Asebter amenzawi

Talɣuɣa n Lezzayer n utinis n tdabut: d tiɣlamin n Laṛebɛa ay d-yefrurin deg tuzzya tis snat

WEHṚAN – D tiɣlamin n Laṛebɛa (Leblida) n yirgazen d tsednan ay d-yefrurin deg tuzzya tis snat n uḥric amezwaru n telɣuɣa n Lezzayer n teɣlamin n utinis n tdabut ay d-yellan ussan n ljemɛa d ssebt deg Leqṣer n Waddalen n Hamou-Boutlelis, deg Wehṛan.

S waya, d snat n teɣlamin n Laṛebɛa, ASF Laṛebɛa (n tsednan) d RC Laṛebɛa (n yirgazen) ay yernan ixṣimen-nsent.

Deg tgara n tuzzya-a tis snat, 4 n yimariren imezwura n taẓunt n tsednan d yirgazen ɛeddan ɣer tuzzya tis snat n temliliyin n ferru aydeg ad d-yefruri ulɣuɣ n Lezzayer, yerna timliliyin-a ad d-ilint deg wayyur n Mayu. Ma d amkan aydeg ad d-ilint werɛad ur t-id-tessefra ara Tfidiṛalit Tadzayrit n Utinis n Tdabut.

Tiɣlamin ay iɛeddan ɣer temliliyin n ferru d ASF Laṛebɛa, AC Budwaw, NRW Lezzayer d ASR Lexrub ɣer tsednan, d RC Laṛebɛa, ASJI Wehṛan, AJS Lexrub d ASR Lexrub ɣer yirgazen. Tiɣlamin niḍen ay d-yusan d tineggura (ama d tid n yirgazen neɣ tid n tsednan) ad urarent talɣuɣa akken ad qqiment deg taẓunt tamezwarut neɣ ad ɣlint ɣer taẓunt tis snat.

Ma deg taẓunt tis snat, d tiɣlamin n AC Budwaw, JSTT Ɛin Tadles, IC Rrɣaya d IRB Berraqi (tisednan), USMM Ḥeǧǧuṭ, CSA Tiɣennif, ASKM Wehṛan d Wifaq n Lexmis n Tmelyant (irgazen) ay iɛeddan ɣer tneggarut akken ad ɛeddint ɣer taẓunt tamezwarut.

D taɣlamt tamezwarut deg usettef ad iɛeddin ɣer taẓunt tamezwarut, ma d taɣlamt tis snat ad turar d teɣlamt tis 7 n taẓunt tamezwarut akken ad tɛeddi, ula d nettat, ɣer taẓunt-a, ma terbeḥ.

Ma d tiɣlamin n taẓunt tis snat ay d-yeqqimen, ad urarent timliliyin akken ad ḥerzent imukan-nsent deg taẓunt-a, yerna taneggarut deg-sent deg usettef, ad teɣli ɣer taẓunt taɣelnawt tis 3.

Talɣuɣa-a tis snat lhan-d yid-s sin n yinezrafen-inefrayen d 16 n yimalalen (musaɛidin), yella-d deg-s wurar s ṛṛuḥ anaddal d ummid, aswir-nnes atwilan (tiqni) yelha ɣer yirgazen, d alemmas ɣer tsednan, yerna kra n temliliyin yella-d deg-sent uswir n wurar d unnig, ɣef wakken ay d-nnan yimazzagen (muxtaṣṣin) ay iḥedṛen deg Wehṛan.