ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴳⵔⴻⵏ-ⴷ ⵢⵉⵡⴰⵎⵏⵉⵢⴻⵏ ⴰⵍⵎⴰⵏⵉⵢⴻⵏ ⵜⵉⵖⵔⵉ ⵉ ⵓⵎⴰⴹⴰⵍ ⴰⴽⴽⴻⵏ ⴰⴷ ⴷ-ⵢⴻⵍⵀⵓ ⵙ ⵓⵏⴻⵥⵔⵓⴼ ⵓⵜⵔⵉⵎ

ⴱⴻⵔⵍⵉⵏ – ⴳⵔⴻⵏ-ⴷ, ⴽⵔⴰ ⵏ ⵢⵉⵡⴰⵎⵏⵉⵢⴻⵏ (ⴱⴰⵔⵍⴰⵎⴰⵏⵉⵢⵢⵉⵏ) ⴰⵍⵎⴰⵏⵉⵢⴻⵏ, ⵜⵉⵖⵔⵉ ⵜⵓⵄⵊⵉⵍⵜ ⵉ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⴳ ⵍⵡⴰⵊⴻⴱ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵥⵔⵓⴼ ⵓⵜⵔⵉⵎ ⴷ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵉ ⵓⴳⴳⵓⵛⵛⴻⵍⵎⴰⵏ ⵉⵍⴻⵍⵍⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⵢⴻⵔⵏⴰ ⵄⴻⵢⵢⵏⴻⵏ-ⴷ ⴷⴰⴽⴽⴻⵏ ⵍⴻⵎⵎⴻⵔ ⴰⴷ ⵜⴽⴻⵎⵎⴻⵍ ⵜⴰⵍⵓⴼⵜ-ⴰ ⴷⴻⴳ ⵓⵃⴱⴰⵙ ⴰⵢⴷⴻⴳ ⵜⴻⵃⴱⴻⵙ ⵉⵎⵉⵔ-ⴰ, ⵜⴻⵣⵎⴻⵔ ⴰⴷ ⵜⵄⴰⵡⴻⴷ ⴰⴷ ⴷ-ⵜⴻⵟⵟⴻⵔⴹⴻⵇ.

ⵜⵉⵡⴰⵎⵏⵉⵢⵉⵏ ⴽⴻⵔⵙⵜⵉⵏ ⵜⴰⵛⴽ (ⵙⴻⴳ ⵓⴽⴰⴱⴰⵔ ⵏ ⵙⵒⴷ) ⴷ ⴽⴰⵜⵊⴰ ⴽⴻⵓⵍ (ⵜⴰⵎⵙⵉⵙⵉⵜ ⵏ 90/ⵉⵣⴻⴳⵣⴰⵡⴻⵏ), ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵔⵣⵉ ⵏ 4 ⵏ ⵡⵓⵙⵙⴰⵏ ⴷⴻⴳ ⵢⵉⴳⵔⵉⵔⴻⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ, ⴳⵔⴻⵏⵜ-ⴷ ⵜⵉⵖⵔⵉ ⵉ « ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⴳ ⵍⵡⴰⴵⴻⴱ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵥⵔⵓⴼ ⵓⵜⵔⵉⵎ ».

ⵏⵏⴰⵏⵜ-ⴷ ⴷⴰⵖ ⴷⴰⴽⴽⴻⵏ ⵜⵉⵔⵣⵉ-ⵏⵙⴻⵏⵜ ⵖⴻⴼ ⵢⵉⴳⵔⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵜⴻⴵⴵⴰ-ⵜⴻⵏⵜ ⴰⴷ ⴷ-ⵙⵙⵓⴽⴽⴻⵏⵜ ⵜⵉⵟ ⵖⴻⴼ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⴰⵍⵓⴼⵜ-ⴰ ⴷ ⵜⴻⴳⵏⵉⵜ ⴰⵢⴷⴻⴳ ⴷⴷⵔⴻⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏⵜ ⴷⴰⴽⴽⴻⵏ « ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵉⴽⴻⵎⵎⴻⵍ ⴰⴷ ⵢⴻⵇⵇⴻⵏ ⵜⵉⵟ ⵖⴻⴼ ⵜⴻⴳⵏⵉⵜ ⵜⴰⵡⴻⵄⵕⴰⵏⵜ ⴰⵢⴷⴻⴳ ⵍⵍⴰⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ».

« ⵢⴻⵙⵙⴻⴼⴽ ⴰⴷ ⵜⴻⵃⴱⴻⵙ ⵜⵓⵕⵓⴼⵜ ⴰⴷⴷⵓⴷ-ⵏⵏⴻⵙ ⵏ ⵓⵇⴱⴰⵍ ⵏ ⵍⴱⴰⵟⴻⵍ ⴰⵢ ⴷ-ⵜⴻⵡⵡⵉ ⴰⵔ ⴰⵙⵙ-ⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵎⴻⵕⵕⵓⴽ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵜⴻⴼⴽ ⴰⵙⵙⵉⵔⴻⵎ ⵉ ⵓⵖⵔⴻⴼ ⴰⵚⴻⵕⵀⴰⵡⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵄⴻⵢⵢⵏⴻⵏⵜ.

ⵡⴻⴽⴽⴷⴻⵏⵜ-ⴷ ⴷⴰⵖ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵍⵀⵓⵏ ⵙ ⵡⴰⵢⴻⵏ ⴰⵢ ⵃⵡⴰⴵⴻⵏ ⵢⵉⵍⴻⵎⵥⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⵙⴻⴳ ⵢⵉⴷⵉⵙ ⴰⵙⴻⵔⵜⵉ ⴷ ⵓⴷⴰⵎⵙⴰⵏ. ⵎⴰ ⵓⵍⴰⵛ, « ⵢⴻⵣⵎⴻⵔ ⵍⵃⴰⵍ ⵎⵍⵉⵃ ⴰⴷ ⵉⴼⴰⴽ ⵓⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ ⵏ 1991. ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⵎⵍⵉⵃ ⴰⵔⴽⴰⴷ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ ».

ⵉⵡⴰⵎⵏⵉⵢⴻⵏ ⴰⵍⵎⴰⵏⵉⵢⴻⵏ ⴰⵢ ⴷ-ⵉⴳⵔⴻⵏ ⵜⵉⵖⵔⵉ-ⴰ ⵙⵎⴻⴽⵜⵉⵏ-ⴷ ⴷⴰⴽⴽⴻⵏ « ⵙⴻⴳ 1991 ⴰⵢ ⴷ-ⴳⵔⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⵉⵖⵔⵉ ⵉ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⵙⴻⴼⵔⴰⵏⵜ ⵜⵉⵍⴻⵍⵍⵉⵜ ⵉ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ. ⵙⴻⴳ ⵡⴰⵙⵎⵉ ⴰⵢ ⵜⴻⵊⴱⴻⴷ ⵙⵒⴻⵏⵢⵓⵍ ⵉⵎⴰⵏ-ⵏⵏⴻⵙ ⵙⴻⴳ ⵜⴻⵀⵔⴻⵙⵜ-ⵏⵏⴻⵙ (ⵎⵓⵙⵜⴰⵄⵎⴰⵔⴰ) ⴷⴻⴳ 1975, ⵎⴻⵕⵕⵓⴽ ⵜⴻⴹⴹⴻⴼ-ⵉⵜⵜ ⵢⴻⵔⵏⴰ ⴰⵔ ⴰⵙⵙ-ⴰ ⵎⴰⵣⴰⵍ-ⵉⵜⵜ ⵜⴻⵔⴳⴻⵍ ⴰⴱⵔⵉⴷ ⵉ ⵜⵙⴻⴼⵔⴰⵏⵜ-ⴰ ».

ⵙⵜⴻⵕⵃⴱⴻⵏ ⴷⴰⵖ ⵢⵉⵡⴰⵎⵏⵉⵢⴻⵏ-ⴰ ⵙ ⵕⵕⴰⵢ ⵏ ⵛⵛⵕⴻⵄ ⵓⵕⵓⴼⵉ ⴰⵢ ⵢⴻⵙⴱⴻⵟⵍⴻⵏ, ⴷⴻⴳ ⴷⵓⵊⴻⵎⴱⴻⵕ ⵏ 2015, ⴰⵎⵜⴰⵡⴰ-ⵏⵏⵉ (ⵉⵜⵜⵉⴼⴰⵇ) ⴰⵎⵙⴻⵏⵣⵉ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⴰⵢ ⴷ-ⵉⵃⵓⵣⴰⵏ ⵓⵍⴰ ⴷ ⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.