜⵡⴰⵇⴱⴻⵍ ⵓⵙⵙⵓⵎⴻⵔ ⵏ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵇⴻⴱⵍⴻⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵍⵉⵍⵉⵜ ⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⵖⴻⵍⵍⵉⵙⵜ, ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⴰⴷⵔⵉⴷ, ⵕⵕⴰⵢ ⵏ ⵍⴻⵣⵣⴰⵢⴻⵔ ⴰⵢ ⴷ-ⵢⴻⵙⵙⵓⵎⵔⴻⵏ (ⵉⵇⵜⴰⵔⴰⵃⴰⵜ) ⴰⵀⴻⵢⵢⵉ ⵏ « ⵓⵔⴽⴰⵡⴰⵍ (ⵎⵉⵜⴰⵇ) ⵏ ⵜⵖⴻⵍⵍⵉⵙⵜ » ⵉ ⵍⵎⴻⵏⴷ ⵏ ⵓⵙⵎⴰⵍ ⵏ ⵜⵎⴻⵔⵔⵉⵜ.
ⵜⵉⵎⵍⵉⵍⵉⵜ-ⴰ ⵃⴻⴷⵕⴻⵏⵜ ⴷⴻⴳ-ⵙ 82 ⵏ ⵜⵎⵓⵔⴰ, ⵢⴻⵔⵏⴰ ⵇⴻⴱⵍⴻⵏⵜ ⴰⵙⵙⵓⵎⴻⵔ ⴰⵢ ⴷ-ⵉⵇⴻⴷⴷⴻⵎ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ), ⴰⵎⴰⵔ ⴳⵀⵧⵓⵍ, ⵉ ⵍⵎⴻⵏⴷ ⵏ ⵓⵀⴻⵢⵢⵉ ⵏ « ⵓⵔⴽⴰⵡⴰⵍ ⵏ ⵜⵖⴻⵍⵍⵉⵙⵜ » ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵎⴰⵍ ⵏ ⵜⵎⴻⵔⵔⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵙⵙⴻⴱⵜ, ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⵎⴻⵔⵔⵉⵜ.
ⵙⵜⴻⵕⵃⴱⴻⵏ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵙ ⵓⵙⵙⵓⵎⴻⵔ (ⵉⵇⵜⵉⵔⴰⵃ) ⵏ ⵍⴻⵣⵣⴰⵢⴻⵔ, ⵢⴻⵔⵏⴰ ⵡⴰⵍⴰⵏ-ⵜ ⴷ ⴰⵙⵓⵔⵉⴼ ⵢⴻⵍⵀⴰⵏ ⴰⵎⴰ ⵉ ⵜⵎⵓⵔⵜ-ⴰ, ⴰⵎⴰ ⵉ ⵜⵎⵓⵔⴰ ⵏⵉⴹⴻⵏ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ ⴷ ⵜⵎⴻⵔⵔⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
ⴷⴻⴳ ⵜⵉⵏⴰⵡⵜ-ⵏⵏⴻⵙ, ⵢⴻⵏⵏⴰ-ⴷ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵍⵀⵓⵏⵜ ⵜⵎⵓⵔⴰ ⵙ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ ⵙ ⵜⵎⵓⵖⵍⵉ ⵜⴰⵎⴰⵜⵓⵜ ⴰⴷ ⴷ-ⵉⴳⴻⵔ ⴷⴻⴳ ⵍⴻⵃⵙⴰⴱ ⵉⴷⵉⵙ ⴰⵙⴻⵔⵜⵉ, ⴰⴷⴰⵎⵙⴰⵏ, ⴰⵖⴻⵍⵍⵉⵙⴰⵏ ⴷ ⵓⵏⵎⴻⵜⵜⵉ-ⴰⴷⴻⵍⵙⴰⵏⵜ ⵏ ⵡⴰⴽⴽ ⵜⵉⵎⵓⵔⴰ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵜⴰⵍⵡⵉⵜ, ⴰⵎⵙⵓⵔⴻⴼ ⴷ ⵜⵓⴷⴻⵔⵜ ⵙ ⵜⴰⵍⵡⵉⵜ ⴳⴰⵔ ⵜⴻⴳⵔⴰⵡⵉⵏ ⵢⴻⵎⴳⴻⵔⵔⴰⴷⴻⵏ.
ⵢⴻⵙⵎⴻⴽⵜⵉ-ⴷ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ ⴰⴱⵔⵉⴷ ⴰⵢ ⵜⴻⵔⴼⵔⴻⵏ ⵍⴻⵣⵣⴰⵢⴻⵔ ⴷ ⵡⵉⵏ ⵏ ⵓⵙⵎⴰⵍ (ⵜⴰⵔⵡⵉⴵ) ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ, ⵢⴻⵔⵏⴰ ⵢⴻⵙⵙⴽⴻⵏ-ⴷ ⵡⴰⵢⴰ ⵍⴼⴰⵢⴷⴰ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⴰⴽⴽⴻⵏ ⴰⴷ ⵢⴻⵜⵜⵡⴰⴹⴼⴻⵔ ⵓⴱⵔⵉⴷ-ⴰ ⵉ ⴼⴻⵔⵔⵓ ⵏ ⵜⵍⵓⴼⴰ ⴷⴻⴳ ⵡⴰⵟⴰⵙ ⵏ ⵜⵎⵓⵔⴰ ⵏⵉⴹⴻⵏ.
« ⵜⵜⴻⵊⵕⵉⴱⴰ ⵏ ⵍⴻⵣⵣⴰⵢⴻⵔ ⴷⴻⴳ ⴼⴻⵔⵔⵓ ⵏ ⵜⴻⵎⵙⴰⵍ ⵏ ⵎⴰⵍⵉ ⴷ ⵍⵉⴱⵢⴰ ⵙ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴷ ⴰⵎⴻⴷⵢⴰ ⵢⴻⵍⵀⴰⵏ ⵉ ⵓⴹⴼⴰⵔ ⵉ ⴼⴻⵔⵔⵓ ⵏ ⵜⵍⵓⴼⴰ ⵏ ⴷⴰⵅⴻⵍ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵎⴰⴹⴰⵍ ».
