Asebter amenzawi

Yenqes waǧaw n sskeṛ deg 2015

LEZZAYER TAMANEƔT – Yenqes waǧaw n sskeṛ (abiṭrab, aɣanim n sskeṛ, asiru n tlakṭuzt d tlakṭuzt yeqquren) ɣer 714,76 n yimelyunen n yidulaṛen deg 2015 yili tesqam-d tfatuṛt n sskeṛ 861,04 n yimelyunen n yidulaṛen deg 2014, ɣef wakken ay aɣ-d-tenna tedwant.

Ma d tasmekta (kammiyya) n sskeṛ ay d-yettwaǧwen terna cwiṭ yerna tewweḍ ɣer 1,93 d amelyun n yiṭunen yili deg 2014, tuǧew-d Lezzayer 1,92 d amelyun n yiṭunen, ɣef leḥsab n Wammas Aɣelnaw n Tsenselkimt d Taddadanin n Tedwant.

S waya, tenqes tfatuṛt n waǧaw n sskeṛ s 17% deg 2015 ɣef leḥsab n 2014, ma d tasmekta terna s 0,44%.

Anqas-a n tfatuṛt yella-d ɣef lǧal n unqas deg ssuma n sskeṛ azubaɣ d sskeṛ amellal deg umaḍal imi ay terbeḥ lɣella n uɣanim n sskeṛ yerna teɣli ssuma n uqariḍ (ɛumla) abrizili ɣef leḥsab n udulaṛ.

Brizil d nettat ay d tanfarast (muntiǧa) tamezwarut akk n sskeṛ deg umaḍal yerna tessefra ad d-temger 604 n yimelyunen n yiṭunen n sskeṛ i 2015-2016 (d tasmekta tameqrant akk deg umezruy-nnes). 80% seg sskeṛ akk ay yettnuzun deg umaḍal yettekk-d seg uɣanim n sskeṛ.