Asebter amenzawi

Iḥettet-d Tebboune ɣef ufaki n lebni n tnezduɣin ay yebdan deg 2013

MESTɣANEM – Iḥettet-d uneɣlaf n tnezduɣt, Abdelmadjid Tebboune, ass n lḥedd, deg Mestɣanem, dakken tanezduɣt ay yebdan s lebni deg temnaḍin yemgerraden n tmurt deg 2013 yessefk ad d-tewjed aseggas-a.

Mi yerza ɣef waṭas n yisenfaren n tnezduɣt deg tezgelt (quṭb) amdinan n Lhacem (taɣiwant n Sayada), yenna-d uneɣlaf dakken « tallit n lebni n yisenfaren n tnezduɣt ur yessefk ara ad tekk i 24 n wayyuren, ma aṭas ».

Dɣa ɣef waya ay d-iger tiɣri i ussebɣes (tacǧiɛ) n teṛmisin (carikat) n yilemẓiyen ay d-yesfaydin seg ureḍḍal n ANSEJ akken ad d-lhunt s yixeddimen n daxel tnezduɣin am trisiti, ijeɛbuben n waman d lgaz d tɣawsiwin niḍen, yerna yessefk ad ttekkint teṛmisin timeẓyanin deg yicanṭiyen n lebni akken d-wejden war leɛḍil.

Iḥettet-d Mass Tebboune, daɣ, ɣef ussebɣes n yimseftiyen usligen akken ad bnun asgalef anagdud (ɛumumi), ladɣa deg wayen yerzan assedhu i usselhu n tmeddurt deg yiɣaramen (aḥya’) n tnezduɣt imaynuten.