Asebter amenzawi
Seg Tasanayt s tmaziɣt imunen
Tɛedda Lezzayer ɣer uzgen n tneggarut n telɣuɣa tafriqit n tcirt n ufus
LQAHIRA – Tɛedda teɣlamt tadzayrit n tcirt n ufus ɣer uzgen n tneggarut n Teqbuct n Tefriqt n Yiɣlanen n 2016 deffir ma terna Tagduda Tamegdayt n Kungu s 34 ɣer 25 (azgen n wakud amezwaru: 16-13), ass n laṛebɛa deg Lqahira.
Timliliyin n uzgen n tneggarut ad d-ilint ass n ljemɛa, yerna Lezzayer ad turar mgal Tunes ay yessawḍen ula d nettat ad ternu Kamrun (24 ɣer 20).
Timlilit n tneggarut ad d-tili ass n ssebt.
Taɣlamt ad d-yefrurin d talɣuɣt n Tefriqt ad tɛeddi ɣer Wuraren Ulimpiyen n 2016 n Rio, ma d 3 timezwura ad zemrent ad ttekkint deg telɣuɣa n umaḍal n 2017 ad d-yilin deg Fṛansa.
