ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ 2015 ⵏ ⵜⵛⵉⵔⵜ ⵏ ⵓⴼⵓⵙ: ⵍⴻⵣⵣⴰⵢⴻⵔ ⵜⴻⵔⵏⴰ ⵎⴻⵕⵕⵓⴽ

ⵍⵇⴰⵀⵉⵔⴰ – ⵜⴻⵔⵏⴰ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴼⵓⵙ (ⵉⵔⴳⴰⵣⴻⵏ) ⵜⴰⵅⵚⵉⵎⵜ-ⵏⵏⴻⵙ ⵏ ⵎⴻⵕⵕⵓⴽ ⵙ 27 ⵖⴻⵔ 22 (ⴰⵣⴳⴻⵏ ⵏ ⵡⴰⴽⵓⴷ: 15-10) ⴰⵙⵙ ⵏ ⵙⵙⴻⴱⵜ ⴷⴻⴳ ⵍⵇⴰⵀⵉⵔⴰ ⴷⴻⴳ ⵜⴻⵎⵍⵉⵍⵉⵜ ⵏ ⵡⴰⵙⵙ ⵡⵉⵙ 3 (ⵜⴰⴳⵔⴰⵡⵜ ⴰ) ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2015 ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵎⴰⵚⴻⵔ (ⴳⴰⵔ 21 ⴷ 30 ⵢⴻⵏⵏⴰⵢⴻⵔ).

ⵜⴰⵖⵍⴰⵎⵜ ⵏ ⵍⴻⵣⵣⴰⵢⴻⵔ (ⵢⴻⵍⵍⴰⵏ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⴷⴻⴳ ⵜⴻⵍⵖⵓⵖⴰ ⵢⴻⵣⵔⵉⵏ) ⵜⴻⵔⵏⴰ ⵜⴰⵖⵍⴰⵎⵜ ⵜⴰⵎⴻⵕⵕⵓⴽⵉⵜ ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵜ, ⵙⴰⴽⴽⵉⵏ, ⵓⵍⴰ ⵎⴰ ⵙⵙⵓⵍⵉⵏ ⵢⵉⵎⴻⵕⵕⵓⴽⵉⵢⴻⵏ ⴰⴳⵎⵓⴹ-ⵏⵙⴻⵏ ⵓⴳⴰⵔ ⵡⵉⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⵡⵉⵙ ⵙⵉⵏ ⵏ ⵡⵓⵔⴰⵔ, ⴷⴻⴳ ⵜⴳⴰⵔⴰ, ⴷ ⵉⴷⵣⴰⵢⵔⵉⵢⴻⵏ ⴰⵢ ⵜⴻⵏ-ⵢⴻⵔⵏⴰⵏ.

ⴷ ⴰⵛⵓ ⴽⴰⵏ, ⵍⴻⵣⵣⴰⵢⴻⵔ ⵜⴻⵅⵚⴻⵔ ⵜⵉⵎⵍⵉⵍⵉⵜ-ⵏⵏⴻⵙ ⵜⴰⵎⴻⵣⵡⴰⵔⵓⵜ, ⴰⵙⵙ ⵏ ⵍⴻⵅⵎⵉⵙ, ⵎⴳⴰⵍ ⵎⴰⵚⴻⵔ (18-22), ⵎⴰⵛⴰ ⵜⴻⵙⵙⴰⵡⴻⴹ ⴰⴷ ⵜⴻⵔⵏⵓ, ⴰⵙⵙ ⵏ ⵍⵊⴻⵎⵄⴰ, ⵜⴰⵖⵍⴰⵎⵜ ⵏ ⴳⴰⴱⵓⵏ ⵙ 35 ⵖⴻⵔ 24.

ⴷⴻⴳ ⵜⴻⵎⵍⵉⵍⵉⵜ ⵏⵉⴹⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⴳⵔⴰⵡⵜ ⴰ, ⵜⴻⵔⵏⴰ ⵏⵉⵊⵉⵔⵢⴰ ⵜⴰⵖⵍⴰⵎⵜ ⵏ ⴳⴰⴱⵓⵏ ⵙ 31 ⵖⴻⵔ 30 (ⴰⵣⴳⴻⵏ ⵏ ⵡⴰⴽⵓⴷ: 16 ⵖⴻⵔ 13).

ⴰⵙⵙ ⵏ ⵍⴻⵜⵏⵉⵢⴻⵏ, ⴰⴷ ⵜⵓⵔⴰⵔ ⵜⴻⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵎⴳⴰⵍ ⵜⵉⵏ ⵏ ⴽⴰⵎⵔⵓⵏ ⴷⴻⴳ ⵡⴰⵙⵙ ⵡⵉⵙ 4 ⵏ ⵜⴻⵍⵖⵓⵖⴰ-ⴰ.