ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: ⵎⴻⵃⵇⴻⵏ ⵢⵉⵎⴻⵕⵕⵓⴽⵉⵢⴻⵏ ⵢⵉⵡⴻⵜ ⵏ ⵜⵎⴻⵙⴱⴰⵏⵉⵜ ⵜⴰⵎⴻⵍⵡⵉⵜ

ⵍⴻⵄⵢⵓⵏ (ⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ) – ⴳⵔⴻⵏ-ⴷ ⵢⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⵉⵎⴰⵏ-ⵏⵙⴻⵏ ⵙ ⵢⵉⵖⵉⵍ ⴰⴽⴽⴻⵏ ⴰⴷ ⴼⴻⵔⵇⴻⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵡⴻⵜ ⵏ ⵜⵎⴻⵙⴱⴰⵏⵉⵜ ⵜⴰⵎⴻⵍⵡⵉⵜ (ⵙⵉⵍⵎⵉⵢⵢⴰ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⴻⵎⴷⵉⵏⵜ ⵏ ⵍⴻⵄⵢⵓⵏ ⵢⴻⵜⵜⵡⴰⴹⴹⴼⴻⵏ. ⵜⴰⵎⴻⵙⴱⴰⵏⵉⵜ-ⴰ ⴳⴰⵏ-ⵜⵜ ⵢⵉⵎⴻⵖⵏⴰⵙⴻⵏ ⵉⵚⴻⵃⵔⴰⵡⵉⵢⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⴽⴽⴻⵏ ⴰⴷ ⵙⵙⵓⵜⵔⴻⵏ ⴰⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ ⴷ ⵓⵣⴰⵔⵓⴳ (ⵉⵙⵜⵉⵇⵍⴰⵍ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵜⴰⵚⴻⵃⵔⴰⵡⵉⵜ ⵏ ⵢⵉⵙⴰⵍⴰⵏ, ⵙⵒⵙ, ⴰⵢ ⴷ-ⵉⴱⴻⴷⵔⴻⵏ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⴰⵚⴻⵃⴰⵡⵉⵜ ⵏ ⵍⵇⴰⵏⵓⵏ.

« ⵏⴰⵇⴰⵍ, ⵙⵙⴻⵎⵃⴰⵍⵍⵇⴻⵏ-ⴷ ⵢⵉⵖⴰⵍⵍⴻⵏ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⴷ ⵢⵉⵖⴰⵍⵍⴻⵏ ⴰⵢ ⵜⴻⵏ-ⵢⴻⵜⵜⵄⴰⵡⴰⵏⴻⵏ (…) ⵉ ⵓⵎⴽⴰⵏ-ⵏⵏⵉ ⵏ ⵜⵎⴻⵙⴱⴰⵏⵉⵜ, ⵙⴰⴽⴽⵉⵏ ⴳⵔⴻⵏ-ⴷ ⵉⵎⴰⵏ-ⵏⵙⴻⵏ ⵙ ⵢⵉⵖⵉⵍ ⴰⴽⴽⴻⵏ ⴰⴷ ⴼⴻⵔⵇⴻⵏ ⵉⵎⴻⵙⴱⴰⵏⵉⵢⴻⵏ-ⵏⵏⵉ ⵉⵎⴻⵍⵡⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ (ⵎⴰⵚⴷⴰⵔ).

ⵉⴷⵓⴱⴰ (ⵙⵓⵍⵓⵟⴰⵜ) ⵏ ⵜⵓⴹⴹⴼⴰ ⵉⵎⴻⵕⵕⵓⴽⵉⵢⴻⵏ ⵓⵔ ⴵⴵⵉⵏ ⴰⵔⴰ, ⴷⴰⵖ, ⵉⵚⴻⵃⵔⴰⵡⵉⵢⴻⵏ ⵏⵉⴹⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⵎⴻⵙⴱⴰⵏⵉⵜ-ⴰ, ⴰⵎ ⵡⴰⴽⴽⴻⵏ ⵓⵔ ⴵⴵⵉⵏ ⴰⵔⴰ ⵉⵅⴻⴷⴷⴰⵎⴻⵏ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⵚⴻⵃⵔⴰⵡⵉⵢⴻⵏ ⴰⴷ ⵚⴻⵡⵡⵔⴻⵏ ⴰⵎⵃⴰⵇ-ⴰ ⴰⵢ ⵉⵃⵓⵣⴰⵏ ⵉⵎⴻⵙⴱⴰⵏⵉⵢⴻⵏ ⵉⵎⴻⵍⵡⵉⵢⴻⵏ.

ⵜⴰⴳⴻⵔⵎⴰⵏⵜ-ⴰ (ⵜⴰⴷⴰⵅⵅⵓⵍ) ⵊⴻⵔⵃⴻⵏ ⴷⴻⴳ-ⵙ ⴰⵟⴰⵙ ⵏ ⵎⴻⴷⴷⴻⵏ, ⵢⴻⵔⵏⴰ 4 ⵙⴻⴳ-ⵙⴻⵏ ⵡⵡⵉⵏ-ⵜⴻⵏ ⵖⴻⵔ ⵜⵓⵄⵊⵉⵍⵉⵏ ⵏ ⵓⵙⴱⵉⵟⴰⵔ.

ⵜⴰⵎⴻⵙⴱⴰⵏⵉⵜ-ⴰ ⵜⴻⵍⵍⴰ-ⴷ ⴷⴻⴳ ⵡⵓⵙⵙⴰⵏ ⴰⵢⴷⴻⴳ ⵜⴻⴱⴷⴰ-ⴷ ⵢⵉⵡⴻⵜ ⵏ ⵜⵙⴻⴽⴱⴰⴱⵜ ⴷⴻⴳ ⵜⵓⵕⵓⴼⵜ ⴷ ⵓⵎⴰⴹⴰⵍ ⵉ ⵓⵙⵙⵓⵜⴻⵔ ⵙⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵢⴻⵙⵙⵓⴷⴷⴻⵙ, « ⵓⵇⴱⴻⵍ ⵜⴳⴰⵔⴰ ⵏ 2017 », ⵜⴰⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ.

ⵜⴰⵙⴻⴽⴱⴰⴱⵜ-ⴰ ⴰⴷ ⴷ-ⵜⴻⵊⵎⴻⵄ ⵉⵙⵜⴻⵏⵢⵉⵢⴻⵏ ⵙⴰⴽⴽⵉⵏ ⴰⴷ ⵜⴻⵜⵜⵓⵏⴻⴼⴽ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵛⵜⴻⵎⴱⴻⵕ ⵏ 2016, ⵓⵇⴱⴻⵍ ⵎⴰ ⵜⴻⵍⵍⴰ-ⴷ ⵜⴻⵎⵍⵉⵍⵉⵜ ⵏ ⵜⵙⴻⵇⵇⴰⵎⵓⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ).