ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴰⵔⵉⵔⴻⵏ ⵉⴼⵔⵉⵇⵉⵢⴻⵏ ⵉⵎⵅⴻⵢⵢⵔⴻⵏ ⴷⴻⴳ ⵜⵓⵕⵓⴼⵜ: ⵙⵍⵉⵎⴰⵏⵉ ⴳⴰⵔ ⵢⵉⵎⴰⵣⵡⴰⵔⴻⵏ

ⵒⴰⵔⵉⵙ – ⵢⴻⴷⴷⴰ-ⴷ ⵓⵎⴻⵏⵟⴰⴳ (ⵎⵓⵀⴰⴵⵉⵎ) ⴰⴳⵔⴰⵖⵍⴰⵏ ⵉⵙⵍⴰⵎ ⵙⵍⵉⵎⴰⵏⵉ (ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵙⵒⵧⵔⵜⵉⵏⴳ ⵍⵉⵙⴱⵓⵏ) ⴳⴰⵔ ⵢⵉⵎⴰⵔⵉⵔⴻⵏ ⵉⴼⵔⵉⵇⵉⵢⴻⵏ ⵉⵎⵅⴻⵢⵢⵔⴻⵏ ⴰⴽⴽ ⴷⴻⴳ ⵜⵓⵕⵓⴼⵜ ⴷⴻⴳ ⵓⵙⵙⴻⵏⵇⴻⴷ ⴰⵢ ⴷ-ⵢⴻⵜⵜⵉⵍⵉⵏ ⵢⴰⵍ ⴷⴷⵓⵕⵜ ⴷⴻⴳ ⵓⴷⴻⴳ ⵏ « ⴼⵧⵧⵜⴰⴼⵔⵉⵛⴰ365 ».

ⵉⵎⵙⵉⵙⵡⵉ-ⴰ (ⵀⴰⴷⴷⴰⴼ) ⴰⵇⴱⵓⵔ ⵏ ⵛⵔ ⴱⴻⵍⵧⵓⵉⵣⴷⴰⴷ ⵢⴻⵜⵜⴻⴽⴽⴰ ⴷⴻⴳ ⵓⵙⵙⴻⵔⴱⴻⵃ ⵜⴰⵖⵍⴰⵎⵜ-ⵏⵏⴻⵙ ⴷⴻⴳ ⵡⴰⵙⵙ ⴰⵏⴻⴳⴳⴰⵔⵓ ⵏ ⵜⴻⵍⵖⵓⵖⴰ ⵏ ⵒⵓⵕⵜⵓⴳⴰⵍ ⵎⴳⴰⵍ ⵒⴰçⵙ ⴷⴻ ⴼⴻⵔⵔⴻⵉⵔⴰ (3-1) ⵎⵉ ⵢⴻⵙⵄⴻⴷⴷⴰ ⵜⴰⴽⵓⵔⵜ ⵉ ⴱⵔⵓⵏⵧ ⵛⴻⵙⴰⵔ ⴰⴽⴽⴻⵏ ⴰⴷ ⵢⴻⵙⵙⵉⴷⴻⴼ ⵉⵙⵡⵉ ⴰⵎⴻⵣⵡⴰⵔⵓ ⴷⴻⴳ ⵓⵣⴳⴻⵏ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵜ, ⵙⴰⴽⴽⵉⵏ ⴷ ⵏⴻⵜⵜⴰ ⵙ ⵜⵉⵎⵎⴰⴷ-ⵏⵏⴻⵙ ⴰⵢ ⵢⴻⵙⵙⴰⴷⴼⴻⵏ ⵙⵉⵏ ⵏ ⵢⵉⵙⵡⴰⵏ, ⵢⴻⵔⵏⴰ ⴰⵢⴰ ⵢⴻⴵⴵⴰ ⵙⵒⵧⵔⵜⵉⵏⴳ ⵍⵉⵙⴱⵓⵏ ⴰⴷ ⵜⴻⵇⵇⵉⵎ ⴷⴻⴳ ⵓⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵙⴻⵜⵜⴻⴼ ⵏ ⵜⴻⵍⵖⵓⵖⴰ ⵏ ⵜⵥⵓⵏⵜ ⵜⴰⵎⴻⵣⵡⴰⵔⵓⵜ ⵏ ⵒⵓⵕⵜⵓⴳⴰⵍ.

ⵎⴻⵏⵖⵉⵔ ⵙⵍⵉⵎⴰⵏⵉ, ⵢⴻⴱⴷⴻⵔ-ⴷ ⵓⴷⴻⴳ ⵏ ⴼⵧⵧⵜⴰⴼⵔⵉⵛⴰ365 ⴰⵎⴻⵏⵟⴰⴳ ⴰⵎⴰⵚⵔⵉ ⵏ ⵙⵒⵧⵔⵜⵉⵏⴳ ⴱⵔⴰⴳⴰ (ⵒⵓⵕⵜⵓⴳⴰⵍ) ⵀⴰⵙⵙⴰⵏ ⴽⵧⴽⴰ, ⴰⵢ ⵢⴻⵙⵙⴰⴷⴼⴻⵏ ⵙⵉⵏ ⵏ ⵢⵉⵙⵡⴰⵏ ⵢⴻⵔⵏⴰ ⵢⴻⵙⵄⴻⴷⴷⴰ ⵜⴰⵛⵉⵔⵜ ⵉ ⵓⵙⵙⵉⴷⴻⴼ ⵏ ⵢⵉⵙⵡⵉ ⵎⴳⴰⵍ ⵔⵉⵧ ⴰⵠⴻ.

ⵢⴻⵔⵏⴰ ⵢⴻⵙⵙⴻⴷⴷⴰ-ⴷ ⵓⵙⵙⴻⵏⵇⴻⴷ-ⴰ ⴰⵎⴰⵔⵉⵔ ⴰⴽⵓⵏⴳⵓⵍⵉ ⵏ ⵠⵉⵜⵧⵔⵉⴰ ⵙⴻⵜⵓⴱⴰⵍ, ⴰⵔⵏⵧⵍⴷ, ⴷ ⵓⴳⵔⴰⵖⵍⴰⵏ ⴰⴳⵀⴰⵏⵉ ⵎⵉⵛⵀⴰⴻⵍ ⴻⵙⵙⵉⴻⵏ ⴰⵢ ⵢⴻⵍⵍⴰⵏ ⵢⴻⵜⵜⵓⵔⴰⵔ ⴷⴻⴳ ⵒⴰⵏⴰⵜⵀⵉⵏⴰⵉⴽⵧⵙ, ⵓⵍⴰ ⵎⴰ ⵉⴳⵎⴰⴹ-ⵏⵙⴻⵏ ⵓⵔ ⴳⴻⵔⵔⵣⴻⵏ ⴰⵔⴰ ⴰⵎ ⵡⵉⴷ ⵏ ⵙⵍⵉⵎⴰⵏⵉ ⴷ ⴽⵧⴽⴰ.

ⵉⵎⵅⴻⵢⵢⵔⴻⵏ ⵉⴼⵔⵉⵇⵉⵢⴻⵏ ⵏ ⴷⴷⵓⵕⵜ-ⴰ ⴷⴷⴰⵏ-ⴷ ⴷⴰⵖ ⴷⴻⴳ-ⵙ ⵏⴰⵏⴰ ⴰⵙⴰⵔⴻ, ⴰⴳⵀⴰⵏⵉ ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵜⴻⵖⵍⴰⵎⵜ ⵏ ⵍⴰ ⴳⴰⵏⵜⵧⵉⵙⴻ (ⴱⵉⵍⵊⵉⴽ) ⴷ ⴰⵅⴻⵍ ⵎⴻⵢⴻ, ⴰⴳⴰⴱⵓⵏⵉ ⵏ ⴻⵙⴽⵉⵙⴻⵀⵉⵔⵙⵒⵧⵔ (ⵟⵟⴻⵔⴽ).