ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⴳⴰⴷⴻⵏ ⵙⴻⴳ ⵓⵔⴳⴰⵍ ⵏ ⵓⴱⵔⵉⴷ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ

ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ), – ⴳⵔⴻⵏ-ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⵉⵖⵔⵉ, ⴰⵙⵙ ⵏ ⵍⴻⵜⵏⵉⵢⴻⵏ, ⵉ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ ⴰⴽⴽⴻⵏ « ⴰⴷ ⴼⵔⵓⵏ ⵍⵅⵉⵍⴰⴼⴰⵜ-ⵏⵙⴻⵏ » ⵢⴻⵔⵏⴰ ⴰⴷ ⴷ-ⵙⴱⴻⴷⴷⴻⵏ ⴰⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ « ⵖⴻⴼ ⵣⵉⴽ ⵍⵃⴰⵍ ».

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ, ⴱⴰⵏ ⴽⵉ-ⵎⵧⵧⵏ, ⴷ ⴰⴽⴽⴻⵏ « ⵜⴻⵛⵖⴻⴱ-ⵉⵜ » ⵜⴻⴳⵏⵉⵜ-ⴰ ⴰⵢⴷⴻⴳ ⴷⴷⵉⵏⵜ ⴰⵔⴰ ⵜⵖⴰⵡⵙⵉⵡⵉⵏ ⵖⴻⵔ ⵙⴷⴰⵜ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵜⵎⵓⵔⴰ ⵏ ⵜⵓⴷⴷⵙⴰ (ⵎⵓⵏⴰⴹⴹⴰⵎⴰ) ⵜⴰⵎⵏⴰⴹⴰⵏⵜ ⵏ ⵉⴳⴰⴷ ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⵏ « ⴰⴷ ⴼⴰⵕⵙⴻⵏⵜ ⵜⴰⴳⵏⵉⵜ ⵏ ⵜⵇⴰⵛⵓⵛⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⴼⵔⵓⵏⵜ ⴰⵔⴳⴰⵍ-ⴰ ⵏ ⵓⴱⵔⵉⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ).

ⴰⵙⵙⴻⴱⴷⴻⴷ ⵏ ⵓⵏⴰⴱⴰⴹ-ⴰ ⴷ « ⴰⵙⵓⵔⵉⴼ ⵢⴻⵙⵙⴻⴼⴽⴻⵏ ⵉ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ Ɣⵓⵛⵜ ⵢⴻⵣⵔⵉⵏ ⵎⴰⵙⵙ ⴱⴰⵏ.

« ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵜⴽⴻⵎⵎⴻⵍ ⴰⴷ ⵜⴻⵜⵜⴻⴳ ⴰⴽⴽ ⴰⵢⴻⵏ ⵓⵎⵉ ⵜⴻⵣⵎⴻⵔ ⴰⴽⴽⴻⵏ ⴰⴷ ⵜⵄⴰⵡⴻⵏ ⵉⵎⴻⵣⴷⴰⵖⴻⵏ ⵏ ⵙⵓⴷⴰⵏ ⵏ ⵓⵏⵥⵓⵍ ⴰⵢ ⵢⴻⵏⴹⴻⵔⵔⴻⵏ ⵢⴻⵔⵏⴰ ⴷⴷⵔⴻⵏ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵍⴰ ⵜⵜⵡⴰⵔⴽⴰⴹⴻⵏ ⵢⵉⵣⴻⵔⴼⴰⵏ-ⵏⵙⴻⵏ ⵏ ⵓⵎⴷⴰⵏ ⵙ ⵡⵓⴷⴻⵎ ⵓⵔ ⵢⴻⵣⵎⵉⵔ ⵢⵉⵡⴻⵏ ⴰⴷ ⵜ-ⵉⴷ-ⵉⵅⴰⵢⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵎⵜⴰⵡⴰ ⵏ ⵜⴰⵍⵡⵉⵜ ⵏ 26 Ɣⵓⵛⵜ ⴰⵢ ⵢⴻⵍⵍⴰⵏ ⵢⴻⵙⵙⴻⴼⴽ ⴰⴷ ⵉⴼⴰⴽ ⵟⵟⵔⴰⴷ ⴰⵖⴰⵔⵉⵎ (ⵎⴰⴷⴰⵏⵉ) ⵏ 2 ⵏ ⵢⵉⵙⴻⴳⴳⴰⵙⴻⵏ, ⵓⵔ ⵉⴼⵓⴽ ⴰⵔⴰ ⵛⵛⵡⴰⵍ.

ⵙⵓⴷⴰⵏ ⵏ ⵓⵏⵥⵓⵍ ⵜⴻⵡⵡⵉ ⴰⵣⴰⵔⵓⴳ-ⵏⵏⴻⵙ (ⵉⵙⵜⵉⵇⵍⴰⵍ) ⴷⴻⴳ ⵢⵓⵍⵢⵓ ⵏ 2011, ⵎⴰⵛⴰ ⵜⵄⴰⵡⴻⴷ ⵜⴻⵣⴷⴻⵔ ⴷⴻⴳ ⵟⵟⵔⴰⴷ ⴷⴻⴳ 15 ⴷⵓⵊⴻⵎⴱⴻⵕ 2013, ⵎⵉ ⵢⴻⴱⴷⴰ ⵢⵉⵎⴻⵏⵖⵉ ⴳⴰⵔ ⵢⵉⵖⴰⵍⵍⴻⵏ ⵏ ⵢⵉⴳⴻⵏ (ⴵⴰⵢⵛ) ⴰⵖⴻⵍⵏⴰⵡ ⵖⴻⴼ ⵍⴵⴰⵍ ⵏ ⵍⵅⵉⵍⴰⴼ ⴰⵢ ⴷ-ⵢⴻⵍⵍⴰⵏ ⴳⴰⵔ ⵓⵙⴻⵍⵡⴰⵢ ⴽⵉⵉⵔ ⴷ ⵓⵏⵎⴰⵣⵓⵍ-ⵏⵏⴻⵙ ⵔⵉⴻⴽ ⵎⴰⵛⵀⴰⵔ.