ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴼⵓⴽ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⴰⵍⵉⴱⵉ ⵉⴼⵓⴽ ⵜⵉⵔⵣⵉ-ⵏⵏⴻⵙ ⵖⴻⴼ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (25 ⵢⴻⵏⵏⴰⵢⴻⵔ 2016) – ⵉⴼⵓⴽ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⴰⵍⵉⴱⵉ, ⴼⴰⵉⵣ ⵙⴻⵔⵔⴰⴷⵊ, ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ, ⵜⵉⵔⵣⵉ-ⵏⵏⴻⵙ ⵏ ⵓⵅⴻⴷⴷⵉⵎ ⵏ ⵢⵉⵡⴻⵏ ⵡⴰⵙⵙ ⵖⴻⴼ ⵍⴻⵣⵣⴰⵢⴻⵔ ⴰⵏⴷⴰ ⴰⵢ ⵜ-ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.
ⵢⴻⵔⵔⴰ ⵜⴰⵊⵎⵉⵍⵜ ⵎⴰⵙⵙ ⵙⴻⵔⵔⴰⴷⵊ, ⵎⵉ ⴷ-ⵢⴻⵡⵡⴻⴹ ⵖⴻⵔ ⵍⴻⵣⵣⴰⵢⴻⵔ, ⵉ « ⵓⴱⴷⴰⴷ ⴰⵢ ⵜⴻⴱⴷⴻⴷ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⴳⴰⵔ ⵢⵉⵍⵉⴱⵉⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ». « ⵏⴻⵙⵏⴻⵎⵎⵉⵔ ⵍⴻⵣⵣⴰⵢⴻⵔ ⵖⴻⴼ ⵓⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵎⵛⵉⵡⴻⵕ ⴰⵍⵉⴱⵉ ⴷⴻⴳ ⵡⴰⴽⴽ ⵉⵙⵓⵔⵉⴼⴻⵏ-ⵏⵏⴻⵙ, ⵢⴻⵔⵏⴰ ⴷ ⵡⴰ ⴰⵢ ⴷ ⴰⵎⵛⵉⵡⴻⵕ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⴻⵔⵏⴰ-ⴷ ⵎⴰⵙⵙ ⴼⴰⵉⵣ ⵙⴻⵔⵔⴰⴷⵊ ⴷⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵜⴻⵍⵍⴰ-ⴷ ⵉ ⵍⵎⴻⵏⴷ ⵏ « ⵓⵙⵙⴰⵍⵇⴻⵢ ⴷ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵡⴰⵙⵙⴰⵖⴻⵏ ⵉⵣⴰⴷⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⵉⴱⵢⴰ ⴰⵢ ⵙⴷⵓⴽⴽⵍⴻⵏⵜ ⵜⵖⴰⵡⵙⵉⵡⵉⵏ ⵜⵓⵛⵔⵉⴽⵉⵏ ».
ⵜⵉⵔⵣⵉ-ⴰ ⵜⴻⵍⵍⴰ-ⴷ ⴷⴰⵖ ⵉ ⵍⵎⴻⵏⴷ ⵏ « ⵓⴽⴻⵎⵎⴻⵍ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⵓⵙⵙⵎⴰⴷ ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵙ ⵓⵎⵙⴻⴼⵀⴰⵎ ⴳⴰⵔ ⵢⵉⵍⵉⴱⵉⵢⴻⵏ, ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵡⵃⵉⴷⵜ ⴰⵢ ⵉⵣⴻⵎⵔⴻⵏ ⴰⴷ ⵜⴻⵃⵔⴻⵣ ⵜⴰⵏⴰⵢⴰ (ⵙⵉⵢⴰⴷⴰ) ⵏ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ ⵜⴰⵏⴰⵔⴰⴳⵜ, ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ ⴷ ⵜⴷⵓⴽⵍⵉ ⵏ ⵓⵖⵔⴻⴼ-ⵏⵏⴻⵙ ».
ⵜⵉⵔⵣⵉ-ⴰ ⵜⴻⵍⵍⴰ-ⴷ ⴷⴰⵖ ⴷ ⵜⴰⵍⴻⵎⵎⵉⵥⵜ (ⴼⵓⵔⵚⴰ) ⵉ ⵓⵇⴻⵢⵢⴻⵎ ⵏ ⵜⴻⴳⵏⵉⵜ ⴷⴻⴳ ⵍⵉⴱⵢⴰ ⴷ ⵜⵎⵓⵔⴰ ⵏ ⵜⴻⵎⵏⴰⴹⵜ ⵓⵙⵙⴰⵏ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⴷⴰⵖ ⴷⴻⴳ-ⵙ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵡⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⴵⵀⴻⴷ ⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⵉⴱⵢⴰ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ.
