Asebter amenzawi

Addud n Sswid ɣef temsalt n Uneẓruf Utrim « ur ibeddel ara »

STOCKhuLM – « Addud n Sswid deg wayen yerzan tamsalt n Uneẓruf Utrim yettwaḍḍfen ur ibeddel ara », ɣef wakken ay tɛawed twekked-d tneɣlaft taswidit n tɣawsiwin n uzɣar, Malgrete Woolstrom, ay d-tebder n tnegga taṣeḥrawit n tɣemsa (SPS).

« Addud n Sswid deg wayen yerzan tamsalt n Uneẓruf Utrim ur tbeddel ara », ɣef wakken ay d-tenna Massa Woolstrom ay yemmugren, deg Stockholm, yiwet n tmagla (wafd) n Terni n Polisario ay d-yewwi Mhamed Khadad, yellan d aselway n tseqqamut taṣeḥrawit n tɣawsiwin n uzɣar.

Taneɣlaft taswidit tɛawed twekked-d, deg tegnit-a, abdad n tmurt-nnes ɣer yidis n uzref n uɣref aṣeḥrawi i ugguccelman (taqrir maṣir) d lebɣi-nnes « i uttekki i usserbeḥ n wussisen (maǧhudat) n Yiɣlanen Yeddukklen i tifrat tuɣdimt, tameɣlalt n taluft n Uneẓruf Utrim ».

Nnig waya, tger-d tneɣlaft taswidit tiɣri i ukemmel n umciweṛ n uswir unnig i ussemyuddes (tansiq) gar Terni n Polisario d unabaḍ (ḥukuma) aswidi.

Tamagla taṣeḥrawit yemmuger-itt daɣ uselway n umni (barlaman) aswidi, Urban Ahlin, ay iɛawden iwekked-d addud n umni d ubdad-nnes ɣer yidis n yimenɣi aṣeḥrawi.

Tamagla taṣeḥrawit tfuṛes seg terzi-nnes ɣef Stockholm akken ad temlil d yimasayen (mas’ulin) isertiyen unnigen n Sswid, gar-asen tanmazult n uselway taqburt n umni (d amagaẓ), Isabel Louvain akkd umaru amatu n wammas n Olof Palm d uneɣlaf aqbur Janes Oolbarak.