ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵄⴰⵡⴻⴷ ⵜⴻⵜⵜⵡⴰⴼⵔⴻⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴻⴼⵔⵉⵇⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵄⴰⵡⴻⴷ ⵜⴻⵜⵜⵡⴰⴼⵔⴻⵏ ⵍⴻⵣⵣⴰⵢⴻⵔ ⵖⴻⵔ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵙ ⵜⴻⴳⵜⵉ (ⴰⵖⵍⴰⴱⵉⵢⵢⴰ) ⵎⴻⵖⵖⵔⴻⵏ ⵏ ⵜⵓⵖⴰⵛ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

« ⵉⵄⴰⵡⴻⴷ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ (ⵜⴰⵏⴼⵉⴷⵉ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴼⵔⴰⵏ ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⵙⵙ ⵏ ⵍⴻⵅⵎⵉⵙ. ⵜⴰⴼⵔⴰⵏⵜ ⵜⴻⵍⵍⴰ-ⴷ ⵙ ⵜⴻⵡⵔⵉⵇⵜ ⵜⵓⴼⴼⵉⵔⵜ ⵢⴻⵔⵏⴰ ⵜⵄⴰⵡⴻⴷ ⵜⴻⵜⵜⵡⴰⴼⵔⴻⵏ ⴷⴻⴳ-ⵙ ⵍⴻⵣⵣⴰⵢⴻⵔ ⴷ ⵜⴰⵎⴰⵙⵍⴰⴹⵜ (ⵄⵓⴹⵡⴰ) ⴷⴻⴳ ⵓⵙⴻⵇⵇⴰⵎⵓ ⵙ ⵜⴻⴳⵜⵉ ⴷ ⵜⴰⵎⴻⵇⵔⴰⵏⵜ ⵏ ⵜⵓⵖⴰⵛ ⵏⴻⵖ ⵓⴳⴰⵔ ⵏ ⵜⵉⵙ 3 ⵏ ⵜⵓⵖⴰⵛ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ.

ⵍⴻⵣⵣⴰⵢⴻⵔ ⵜⴻⵍⵍⴰ ⵢⴰⴳⵉ ⴷ ⵜⴰⵎⴰⵙⵍⴰⴹⵜ ⴷⴻⴳ ⵓⵙⴻⵇⵇⴰⵎⵓ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴳⴰⵔ 2013 ⴷ 2016, ⵢⴻⵔⵏⴰ ⴰⵄⴰⵡⴻⴷ ⵏ ⵓⴼⵔⴰⵏ-ⵏⵏⴻⵙ ⵢⴻⵜⵜⵡⴻⴽⴽⵉⴷ-ⴷ « ⴷⴷⵓⵕ-ⵏⵏⴻⵙ ⴰⵍⴻⵎⵎⴰⵙ ⴷ ⵓⵜⵜⴻⴽⴽⵉ-ⵏⵏⴻⵙ ⴰⵙⵓⴷⴷⵙⴰⵏ (ⵉⵙⵜⵔⴰⵜⵉⴵⵉ) ⴷⴻⴳ ⵓⵙⵙⴻⴵⵀⴻⴷ ⵏ ⵜⴰⵍⵡⵉⵜ ⴷ ⵓⵔⴽⴰⴷ ⴷⴻⴳ ⵜⴻⴼⵔⵉⵇⵜ ⴷ ⵓⵜⵜⴻⴽⴽⵉ-ⵏⵏⴻⵙ ⴰⵎⴻⵇⵔⴰⵏ ⴷⴻⴳ ⵓⵙⵙⴻⴵⵀⴻⴷ ⵏ ⵜⵣⴻⵎⵎⴰⵔ ⴷ ⵜⵎⴻⵍⵍⵉⵍⵜ (ⴼⴰⵄⵉⵍⵉⵢⵢⴰ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵍⴻⵀⵀⵓ ⵙ ⵡⵓⴳⵓⵔⴻⵏ ⴰⵢ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⵏⵏⵉⴳ ⵡⴰⵢⴰ, ⵢⴻⵇⴱⴻⵍ ⵉⵎⴰⵣⵡⴰⵔⴻⵏ (ⵎⵓⵔⴰⵛⵛⴰⵃⵉⵏ) ⵉⴷⵣⴰⵢⵔⵉⵢⴻⵏ ⴰⵢ ⴷ-ⵢⴻⵙⵙⴻⵔⵙⴻⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⴹⴹⴼⴻⵏ ⵉⵎⵓⴽⴰⵏ ⵙ ⵡⴰⵣⴰⵍ-ⵏⵙⴻⵏ ⴷⴻⴳ ⵓⵏⴻⴳⵔⴰⵡ (ⵏⵉⴹⴰⵎ) ⴰⴳⵜⵉⴷⵉⵙ ⴰⴳⵔⴰⵖⵍⴰⵏ.

ⵙ ⵡⴰⵢⴰ, ⵜⴻⵜⵜⵡⴰⵇⴱⴻⵍ ⵜⵉⵎⵎⴰⵣⵡⴻⵔⵜ ⵏ ⵎⴰⵙⵙ ⴰⵀⵎⴻⴷ ⴷⵊⵧⴳⵀⵍⴰⴼ ⴰⴽⴽⴻⵏ ⴰⴷ ⵢⴻⴹⴹⴻⴼ ⴰⵎⴽⴰⵏ ⵏ ⵓⵏⴻⵎⵀⴰⵍ ⴰⵙⵍⴻⴽⵎⴰⵏ ⵏ ⵡⴰⵀⵉⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵡⴻⵏⵏⴰⴹⵜ, ⴷ ⵜⵉⵏ ⵏ ⵎⴰⵙⵙ ⴱⵧⵓⴰⵍⴻⵎ ⴱⵧⵓⴳⵓⴻⵜⴰⵉⴰ ⴰⴽⴽⴻⵏ ⴰⴷ ⵢⴻⴹⴹⴻⴼ ⴰⵎⴽⴰⵏ ⵏ ⵓⵏⴻⵣⵔⴰⴼ (ⵇⴰⴹⵉ) ⵏ ⵛⵛⵕⴻⵄ ⴰⴳⵔⴰⵖⵍⴰⵏ ⵏ ⵍⵇⴰⵏⵓⵏ ⵏ ⵢⵉⵍⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⴰⴷⵀⴰⵍ (ⴷⴰⵄⵎ) ⵏ ⵜⵉⵎⵎⴰⵣⵡⴻⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ « ⵢⴻⵙⵙⴽⴰⵏⴰⵢ-ⴷ ⵎⵍⵉⵃ ⴷ ⴰⴽⴽⴻⵏ ⵉⵎⴹⴻⴱⴱⵔⴻⵏ ⵉⴼⵔⵉⵇⵉⵢⴻⵏ ⵔⵔⴰⵏ ⵜⴰⵊⵎⵉⵍⵜ ⵉ ⵓⵄⴻⵡⵡⴻⵍ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵅⴷⴻⵎ ⵙⴻⴳ ⵡⵓⵍ ⵉ ⴼⴻⵔⵔⵓ ⵏ ⵜⵍⵓⴼⴰ ⵜⵉⴼⵔⵉⵇⵉⵢⵉⵏ ⴰⵎⴰ ⵙ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ, ⴰⵎⴰ ⵙ ⵓⵎⵄⴰⵡⴻⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.