Asebter amenzawi

Timlilit ɣef tmerrit d tɣellist: yettwaqbel ussumer n Lezzayer

LEZZAYER TAMANEɣT – Qeblen wid yettekkan deg temlilit n Tuddsa Tamaḍlant n Tɣellist, ay d-yellan deg Madrid, ṛṛay n Lezzayer ay d-yessumren (iqtaraḥat) aheyyi n « urkawal (mitaq) n tɣellist » i lmend n usmal n tmerrit.

Timlilit-a ḥedṛent deg-s 82 n tmura, yerna qeblent assumer ay d-iqeddem uneɣlaf adzayri n tmerrit (siyaḥa), Amar Ghoul, i lmend n uheyyi n « urkawal n tɣellist » deg Yiɣlanen Yeddukklen i usmal n tmerrit, ɣef wakken ay d-yenna, ass n ssebt, yiwen n ulɣu (bayan) n uɣlif n tmerrit.

Steṛḥben yimttekkiyen deg temlilit-a s ussumer (iqtiraḥ) n Lezzayer, yerna walan-t d asurif yelhan ama i tmurt-a, ama i tmura niḍen, deg wayen yerzan taɣellist d tmerrit, ɣef wakken ay d-yenna ulɣu-a.

Deg tinawt-nnes, yenna-d Mass Ghoul d akken yessefk ad d-lhunt tmura s temsalt n tɣellist s tmuɣli tamatut ad d-iger deg leḥsab idis aserti, adamsan, aɣellisan d unmetti-adelsant n wakk timura, yerna yessefk ad yettunefk wazal i talwit, amsuref d tudert s talwit gar tegrawin yemgerraden.

Yesmekti-d Mass Ghoul d akken abrid ay terfren Lezzayer d win n usmal (tarwiǧ) n umsuɣal aɣelnaw, yerna yessken-d waya lfayda-nnes, am wakken ay d-iger tiɣri akken ad yettwaḍfer ubrid-a i ferru n tlufa deg waṭas n tmura niḍen.

« Ttejṛiba n Lezzayer deg ferru n temsal n Mali d Libya s umsuɣal aɣelnaw d amedya yelhan i uḍfar i ferru n tlufa n daxel deg temnaḍin yemgerraden n umaḍal ».