ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴷⴷⵓⴽⵍⴰ ⵏ ⵜⴻⵎⵙⴻⵜⵍⴻⵍⵜ ⴳⴰⵔ ⴼⵕⴰⵏⵙⴰ ⴷ ⴼⴰⵍⴻⵙⵟⵉⵏ ⵍⴰ ⵜⴻⴽⴽⴰⵜ ⵖⴻⴼ ⵓⵖⴰⵏⵣⵓ ⵏ ⵙⵙⴻⵍⵄⴰ ⵜⵉⵙⵕⴰⵢⵉⵍⵉⵜ

ⵒⴰⵔⵉⵙ – ⵜⴳⴻⵔ-ⴷ ⵜⵉⴷⴷⵓⴽⵍⴰ ⵏ ⵜⴻⵎⵙⴻⵜⵍⴻⵍⵜ ⴳⴰⵔ ⴼⵕⴰⵏⵙⴰ ⵏ ⴼⴰⵍⴻⵙⵟⵉⵏ ⵜⵉⵖⵔⵉ ⵉ ⵓⵃⵓⴷⴷⵓ ⵏ ⵓⵣⵔⴻⴼ ⵏ ⵓⵖⴰⵏⵣⵓ ⵏ ⵢⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵉⵙⵕⴰⵢⵉⵍⵉⵢⴻⵏ ⴷⴻⴼⴼⵉⵔ ⵎⴰ ⵜⵜⵡⴰⵛⴰⵕⵄⴻⵏ ⴽⵔⴰ ⵏ ⵢⵉⴼⵕⴻⵏⵙⵉⵙⴻⵏ ⴰⵢ ⴷ-ⵉⴳⵔⴻⵏ ⵜⵉⵖⵔⵉ ⵉ ⵓⵖⴰⵏⵣⵓ ⵏ ⵙⵙⴻⵍⵄⴰ-ⴰ.

ⵜⵉⴷⴷⵓⴽⵍⴰ-ⴰ ⵜⴳⴻⵔ-ⴷ ⵜⵉⵖⵔⵉ ⵉ ⵓⵙⴻⵍⵡⴰⵢ ⴰⴼⵕⴻⵏⵙⵉⵙ ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ ⴷ ⵓⵏⴰⴱⴰⴹ, ⴷⴻⴼⴼⵉⵔ ⵎⴰ ⵜⵜⵡⴰⵛⴰⵕⵄⴻⵏ ⴽⵔⴰ ⵏ ⵢⵉⴼⵕⴻⵏⵙⵉⵙⴻⵏ ⴰⵢ ⴷ-ⵉⴳⵔⴻⵏ ⵜⵉⵖⵔⵉ ⵉ ⵓⵖⴰⵏⵣⵓ ⵏ ⵢⵉⴼⴰⵔⵉⵙⴻⵏ ⵉⵙⵕⴰⵢⵉⵍⵉⵢⴻⵏ, ⵢⴻⵔⵏⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵙⵙⵓⴼⴼⴻⵖ-ⴷ ⵜⵉⴷⴷⵓⴽⵍⴰ-ⴰ ⵜⵉⵖⵔⵉ-ⵏⵏⴻⵙ ⴰⵙⵙ ⵏ ⵜⵜⵍⴰⵜⴰ ⵙ ⵓⵙⵜⴻⵏⵢⵉ ⵏ ⴽⵔⴰ ⵏ ⵡⵓⴼⵔⵉⵏⴻⵏ (ⵎⵓⵏⵜⴰⵅⴰⴱⵉⵏ) ⵉⵙⴻⵔⵜⵉⵢⴻⵏ ⵉⴼⵕⴻⵏⵙⵉⵙⴻⵏ ⴷ ⵡⵓⵕⵓⴼⵉⵢⴻⵏ, ⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵍⵇⴰⵏⵓⵏ, ⵉⵏⴻⵖⵎⴰⵙⴻⵏ, ⵉⵏⵎⴻⵣⵔⵓⵢⴻⵏ ⴷ ⵢⵉⵙⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ, ⴳⴰⵔ ⵡⵉⵢⴰⴹ.

ⵜⴰ ⴷ « ⵜⵉⵖⵔⵉ ⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⵉ ⵜⵍⴻⵍⵍⵉ ⵏ ⵡⴰⵡⴰⵍ ⴷ ⵜⴰⴳⴰⵢⵜ ⵏ ⵓⵙⵙⴻⵅⵍⴻⴹ ⴳⴰⵔ ⵜⴻⵎⴳⴻⵍⵙⴰⵎⵉⵜ ⴷ ⵓⵅⴻⴷⴷⵉⵎ ⴰⵖⴻⵔⵎⴰⵏ (ⵎⵓⵡⴰⵟⵉⵏ) ⵏ ⵜⵢⵉⵜⴰ ⴷⴻⴳ ⵜⵙⴻⵔⵜⵉⵜ ⵜⵉⵙⵕⴰⵢⵉⵍⵉⵜ », ⵢⴻⵔⵏⴰ ⵜⴻⴼⴼⴻⵖ-ⴷ ⵜⴻⵖⵔⵉ-ⴰ ⴷⴻⴳ ⵓⴷⴻⴳ ⵏ ⵉⵏⵜⴻⵔⵏⴻⵜ ⵏ ⵒⵧⵍⵉⵜⵉⵙ.

« ⵏⴳⴻⵔ-ⴷ ⵜⵉⵖⵔⵉ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷ ⵓⵏⴰⴱⴰⴹ ⴰⴼⵕⴻⵏⵙⵉⵙ ⴰⴽⴽⴻⵏ ⴰⴷ ⴳⴻⵏ ⴽⵔⴰ ⵡⴰⵔ ⵍⴻⵄⴹⵉⵍ: ⵢⴻⵙⵙⴻⴼⴽ ⴰⴷ ⵙⴱⴻⵟⵍⴻⵏ, ⵉⵎⵉⵔ-ⴰ, ⵍⴻⵡⵚⴰⵢⴰⵜ ⵏ ⴰⵍⵍⵉⵧⵜ ⵎⴰⵔⵉⴻ ⴷ ⵎⴻⵔⵛⵉⴻⵔ ⴰⵢ ⵢⴻⵙⵙⵓⵜⵔⴻⵏ ⵙⴻⴳ ⵜⵙⴻⵇⵇⴰⵎⵓⵜ ⵏ ⵢⵉⵏⴻⵣⵔⴰⴼⴻⵏ ⴰⴷ ⵛⴰⵕⵄⴻⵏ ⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ⴰⵢ ⴷ-ⵉⴳⵔⴻⵏ ⵜⵉⵖⵔⵉ ⵉ ⵓⵖⴰⵏⵣⵓ ⵏ ⵢⵉⴼⴰⵔⵉⵙⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵉⵙⵕⴰⵢⵉⵍ, ⵢⴻⵔⵏⴰ ⴰⴷ ⴷ-ⵙⵙⴻⴽⵏⴻⵏ ⵙ ⵜⵉⴷⴻⵜ ⴷ ⴰⴽⴽⴻⵏ ⵢⴻⵍⵍⴰ ⵓⵎⴳⴻⵔⵔⴰⴷ ⵉⴱⴰⵏⴻⵏ ⴳⴰⵔ ⵜⴻⵎⴳⴻⵍⵙⴰⵎⵉⵜ (ⵄⵉⴷⴰ’ ⵍⵉ-ⵙⵙⴰⵎⵉⵢⵢⴰ), ⵢⴻⵍⵍⴰⵏ ⴷ ⵜⵓⴼⴼⵖⴰ ⵉ ⵍⵇⴰⵏⵓⵏ, ⴷ ⵜⵉⴳⴰⵡⵜ ⵜⴰⵖⴰⵔⵉⵎⵜ ⵏ ⵢⵉⵎⴻⵏⵖⵉ ⵎⴳⴰⵍ ⵓⵔⴽⴰⴹ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴰⵢ ⵍⴰ ⵜⴻⵜⵜⴻⴳ ⵉⵙⵕⴰⵢⵉⵍ, ⵉⵎⵉ ⵡⴰ ⴷ ⴰⵣⵔⴻⴼ ⴰⵖⴰⵔⵉⵎ ⵓⵔ ⵢⴻⵜⵜⴱⴻⴷⴷⵉⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ-ⴰ ⴷⴻⴳ ⵜⴻⵖⵔⵉ-ⵏⵏⴻⵙ.

« ⵏⴻⵡⵀⴻⵎ ⵎⵉ ⴰⵖ-ⴷ-ⵢⴻⵡⵡⴻⴹ ⵢⵉⵙⴰⵍⵉ ⵏ ⵜⵓⴼⴼⵖⴰ ⵏ ⵍⴻⵃⴽⴻⵎ ⵏ ⵜⵔⵓⵥⵉ ⵏ ⵛⵛⵕⴻⵄ ⵏ 20 ⵜⵓⴱⴻⵕ 2015 ⴰⵢ ⴷ-ⵉⵡⴻⴽⴽⴷⴻⵏ ⴰⵃⴽⴰⵎ ⵙ ⵓⵄⴰⵇⴻⴱ ⵏ ⵢⵉⵖⴻⵔⵎⴰⵏⴻⵏ ⴰⵢ ⴷ-ⵉⴳⵔⴻⵏ ⵜⵉⵖⵔⵉ ⵉ ⵓⵖⴰⵏⵣⵓ ⵏ ⵢⵉⴼⴰⵔⵉⵙⴻⵏ ⵉⵙⵕⴰⵢⵉⵍⵉⵢⴻⵏ ⵖⴻⴼ ⵍⴵⴰⵍ ⵏ ⵓⵔⴽⴰⴹ ⴰⵢ ⵜⴻⵔⴽⴻⴹ ⵉⵙⵕⴰⵢⵉⵍ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ-ⴰ.

« ⵎⴻⵏⵖⵉⵔ ⴰⴷⴷⵓⴷⴻⵏ-ⵏⵏⴻⵖ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵖⴰⵏⵣⵓ-ⴰ, ⵏⴻⴱⵖⴰ ⴰⴷ ⴷ-ⵏⴻⵙⵙⴻⵏⴼⴰⵍⵉ ⵓⵔⴼⴰⵏ-ⵏⵏⴻⵖ ⵖⴻⴼ ⵍⴵⴰⵍ ⵏ ⵓⵜⵄⴻⴷⴷⵉ-ⴰ ⵖⴻⴼ ⵜⵍⴻⵍⵍⵉⵢⵉⵏ ⵜⵉⵏⴰⴳⴷⵓⴷⵉⵏ. ⵍⴻⵛⵖⴰⵍ ⵏ ⵓⵖⴰⵏⵣⵓ ⵜⵜⵡⴰⵍⵉⵏ-ⵜⴻⵏⵜ ⵜⵎⵓⵔⴰ ⵜⵉⵎⴻⴳⴷⴰⵢⵉⵏ (ⴷⵉⵎⵓⵇⵔⴰⵟⵉⵢⵢⴰ) ⴷ ⵜⴰⵍⵖⴰ ⵢⴻⵜⵜⵡⴰⵃⴻⵔⵣⴻⵏ ⵏ ⵜⵍⴻⵍⵍⵉ ⵏ ⵡⴰⵡⴰⵍ ».

« ⵙ ⵢⵉⵙⴻⵎ ⵏ ⵡⴰⵛⵓ ⴰⴷ ⵜⵓⵖⴰⵍ ⵜⴻⵖⵔⵉ ⵉ ⵓⵖⴰⵏⵣⵓ, ⴷⴻⴳ ⴼⵕⴰⵏⵙⴰ, ⴷ ⴰⵙⵎⴻⵏⴷⴻⴳ ⵉ ⵓⵎⴻⵃⵢⴰⴼ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⵕⴰⵢⵉⵍ ⵢⵉⵍⵉ ⴰⵢⴰ ⵓⵔ ⵢⴻⵜⵜⵉⵍⵉ ⴰⵔⴰ ⴷ ⵓⴳⵓⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵓⵔⵜ ⵏⵉⴹⴻⵏ? ⵎⴰⵖⴻⴼ ⴰⵖⴰⵏⵣⵓ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵓⵔ ⵢⴻⵜⵜⵡⴰⵃⵙⴻⴱ ⴰⵔⴰ ⴷ ⵜⴰⵍⵖⴰ ⵏ ⵓⵎⴻⵃⵢⴰⴼ? » ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⵢⴻⵙⵜⴻⵏⵢⴰⵏ ⵜⵉⵖⵔⵉ-ⴰ.

« ⴷ ⵜⵉⵎⴻⵔⵡⵉⵏ (ⵄⴰⵛⴰⵔⴰⵜ) ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵜⵔⴻⴽⴽⴻⴹ ⵉⵙⵕⴰⵢⵉⵍ ⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵉⴳⵔⴰⵖⵍⴰⵏⴻⵏ ⵢⴻⵔⵏⴰ ⵜⴻⵔⴽⴻⴹ ⵉⵣⴻⵔⴼⴰⵏ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴰⵢⵢⴻⵙ ⵜⴻⵙⵜⴻⵄⵕⴻⴼ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⴰⵣⵔⴻⴼ-ⵏⵏⴻⵙ ⵓⵔ ⵢⴻⵜⵜⵡⴰⵏⴽⴰⵕⴻⵏ ⵉ ⵓⴳⴳⵓⵛⵛⴻⵍⵎⴰⵏ », ⵢⴻⵔⵏⴰ ⵓⵍⴰ ⵎⴰ ⵍⴱⴰⵟⴻⵍ-ⴰ ⴰⴽⴽ ⵢⴻⵍⵍⴰ-ⴷ, « ⵉⵏⴰⴱⴰⴹⴻⵏ-ⵏⵏⴻⵖ ⴽⴽⴰⵜⴻⵏ-ⴷ ⴽⴰⵏ ⴷⴻⴳ-ⵙ ⵙ ⵡⴰⵡⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⴷⴷⵓⴽⵍⴰ-ⴰ ⵜⴰⵎⴰⵡⵜ.