ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵍⵓⵣⵉⵏ ⵏ ⵔⴻⵏⴰⵓⵍⵜ ⵏ ⵡⴻⵀⵕⴰⵏ ⴰⴷ ⵜⵓⵖⴰⵍ ⵖⴻⵔ ⵓⵅⴻⴷⴷⵉⵎ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ-ⴰ
ⵡⴻⵀⵕⴰⵏ – ⴰⴷ ⵜⵓⵖⴰⵍ ⵍⵍⵓⵣⵉⵏ ⵏ ⵜⴽⴻⵕⵕⵓⵙⵉⵏ ⵏ ⵔⴻⵏⴰⵓⵍⵜ ⵏ ⵡⴰⴷ ⵜⵍⵉⵍⴰⵜ (ⵡⴻⵀⵕⴰⵏ) ⵖⴻⵔ ⵓⵅⴻⴷⴷⵉⵎ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ-ⴰ ⴷⴻⴼⴼⵉⵔ ⵎⴰ ⵜⴻⵃⴱⴻⵙ 4 ⵏ ⵡⵓⵙⵙⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵀⵍⴰ (ⵉⴷⴰⵔⴰ) ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⵔⴻⵏⴰⵓⵍⵜ ⴰⵍⴳⴻⵔⵉⴻ ⵒⵔⵧⴷⵓⵛⵜⵉⵧⵏ ⴰⵙⵙ ⵏ ⵍⴻⵜⵏⵉⵢⴻⵏ.
« ⴰⵃⴱⴰⵙ-ⴰ ⵓⵄⴹⵉⵍ ⵏ ⵓⵅⴻⴷⴷⵉⵎ ⵢⴻⵍⵍⴰ-ⴷ ⵙⴻⴳ ⵓⵅⵚⴰⵔ ⵏ ⵍⵃⴰⵍ ⴷ ⵉⴽⵎⴰⵔⴻⵏ ⵉⵍⵓⵊⵉⵙⵜⵉⵢⴻⵏ ⵢⴻⴼⴼⵖⴻⵏ ⵉ ⵍⴻⵄⵡⴰⵢⴻⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵔⴻⵏⴰⵓⵍⵜ ⴰⵍⴳⴻⵔⵉⴻ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴰⵢ ⴷ-ⵜⵓⵣⴻⵏ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
« ⵍⵍⵓⵣⵉⵏ-ⴰ ⵜⴻⵙⵙⴻⵎⵖⴻⵔ ⵜⴰⵣⵎⴻⵔⵜ-ⵏⵏⴻⵙ ⵏ ⵓⴼⴰⵔⴻⵙ (ⵉⵏⵜⴰⴵ) ⵙⴻⴳ 25.000 ⵏ ⵜⴽⴻⵕⵕⵓⵙⵉⵏ ⵖⴻⵔ 35.000 ⵏ ⵜⴽⴻⵕⵕⵓⵙⵉⵏ ⴷⴻⴳ ⵓⵙⴻⴳⴳⴰⵙ, ⵉⵎⵉ ⴰⵢ ⵍⴰ ⵢⴻⵜⵜⵏⴻⵔⵏⵉ ⵓⵙⵙⵓⵜⴻⵔ ⵏ ⵜⴽⴻⵕⵕⵓⵙⵜ ⵏ ⵙⵢⵎⴱⵧⵍ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⴰ ⴰⵙⵙⴻⵎⵖⴻⵔ-ⴰ ⵏ ⵜⵣⴻⵎⵎⴰⵔ » ⵢⴻⵃⵕⴻⵙ ⵛⵡⵉⵟ ⴰⵙⵙⵉⵡⴻⴹ ⵏ ⵙⵙⴻⵍⵄⴰ ⴰⵢ ⵃⵡⴰⴵⴻⵏ ⴷⴻⴳ ⵍⵍⵓⵣⵉⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵍⵖⵓ-ⵏⵏⵉ ⴷ ⴰⴽⴽⴻⵏ ⵜⴰⵎⴻⵀⵍⴰ ⵏ ⵜⴻⵕⵎⵉⵙⵜ ⵏ ⵔⴻⵏⴰⵓⵍⵜ ⴰⵍⴳⴻⵔⵉⴻ ⵒⵔⵧⴷⵓⵛⵜⵉⵧⵏ ⴰⴷ ⵜⴽⴻⵎⵎⴻⵍ ⴷⴻⴳ ⵓⵙⵙⴻⵎⵖⴻⵔ ⵏ ⵓⴼⴰⵔⴻⵙ ⴷⴻⴳ ⵓⵙⴻⴳⴳⴰⵙ ⵏ 2016 ⴰⴽⴽⴻⵏ ⴰⴷ ⵜⴻⵙⵙⴻⵕⵡⵓ ⴰⵙⵙⵓⵜⴻⵔ ⵏ ⵢⵉⵎⴻⵛⵜⵓⵔⴰ-ⵏⵏⴻⵙ.
