Asebter amenzawi

Iwekked-d Mass Serradj dakken yessefk ad d-telmed Libya seg ttejṛiba tadzayrit

LEZZAYER TAMANEɣT – Yenna-d uselway n Useqqamu Aselwayan alibi, Faiz Serradj, ass n letniyen deg Lezzayer, dakken almad seg ttejṛiba n Lezzayer deg wayen yerzan iriri n talwit d umsefham d ayen yesɛan azal.

Deg yiwet n tseɣrut (taṣriḥ) ay d-iga i tɣemsa deffir umyager-nnes d uselway n tegduda, Abdelaziz Bouteflika, yenna-d Mass Serradj dakken « Lezzayer telmed-d seg ttejṛiba-nnes, yerna nekkni la nɛerreḍ ad d-nfaṛes seg waya », yerna iwekked-d dakken « tasertit n umsuɣal aɣelnaw ay d-tebda Lezzayer tella-d amzun d aɣerbaz i talwit tanmettit (iǧtimaɛiyya) ».

« Libya attan la tettekk ɣef yiwet n tallit d taweɛṛant aṭas, yerna ɣef waya ay neḥwaǧ ad d-nelmed seg waya », ɣef wakken ay d-yerna umasay-a (mas’ul) alibi ay yesnemmren « Lezzayer, s unabaḍ-nnes, s uɣref-nnes, ɣef ubdad-nnes ɣer yidis n Libya deg lemcawṛat-nni ay ifuken s ussebded n unabaḍ n tdukli taɣelnawt ».