ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵣⴻⵎⵔⴻⵏⵜ ⴰⴷ ⵜⵜⵡⴰⴱⴻⵟⵍⴻⵏⵜ ⵜⴻⵍⵖⵓⵖⵉⵡⵉⵏ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ, ⵜⴰⵛⵉⵔⵜ ⵜⴰⵎⴰⴼⴰⵀⵜ ⴷ ⵜⵛⵉⵔⵜ ⵏ ⵓⴼⵓⵙ (ⴱⵧⵓⴰⵔⵉⴼⵉ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ, ⵔⴰⴱⴰⵀ ⴱⵧⵓⴰⵔⵉⴼⵉ, ⴰⵙⵙ ⵏ ⵍⵃⴻⴷⴷ, ⴷ ⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⵜⵜⵡⴰⴱⴻⵟⵍⴻⵏⵜ ⵜⴻⵍⵖⵓⵖⵉⵡⵉⵏ ⵜⵉⵖⴻⵍⵏⴰⵡⵉⵏ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍⵏ, ⵜⴰⵛⵉⵔⵜ ⵜⴰⵎⴰⴼⴰⴳⵜ ⴷ ⵜⵛⵉⵔⵜ ⵏ ⵓⴼⵓⵙ ⵉ ⵍⵎⴻⵏⴷ ⵏ ⵓⵛⵛⴻⵜⴽⵉ ⵖⴻⴼ ⵢⵉⵡⴻⵏ ⵏ ⵓⵎⴰⴳⵔⴰⴷ (ⴱⵓⵏⴷ) ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⵍⵇⴰⵏⵓⵏ ⴰⵙⵍⴻⴽⵎⴰⵏ ⵏ 15 ⴷⵓⵊⴻⵎⴱⴻⵕ ⵢⴻⵣⵔⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵖⵍⴰⵎⵉⵏ (ⴰⵏⴷⵉⵢⴰ) ⴷ ⵜⵉⴷⴷⵓⴽⵍⵉⵡⵉⵏ ⵜⵉⵏⴰⴷⴷⴰⵍⵉⵏ.
« ⵍⴰ ⵏⴻⵙⵙⴻⴼⵔⴰⵢ ⴰⴷ ⵏⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵢⵉⵙⴻⵍⵡⴰⵢⴻⵏ ⵏ ⵜⴻⵖⵍⴰⵎⵉⵏ ⵢⴻⵎⴳⴻⵔⵔⴰⴷⴻⵏ ⵏ 3-ⴰ ⵏ ⵡⴰⴷⴷⴰⵍⴻⵏ, ⵢⴻⵔⵏⴰ ⵢⴻⵣⵎⴻⵔ ⵍⵃⴰⵍ ⴰⴷ ⵜⵜ-ⵉⴷ-ⵏⴻⴼⵔⵓ ⴰⴷ ⵏⴻⵊⴱⴻⴷ ⵉⵎⴰⵏ-ⵏⵏⴻⵖ ⵙⴻⴳ ⵢⵉⵎⵙⵉⵣⴻⵡⵔⴻⵏ, ⴰⴽⴽⴻⵏ ⴰⴷ ⴷ-ⵏⴻⵛⵛⴻⵜⴽⵉ ⵖⴻⴼ ⵓⵎⴰⴳⵔⴰⴷ-ⵏⵏⵉ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵢⴻⵣⵎⴻⵔ ⴰⴷ ⵢⴻⵜⵜⵡⴰⵛⴰⵕⴻⵄ ⵢⵉⵎⴹⴻⴱⴱⴻⵔ ⵏ ⵜⴻⵖⵍⴰⵎⵜ ⵍⴻⵎⵎⴻⵔ ⴰⴷ ⵢⴻⴼⴽ ⵜⵉⵛⴻⵀⵕⵉⵜ ⵉ ⴽⵔⴰ ⵏ ⵓⵏⴰⴷⴷⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ.
« 25 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵢⴰⵍ ⴰⵏⴰⴷⴷⴰⵍ ⵢⴻⵜⵜⴰⵡⵉ ⵜⴰⵛⴻⵀⵕⵉⵜ, ⵢⴻⵔⵏⴰ ⵉⵎⵉⵔ-ⴰ, ⴰⴷ ⵢⵓⵖⴰⵍ ⵓⵔ ⵢⴻⵜⵜⴰⵍⴰⵙ ⴰⵔⴰ ⴰⴷ ⵢⴻⵜⵜⵡⴰⵅⴻⵍⵍⴻⵚ. ⴰⵢⴰ ⵢⴻⵣⵎⴻⵔ ⴰⴷ ⵉⴹⵓⵔⵔ ⴰⴽⴽ ⴰⴷⴷⴰⵍⴻⵏ. ⴰⴷⴷⴰⵍ ⴰⵜⴰⵏ ⴷⴻⴳ ⵓⵎⵉⵀⵉ (ⵅⴰⵟⴰⵔ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⵧⵓⴰⵔⵉⴼⵉ.
« ⴳⵔⴻⵖ-ⴷ ⵜⵉⵖⵔⵉ, ⴷⴻⴳ ⵡⴰⵢⴻⵏ ⴰⴽⴽⴰ ⵢⴻⵣⵔⵉⵏ, ⴰⴽⴽⴻⵏ ⴰⴷ ⴷ-ⵜⵉⵍⵉ ⵍⴻⵎⵄⴰⵡⵏⴰ ⵉ ⵡⴰⴷⴷⴰⵍⴻⵏ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏ ⵜⴰⵛⵉⵔⵜ ⵏ ⵓⵇⴻⵛⵡⴰⵍ, ⵢⴻⵔⵏⴰ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⵍⴻⵎⵄⴰⵡⵏⴰ ⴰⵍⴰ ⵉ ⵜⵛⵉⵔⵜ ⵏ ⵓⴹⴰⵔ, ⵓⵍⴰ ⵎⴰ ⴰⵏⴻⴳⴳⴰⵔⵓ-ⴰ ⵢⴻⵜⵜⵖⵉⵎⵉ-ⴷ ⴷ ⴰⴷⴷⴰⵍ ⴰⵎⴻⵇⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⵙⵙ ⵏ ⵙⵙⴻⴱⵜ, ⵢⴻⵇⴱⴻⵍ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵓⴳⵔⴰⵡ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⴰⵚⴻⴳⴳⴻⵎ ⵏ ⵢⵉⵥⵓⵢⴰⵔ ⴷ ⵓⵙⵍⵓⴳⴻⵏ ⴰⴳⴻⵏⵙⵉ (ⵇⴰⵏⵓⵏ ⴷⴰⵅⵉⵍⵉ) ⵏ ⵜⴼⵉⴷⵉⵕⴰⵍⵉⵜ ⴷ ⵡⵉⴷ ⵏ ⵜⴻⵎⵖⵓⵏⵉⵏ ⵏ ⵜⵡⵉⵍⴰⵢⵉⵏ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⴼⴻⵖⵏⴰⵎⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
