ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵍⴻⵣⵣⴰⵢⴻⵔ ⵏ ⵓⵜⵉⵏⵉⵙ ⵏ ⵜⴷⴰⴱⵓⵜ: ⴷ ⵜⵉⵖⵍⴰⵎⵉⵏ ⵏ ⵍⴰⵕⴻⴱⵄⴰ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ

ⵡⴻⵀⵕⴰⵏ – ⴷ ⵜⵉⵖⵍⴰⵎⵉⵏ ⵏ ⵍⴰⵕⴻⴱⵄⴰ (ⵍⴻⴱⵍⵉⴷⴰ) ⵏ ⵢⵉⵔⴳⴰⵣⴻⵏ ⴷ ⵜⵙⴻⴷⵏⴰⵏ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵓⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵍⵖⵓⵖⴰ ⵏ ⵍⴻⵣⵣⴰⵢⴻⵔ ⵏ ⵜⴻⵖⵍⴰⵎⵉⵏ ⵏ ⵓⵜⵉⵏⵉⵙ ⵏ ⵜⴷⴰⴱⵓⵜ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ ⵏ ⵍⵊⴻⵎⵄⴰ ⴷ ⵙⵙⴻⴱⵜ ⴷⴻⴳ ⵍⴻⵇⵚⴻⵔ ⵏ ⵡⴰⴷⴷⴰⵍⴻⵏ ⵏ ⵀⴰⵎⵧⵓ-ⴱⵧⵓⵜⵍⴻⵍⵉⵙ, ⴷⴻⴳ ⵡⴻⵀⵕⴰⵏ.

ⵙ ⵡⴰⵢⴰ, ⴷ ⵙⵏⴰⵜ ⵏ ⵜⴻⵖⵍⴰⵎⵉⵏ ⵏ ⵍⴰⵕⴻⴱⵄⴰ, ⴰⵙⴼ ⵍⴰⵕⴻⴱⵄⴰ (ⵏ ⵜⵙⴻⴷⵏⴰⵏ) ⴷ ⵔⵛ ⵍⴰⵕⴻⴱⵄⴰ (ⵏ ⵢⵉⵔⴳⴰⵣⴻⵏ) ⴰⵢ ⵢⴻⵔⵏⴰⵏ ⵉⵅⵚⵉⵎⴻⵏ-ⵏⵙⴻⵏⵜ.

ⴷⴻⴳ ⵜⴳⴰⵔⴰ ⵏ ⵜⵓⵣⵣⵢⴰ-ⴰ ⵜⵉⵙ ⵙⵏⴰⵜ, 4 ⵏ ⵢⵉⵎⴰⵔⵉⵔⴻⵏ ⵉⵎⴻⵣⵡⵓⵔⴰ ⵏ ⵜⴰⵥⵓⵏⵜ ⵏ ⵜⵙⴻⴷⵏⴰⵏ ⴷ ⵢⵉⵔⴳⴰⵣⴻⵏ ⵄⴻⴷⴷⴰⵏ ⵖⴻⵔ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵏ ⴼⴻⵔⵔⵓ ⴰⵢⴷⴻⴳ ⴰⴷ ⴷ-ⵢⴻⴼⵔⵓⵔⵉ ⵓⵍⵖⵓⵖ ⵏ ⵍⴻⵣⵣⴰⵢⴻⵔ, ⵢⴻⵔⵏⴰ ⵜⵉⵎⵍⵉⵍⵉⵢⵉⵏ-ⴰ ⴰⴷ ⴷ-ⵉⵍⵉⵏⵜ ⴷⴻⴳ ⵡⴰⵢⵢⵓⵔ ⵏ ⵎⴰⵢⵓ. ⵎⴰ ⴷ ⴰⵎⴽⴰⵏ ⴰⵢⴷⴻⴳ ⴰⴷ ⴷ-ⵉⵍⵉⵏⵜ ⵡⴻⵔⵄⴰⴷ ⵓⵔ ⵜ-ⵉⴷ-ⵜⴻⵙⵙⴻⴼⵔⴰ ⴰⵔⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵜⵉⵏⵉⵙ ⵏ ⵜⴷⴰⴱⵓⵜ.

ⵜⵉⵖⵍⴰⵎⵉⵏ ⴰⵢ ⵉⵄⴻⴷⴷⴰⵏ ⵖⴻⵔ ⵜⴻⵎⵍⵉⵍⵉⵢⵉⵏ ⵏ ⴼⴻⵔⵔⵓ ⴷ ⴰⵙⴼ ⵍⴰⵕⴻⴱⵄⴰ, ⴰⵛ ⴱⵓⴷⵡⴰⵡ, ⵏⵔⵡ ⵍⴻⵣⵣⴰⵢⴻⵔ ⴷ ⴰⵙⵔ ⵍⴻⵅⵔⵓⴱ ⵖⴻⵔ ⵜⵙⴻⴷⵏⴰⵏ, ⴷ ⵔⵛ ⵍⴰⵕⴻⴱⵄⴰ, ⴰⵙⵊⵉ ⵡⴻⵀⵕⴰⵏ, ⴰⵊⵙ ⵍⴻⵅⵔⵓⴱ ⴷ ⴰⵙⵔ ⵍⴻⵅⵔⵓⴱ ⵖⴻⵔ ⵢⵉⵔⴳⴰⵣⴻⵏ. ⵜⵉⵖⵍⴰⵎⵉⵏ ⵏⵉⴹⴻⵏ ⴰⵢ ⴷ-ⵢⵓⵙⴰⵏ ⴷ ⵜⵉⵏⴻⴳⴳⵓⵔⴰ (ⴰⵎⴰ ⴷ ⵜⵉⴷ ⵏ ⵢⵉⵔⴳⴰⵣⴻⵏ ⵏⴻⵖ ⵜⵉⴷ ⵏ ⵜⵙⴻⴷⵏⴰⵏ) ⴰⴷ ⵓⵔⴰⵔⴻⵏⵜ ⵜⴰⵍⵖⵓⵖⴰ ⴰⴽⴽⴻⵏ ⴰⴷ ⵇⵇⵉⵎⴻⵏⵜ ⴷⴻⴳ ⵜⴰⵥⵓⵏⵜ ⵜⴰⵎⴻⵣⵡⴰⵔⵓⵜ ⵏⴻⵖ ⴰⴷ ⵖⵍⵉⵏⵜ ⵖⴻⵔ ⵜⴰⵥⵓⵏⵜ ⵜⵉⵙ ⵙⵏⴰⵜ.

ⵎⴰ ⴷⴻⴳ ⵜⴰⵥⵓⵏⵜ ⵜⵉⵙ ⵙⵏⴰⵜ, ⴷ ⵜⵉⵖⵍⴰⵎⵉⵏ ⵏ ⴰⵛ ⴱⵓⴷⵡⴰⵡ, ⵊⵙⵜⵜ ⵄⵉⵏ ⵜⴰⴷⵍⴻⵙ, ⵉⵛ ⵔⵔⵖⴰⵢⴰ ⴷ ⵉⵔⴱ ⴱⴻⵔⵔⴰⵇⵉ (ⵜⵉⵙⴻⴷⵏⴰⵏ), ⵓⵙⵎⵎ ⵃⴻⴵⴵⵓⵟ, ⵛⵙⴰ ⵜⵉⵖⴻⵏⵏⵉⴼ, ⴰⵙⴽⵎ ⵡⴻⵀⵕⴰⵏ ⴷ ⵡⵉⴼⴰⵇ ⵏ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ (ⵉⵔⴳⴰⵣⴻⵏ) ⴰⵢ ⵉⵄⴻⴷⴷⴰⵏ ⵖⴻⵔ ⵜⵏⴻⴳⴳⴰⵔⵓⵜ ⴰⴽⴽⴻⵏ ⴰⴷ ⵄⴻⴷⴷⵉⵏⵜ ⵖⴻⵔ ⵜⴰⵥⵓⵏⵜ ⵜⴰⵎⴻⵣⵡⴰⵔⵓⵜ.

ⴷ ⵜⴰⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ ⴰⴷ ⵉⵄⴻⴷⴷⵉⵏ ⵖⴻⵔ ⵜⴰⵥⵓⵏⵜ ⵜⴰⵎⴻⵣⵡⴰⵔⵓⵜ, ⵎⴰ ⴷ ⵜⴰⵖⵍⴰⵎⵜ ⵜⵉⵙ ⵙⵏⴰⵜ ⴰⴷ ⵜⵓⵔⴰⵔ ⴷ ⵜⴻⵖⵍⴰⵎⵜ ⵜⵉⵙ 7 ⵏ ⵜⴰⵥⵓⵏⵜ ⵜⴰⵎⴻⵣⵡⴰⵔⵓⵜ ⴰⴽⴽⴻⵏ ⴰⴷ ⵜⵄⴻⴷⴷⵉ, ⵓⵍⴰ ⴷ ⵏⴻⵜⵜⴰⵜ, ⵖⴻⵔ ⵜⴰⵥⵓⵏⵜ-ⴰ, ⵎⴰ ⵜⴻⵔⴱⴻⵃ.

ⵎⴰ ⴷ ⵜⵉⵖⵍⴰⵎⵉⵏ ⵏ ⵜⴰⵥⵓⵏⵜ ⵜⵉⵙ ⵙⵏⴰⵜ ⴰⵢ ⴷ-ⵢⴻⵇⵇⵉⵎⴻⵏ, ⴰⴷ ⵓⵔⴰⵔⴻⵏⵜ ⵜⵉⵎⵍⵉⵍⵉⵢⵉⵏ ⴰⴽⴽⴻⵏ ⴰⴷ ⵃⴻⵔⵣⴻⵏⵜ ⵉⵎⵓⴽⴰⵏ-ⵏⵙⴻⵏⵜ ⴷⴻⴳ ⵜⴰⵥⵓⵏⵜ-ⴰ, ⵢⴻⵔⵏⴰ ⵜⴰⵏⴻⴳⴳⴰⵔⵓⵜ ⴷⴻⴳ-ⵙⴻⵏⵜ ⴷⴻⴳ ⵓⵙⴻⵜⵜⴻⴼ, ⴰⴷ ⵜⴻⵖⵍⵉ ⵖⴻⵔ ⵜⴰⵥⵓⵏⵜ ⵜⴰⵖⴻⵍⵏⴰⵡⵜ ⵜⵉⵙ 3.

ⵜⴰⵍⵖⵓⵖⴰ-ⴰ ⵜⵉⵙ ⵙⵏⴰⵜ ⵍⵀⴰⵏ-ⴷ ⵢⵉⴷ-ⵙ ⵙⵉⵏ ⵏ ⵢⵉⵏⴻⵣⵔⴰⴼⴻⵏ-ⵉⵏⴻⴼⵔⴰⵢⴻⵏ ⴷ 16 ⵏ ⵢⵉⵎⴰⵍⴰⵍⴻⵏ (ⵎⵓⵙⴰⵄⵉⴷⵉⵏ), ⵢⴻⵍⵍⴰ-ⴷ ⴷⴻⴳ-ⵙ ⵡⵓⵔⴰⵔ ⵙ ⵕⵕⵓⵃ ⴰⵏⴰⴷⴷⴰⵍ ⴷ ⵓⵎⵎⵉⴷ, ⴰⵙⵡⵉⵔ-ⵏⵏⴻⵙ ⴰⵜⵡⵉⵍⴰⵏ (ⵜⵉⵇⵏⵉ) ⵢⴻⵍⵀⴰ ⵖⴻⵔ ⵢⵉⵔⴳⴰⵣⴻⵏ, ⴷ ⴰⵍⴻⵎⵎⴰⵙ ⵖⴻⵔ ⵜⵙⴻⴷⵏⴰⵏ, ⵢⴻⵔⵏⴰ ⴽⵔⴰ ⵏ ⵜⴻⵎⵍⵉⵍⵉⵢⵉⵏ ⵢⴻⵍⵍⴰ-ⴷ ⴷⴻⴳ-ⵙⴻⵏⵜ ⵓⵙⵡⵉⵔ ⵏ ⵡⵓⵔⴰⵔ ⴷ ⵓⵏⵏⵉⴳ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⴰⵢ ⵉⵃⴻⴷⵕⴻⵏ ⴷⴻⴳ ⵡⴻⵀⵕⴰⵏ.