ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ: ⵍⵍⴰⵏ-ⴷ ⵢⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ)

ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵢⴻⵏⵏⴰ-ⴷ ⵓⵙⴻⵎⵢⴰⴷⴷⴰⵙ (ⵎⵓⵏⴰⵙⵙⵉⵇ) ⴰⵍⵙⴰⵏ ⴰⵎⵏⴰⴹⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵙⵙⴰⵃⴻⵍ, ⵜⵧⴱⵢ ⵍⴰⵏⵣⴻⵔ, ⴷ ⴰⴽⴽⴻⵏ ⵍⵍⴰⵏ-ⴷ ⵢⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ ⴷⴻⴳ ⵎⴰⵍⵉ ⵙⴻⴳ ⵡⴰⵙⵎⵉ ⴰⵢ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ (ⵉⵜⵜⵉⴼⴰⵇ) ⵉ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵙⵙ ⵏ ⵍⵃⴻⴷⴷ.

« ⵍⵍⴰⵏ-ⴷ ⵢⵉⵙⵓⵔⵉⴼⴻⵏ ⴷ ⵉⵎⴻⵇⵔⴰⵏⴻⵏ ⴰⵎ ⵓⵄⴰⵡⴻⴷ ⵏ ⵓⵔⵥⴰⵎ ⵏ ⵡⴰⵟⴰⵙ ⵏ ⵢⵉⵖⴻⵔⴱⴰⵣⴻⵏ ⴷ ⵓⵙⵙⴻⵍⵀⵓ ⴷⴻⴳ ⵡⴰⵡⵡⴰⴹ ⵖⴻⵔ ⵡⴰⵎⴰⵏ ⴷ ⵜⴷⴰⵡⵙⴰ (ⵚⵉⵃⵃⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵏⵣⴻⵔ ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ « ⴰⴽⴻⵎⵎⴻⵍ ⵏ ⵢⵉⵔⵉⵔⵉ ⵏ ⵢⵉⴷⵓⴱⴰ ⵏ ⵓⵡⴰⵏⴰⴽ (ⴷⴰⵡⵍⴰ) ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴷⴻⴳ ⵓⵙⵙⴻⴵⵀⴻⴷ ⵏ ⵡⴰⵢⴻⵏ ⴰⵢ ⴷ-ⵢⴻⵜⵜⵡⴰⴽⴻⵙⴱⴻⵏ ⴷ ⵍⴻⵛⵖⴰⵍ ⵏ ⵓⵄⴰⵡⴻⴷ ⵏ ⵓⵔⴼⴰⴷ ⵏ ⵜⵎⵓⵔⵜ » ⵙ ⵓⵄⴰⵡⴻⵏ ⵏ ⵜⵓⴷⴷⵙⵉⵡⵉⵏ ⵜⴰⵍⵙⴰⵏⵉⵏ ⴷ ⵓⵙⵏⴻⴼⵍⵉ.

ⴷⴻⴳ ⵜⵓⵣⵣⵢⴰ-ⵏⵏⴻⵙ ⵖⴻⴼ ⵓⴳⴰⴼⴰ (ⵛⴰⵎⴰⵍ) ⵏ ⵎⴰⵍⵉ ⴷ ⴱⴰⵎⴰⴽⵧ ⴷⴻⴳ ⵜⵓⵖⴷⴰⴹⵜ-ⵏⵏⴻⵙ ⴷⴻⴳ ⵎⴰⵍⵉ ⴳⴰⵔ 18 ⴷ 22 ⵢⴻⵏⵏⴰⵢⴻⵔ, ⵢⴻⵎⵍⴰⵍ ⵎⴰⵙⵙ ⵍⴰⵏⵣⴻⵔ ⴷ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵏⴰⴱⴰⴹ ⴰⵎⴰⵍⵉ, ⵉⴷⵓⴱⴰ ⵉⴷⵉⴳⴰⵏⴻⵏ ⴷ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ.

ⵢⴻⴷⴷⴰ ⵍⴰⵏⵣⴻⵔ ⵖⴻⵔ ⵜⴻⵎⴷⵉⵏⵉⵏ ⵏ ⴳⴰⵧ ⴷ ⴽⵉⴷⴰⵍ ⴰⴽⴽⴻⵏ ⴰⴷ ⵢⴻⵎⵍⵉⵍ ⵉⵎⴷⴰⵏⴻⵏ ⴰⵢ ⵜⵃⵓⵣⴰ ⵜⴰⵍⵓⴼⵜ ⵢⴻⵔⵏⴰ ⵢⴻⵔⵣⴰ ⵖⴻⴼ ⵢⵉⵙⴻⵏⴼⴰⵔⴻⵏ ⴰⵍⵙⴰⵏⴻⵏ (ⵉⵏⵙⴰⵏⵉⵢⵢⴰ) ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ (ⴱⴰⵢⴰⵏ).

ⴷⴻⴳ ⵓⵏⵔⴰⵔ, ⵉⴳⴻⵔ ⵜⴰⵎⴰⵡⵜ ⵎⴰⵙⵙ ⵍⴰⵏⵣⴻⵔ ⵉ ⵍⴻⵀⵀⵓ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵎⴻⴷⴷⵓⵔⵜ ⵏ ⵎⴻⴷⴷⴻⵏ ⵙ ⵡⵓⵖⴰⵍ ⵏ ⵓⵃⵔⵉⵛ ⵙⴻⴳ ⵢⵉⵅⴻⴷⴷⴰⵎⴻⵏ ⵏ ⵓⵡⴰⵏⴰⴽ ⴰⵢ ⴷ-ⵢⴻⵍⵀⴰⵏ ⵙ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⵉⵜⵡⵉⵍⴰⵏⴻⵏ ⴷ ⵍⴻⵎⵄⴰⵡⵏⴰ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵜⵓⴷⴷⵙⵉⵡⵉⵏ ⵜⴰⵍⵙⴰⵏⵉⵏ.

ⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ, ⵓⵎⴰⵔⴻⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⵏ ⵓⵎⵜⴰⵡⴰ ⵉ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⵙ « ⵢⵉⵙⵓⵔⵉⴼⴻⵏ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ » ⴷⴻⴳ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⵓⵙⵙⴰⵏ ⵏ 15 ⵎⴰⵢⵓ ⴷ 20 ⵢⵓⵏⵢⵓ ⵏ 2015.

ⵜⵉⵎⵍⵉⵍⵉⵜ ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ-ⴰ ⵜⴻⵍⵍⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵢⴻⵣⵔⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵓⵃⴷⴰⵕ ⵏ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ 3 ⵏ ⵢⵉⴷⵉⵙⴰⵏ ⴰⵢ ⵢⴻⵙⵜⴻⵏⵢⴰⵏ ⴰⵎⵜⴰⵡⴰ-ⵏⵏⵉ (ⴰⵏⴰⴱⴰⴹ, ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⴷ ⵜⵖⴻⵔⵖⴻⵔⵜ ⵏ ⵍⴻⵣⵣⴰⵢⴻⵔ), ⴰⴽⴽ ⵉⵎⴰⵙⵍⴰⴹⴻⵏ ⵏ ⵜⴻⴱⴷⴰⵎⵎⴰⵙⵜ (ⵍⴻⵣⵣⴰⵢⴻⵔ, ⵏⵉⵊⵉⵔ, ⵎⵓⵔⵉⵟⴰⵏⵢⴰ, ⴱⵓⵔⴽⵉⵏⴰ ⴼⴰⵙⵧ, ⵞⴰⴷ, ⵏⵉⵊⵉⵔⵢⴰ, ⴼⵕⴰⵏⵙⴰ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ, ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ-ⵎⵉⵏⵓⵙⵎⴰ, ⵜⴰⴷⵓⴽⵍⵉ ⵜⴰⴼⵔⵉⵇⵉⵜ-ⵎⵉⵙⴰⵀⴻⵍ, ⴰⵎⵖⵉⵡⴰⵏ ⴰⴷⴰⵎⵙⴰⵏ ⵏ ⵢⵉⵡⴰⵏⴰⴽⴻⵏ ⵏ ⵜⴻⴼⵔⵉⵇⵜ ⵏ ⵓⵜⴰⵔⴰⵎⵏ, ⵜⴰⴷⵓⴽⵍⵉ ⵜⵓⵕⵓⴼⵉⵜ ⴷ ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⴰⵏ).