Asebter amenzawi

Azekka n Lezzayer atan deg Yignan Unnigen d yilemẓiyen-nnes

LEƔWAṬ - Iwekked-d uneɣlaf amenzu, Abdelmalek Sellal, dakken « azekka n Lezzayer atan deg Yignan Unnigen » d « timmeṛkantit n teẓwarin d tḥeṛci n yilemẓiyen-nnes ».

Deg yiwet n tseɣrut ay d-iga i Tnegga n Yisalan n Lezzayer deg terzi-nnes n uxeddim d ussefqed ɣef Leɣwaṭ, yenna-d Mass Sellal dakken, yenna-d daɣ uneɣlaf dakken Lezzayer attan la tettnaɣ akken ad tesɛu tadamsa yenneflin (mutaṭawwira), d tamellilt yerna d timziregt (mustaqilla), am wakken ad d-tqam iman-nnes seg yidis n tuččit, ad yili unewweɛ yerna ad d-terbeḥ imuren deg ssuq, s uksab n tesnatwilt d usjujeg n tmetti-nnes.

Dɣa, i lmend n waya, iger-d Mass Sellal tiɣri i « usnefli n tkerrazt akken ad teḍmen taɣellist (amn) n tuččit », yerna yenna-d dakken « yessefk ad tuɣal tkerrazt d nettat ay d tigejdit n tdamsa ».

Yules iwekked-d Mass Sellal, i lmend n waya, dakken anabaḍ (ḥukuma) « la yessebɣas tadamsa taɣelnawt yerna ur la yetteg ara akk amgerrad » gar teṛmisin (carikat) tinagdudin d teṛmisin tusligin, am wakken ay d-iger tiɣri i uḥbas n ucemmet n uḥric uslig d yirgazen n yiweẓla, « acku wi d timmeṛkantit i tmurt » n Lezzayer.

« Ad nennaɣ s teqseḥ mgal wurar s ssumat, tarewla ɣef leɣrama d udɣal. Ulac amkan i wid ay yebɣan ad sdermen tadamsa taɣelnawt yerna kullec ad yettwassefqad ɣef leḥsab n lqanun », ɣef wakken ay d-iṛeggem Mass Sellal.