Asebter amenzawi

Idzayriyen la ttheyyin iman-nsen i Telɣuɣa n utaekwondo n Ugadir (Meṛṛuk)

LEZZAYER TAMANEɣT – 4 n yinaddalen igraɣlanen idzayriyen n utaekwondo (2 n yirgazen d snat n tsednan) ay la yettkemmilen aheyyi-nsen akken ad ttekkin deg Telɣuɣa n Uɛeddi ɣer Wuraren Ulimpiyen ad d-yilin gar 4 d 7 Fuṛaṛ deg Ugadir (Meṛṛuk), ɣef wakken ay aɣ-d-yenna unemhal n teɣlamin tiɣelnawin n Tfidiṛalit Tadzayrit n Utaekwondo, Samir Maiana.

Addalen-a d Romain Dimitri (ddaw 58 n yikilugṛamen) d Lyes Bellili (ddaw 68 n yikilugṛamen) ɣer yirgazen, d Soundous Bentahar (ddaw 49 n yikilugṛamen) d Lynda Azzedine (nnig 67 n yikilugṛamen) ɣer tsednan.

« Bentahar d Azzedine d tinaddalin ay d-inekren deg lɣerba, yerna la ssewjadent iman-nsent ɣer teɣlamin-nsent, deg Fṛansa, ma d Romain Dimitri fkan-as taggazt ayyes ad yeddu ad d-yessewjed iman-nnes deg Lalman », ɣef wakken ay aɣ-d-yenna Maiana.

Seg yidis niḍen, « Bellili yebda annan (tarabbuṣ) umdil deg Wammas n Umsegraw n Teɣlamin Tiɣelnawin n Sswidaneyya » (deg Lezzayer Tamaneɣt) ɣer yidis n 3 n yinaddalen igraɣlanen idzayriyen niḍen.

Iṣaḥ-itt-id ad tesɛeddi 4 n yinaddalen n utaekwondo ɣer Wuraren Ulimpiyen n 2016 n Rio: 2 n yirgazen d 2 n tsednan.